მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საერთაშორისო თანამეგობრობა უნდა იყოს ფრთხილად, რომ რუსეთმა ვერ შეძლოს სანქციების თავიდან არიდება, საქართველოსაც სიფრთხილე მართებს" - გიორგი აბაშიშვილი
14:47 / 07-03-2022
რუსეთი, ამ ძალიან დიდი სანქციების ფონზე, აუცილებლად ეცდება, რომ არა მხოლოდ საქართველო, არამედ მსოფლიოს ძალიან ბევრი ქვეყანა სანქციებისგან თავის ასარიდებლად გამოიყენოს - ჩვენი პოზიცია საერთაშორისო პარტნიორებთან უკიდურესად კოორდინირებული უნდა იყოს, - ამის შესახებ საქართველოს ყოფილი პრეზიდენტის ადმინისტრაციის უფროსმა, "ჯეოქეისის“ მკვლევარმა გიორგი აბაშიშვილმა "ინტერპრესნიუსს“ განუცხადა, რითაც შეაფასა რუსეთის მხრიდან საქართველოსთვის რძის პროდუქტების ბაზრის გახსნა.
აბაშიშვილის აზრით, რუსეთი საქართველოსთან ერთი-ერთზე არ უნდა დარჩეს და "იმედია ხელისუფლება გვაჩვენებს, რომ მისი ნაბიჯები და საფრთხეების არიდების სურვილი საერთაშორისო პარტნიორებთან კოორდინირებულია“.
"რუსეთი დაიწყებს გზების მოძიებას, რათა თავიდან აირიდოს სანქციები. ეს შეიძლება იყოს როგორც სხვა ქვეყნები, ასევე ოფშორები. ერთი მხრივ საერთაშორისო თანამეგობრობა უნდა იყოს ფრთხილად, რომ რუსეთმა ვერ შეძლოს ჩრდილოვანი გზებით სანქციების თავიდან არიდება, მეორე მხრივ, საქართველოსაც სიფრთხილე მართებს. რუსეთი არ არის ქვეყანა, რომელიც ვინმეს კეთილდღეობაზე ზრუნავს, რუსეთი არის ქვეყანა, რომელიც ყოველთვის ვინმეს გამოყენებაზე ფიქრობს მხოლოდ საკუთარი მიზნებიდან გამომდინარე. აქ ჩვენი პოზიცია უკიდურესად ფრთხილი, გამიზნული და უკიდურესად კოორდინირებული უნდა იყოს ჩვენს საერთაშორისო პარტნიორებთან, უმნიშვნელოვანეს პარტნიორებთან - ამერიკის შეერთებულ შტატებთან, ევროკავშირთან. ამ საკითხებზე ყოველდღიურ კომუნიკაციაში უნდა ვიყოთ. საქართველოს მთავრობის პოზიცია გასაგებია, მაგრამ ჩვენი ნაბიჯები უნდა იყოს კოორდინირებული, შეთანხმებული და ჩვენი საერთაშორისო პარტნიორები ყოველდღიურად უნდა იყვნენ ინფორმირებულები ჩვენი რისკების, საფრთხეებისა და ნაბიჯების შესახებ. განსაკუთრებული სიფრთხილე გვჭირდება. ზოგადად კი, რუსეთი არაერთ პროვოკაციულ ნაბიჯს გადადგამს საქართველოს და არა მხოლოდ საქართველოს წინააღმდეგ. გასათვალისწინებელია ის გარემოება, რომ ჩვენი დამცველი მხოლოდ საერთაშორისო საზოგადოებაა. ჩვენ არასდროს, არ უნდა დავუშვათ სიტუაცია, რომ რუსეთთან ერთი-ერთზე დავრჩეთ ნებისმიერ საკითხზე.
რა მოლაპარაკებები, როდის და სად იყო ერთი თემაა, მაგრამ მეორეა ის, რომ დღეს სხვაგვარად მოქცევა გვმართებს, მხოლოდ ჩვენს პარტნიორებთან კოორდინირებით.
აბსურდული თემაა, რომ საქართველოს შეუძლია იყოს იმ პროდუქტის ექსპორტიორი, რომლის იმპორტიორი თავადაა. საუბარია რძის პროდუქტებზე. შეუძლებელია ექსპორტიორი ვიყოთ. კომპანიებმა საკუთარი პოზიცია დააფიქსირეს, მაგრამ რუსეთი პროვოკაციებს გააგრძელებს. როგორც მთავრობამ, ისე მეწარმეებმა და თითოეულმა მოქალაქემ უნდა გავიაზროთ, რომ რაც უფრო მეტად ვდისტანცირდებით რუსეთისგან არა მხოლოდ პოლიტიკური, არამედ ეკონომიკური თვალსაზრისით, მით ნაკლები გავლენა ექნება ამ ვერაგ სახელმწიფოს ჩვენზე. რაც შეიძლება ნაკლები გავლენა უნდა ჰქონდეს ჩვენს ყოველდღიურ ცხოვრებაზე, რათა ნაკლები საშუალება ჰქონდეს ჩვენი შანტაჟისთვის. ამიტომ, ნაცვლად რუსეთთან რაღაც თემების განსახილველად დროის ხარჯვისა, მნიშვნელოვანია მეტი დრო დავხარჯოთ საქართველოს სავაჭრო პარტნიორების დივერსიფიკაციის მიმართულებით, ნაკლები წილი დავუტოვოთ რუსეთს ჩვენს ეკონომიკასა და ცხოვრებაში“,- განაცხადა გიორგი აბაშიშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
