მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უკრაინისთვის ჯობია არანაირი პაუზაზე ან ჰუმანიტარულ კორიდორზე არ შეუთანხმდეს რუსეთს, დრო უკვე რუსეთის წინააღმდეგ მუშაობს" - სამხედრო ექსპერტი
11:40 / 03-03-2022
სამხედრო ექსპერტი გიორგი თავდგირიძე "ფეისბუქზე" რუსეთ-უკრაინის ომის მიმდინარეობას აფასებს.
"შევაჯამოთ სამხედრო მოქმედებები და ოპერატიული ვითარება ამ მომენტისათვის: რუსეთი სტრატეგიული ინიციატივის დაკარგვის ზღვარზეა, არც ერთი სამხედრო მიზანი მიღწეული არ არის, რუსეთის შეიარაღებული ძალები არ (ვერ) იყენებენ ოპერატიულ სიღრმეებს და ძირითადად ტაქტიკურ მიზნების მიღწევით შემოიფარგლებიან, თუმცა ტაქტიკურ დონეზე უკრაინელები ხშირად ახერხებენ ძალების სწრაფ გადაჯგუფებას და მოკლე დროში იბრუნებენ დაკარგულ პოზიციებს, თუმცა არ ატარებენ ისეთ ოპერაციებს, რომლებსაც დიდი ძალები ჭირდება და ასეთ მონაკვეთებზე თავდაცვით ბრძოლებში მოწინააღმდეგის გამოფიტვისა და მისთვის მაქსიმალური ზარალის მიყენებას ცდილობენ.
საინტერესოა, რომ უკრაინელები კარგად არიან სადაზვერვო ინფორმაციით უზრუნველყოფილი და ეფექტურ წერტილოვან დარტყმეს აყენებენ მოწინააღმდეგის კოლონებსა და მცირე დაჯგუფებებს. რუსეთის დაჯგუფების მოქმედებაში არ იგრძნობა ერთიანი მართვა და შეტევის რამდენიმე მიმართულებაზე მოქმედება არ აიოლებს რომელიმე სხვა მიმართულებაზე შეტევას ან არ ასუსტებს უკრაინული მხარის თავდაცვას.
ნაბიჯ-ნაბიჯ ტერიტორიების ბრძოლით დაკავება უკრაინული მხარის გააფრთებული და ეფექტური დაცვის ფონზე კიდე უფრო ანელებს რუსეთის შეტევის ტემპს და საერთოდ გაურკვეველს ხდის ოპერატიული მიზნის მიღწევის შესაძლებლობას.
უკრაინა, მცირე დანაკარგების ფონზე, ხელთ არსებული არც თუ მცირე მატერიალური და ფინანსური რესურსების გამოყენებით, სავარაუდოდ, აყალიბებს დამატებით ძალებს, რომლითაც ჩაანაცვლებს ბრძოლაში ჩართულ ქვედანაყოფებს, განაახლებს და შეავსებს მათ და გამოიყენებს, როგორც ოპერატიულ რეზერვს დათქმულ დროს ფრონტის მთელ ან გარკვეულ მონაკვეთებზე ძლიერი დაარტყმებისა და ღრმა შეტევითი ოპერაციების განსახორციელებლად.
დიდი ალბათობით, უახლოეს დღეებში რუსეთი შეეცდება ოპერატიული პაუზის მიღწევას ძალების გადასაჯგუფებლად, ეს მისთვის სასიცოცხლოდ მნიშვნელოვანია, სხვა შემთხვევაში მისი შეტევები სულ უფრო სწორხაზოვანი და არაეფექტური გახდება და რამდენიმე დღეში ჩაიფუშება.
ამის შემდეგ რამდენად ეყოფა ძალა შეინარჩუნოს დაკავებული პოზიციები დიდი კითხვის ქვეშ იქნება. რუსების ძალთა განლაგება ფრაგმენტულია და უკრაინის აქტიური მოქმედებაზე გადასვლის შემთხვევაში რუსეთი ვერ მოახერხებს თავდაცვის ეფექტური ზღუდეების შექმნას, ხოლო თუნდაც რამდენიმე მიმართულებაზე წარუმატებლობის შემთხვევაში ძალიან დიდია ალბათობა რუსული ქვედანაყოფების მართვის მოშლისა და პანიკური უკანდახევის. ქალაქების საცხოვრებელი უბნების დაბომბვებს არასდროს არ ჰქონია სამხედრო ოპერაციის წარმატებისთვის რაიმე მნიშვნელობა, რუსების მხრიდან ასეთი მოქმედება დუეს დოქტრინის რეალიზებაა და ის უფრო პოლიტიკური და ფსიქოლოგიური ზემოქმედების არაადამიანური, დანაშაულებრივი მცდელობაა, ვიდრე საბრძოლო მოქმედებებისთვის საჭირო აუცილებლობა.
სავარაუდოდ, რუსეთი შეეცდება მოლაპარაკებაზე ცეცხლის დროებით შეწყვეტის შეთანხმებას მიაღწიოს, რომელსაც დაარღვევს ახალი ძალების გადმოსროლისა და არსებულის გადაჯგუფების შემდეგ ( სავარაუდოდ 3-4 დღეში), ამიტომ უკრაინისთვის ჯობია არანაირი პაუზაზე ან ჰუმანიტარულ კორიდორზე არ შეუთანხმდეს რუსეთს, დრო უკვე რუსეთის წინააღმდეგ მუშაობს", - წერს თავდგირიძე.
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასეთი „ექსპერტები“ რომ გვყავს ყველა დარგში, იმიტომ ვართ აყვავებულები!
ტიპი იმედის და მთავარი არხის მონაცემებით მსჯელობს