"უკრაინაში რუსეთის შეჭრას 4 დღეში სულ მცირე 16 ბავშვი ემსხვერპლა" - უკრაინული მედია
უკრაინაში რუსეთის შეჭრას 4 დღეში სულ მცირე 16 ბავშვი ემსხვერპლა. UNIAN-ის კორესპონდენტის ცნობით, ამის შესახებ უკრაინის ჯანდაცვის მინისტრმა ვიქტორ ლიაშკომ განაცხადა.
მისი თქმით, უკვე 4 დღეა, რაც ექიმები დაჭრილების გადარჩენას ცდილობენ და პალატები ხალხითაა სავსე.
"ჩვენ ვაკეთებთ ოპერაციებს ბავშვების გადასარჩენად. სამწუხაროდ, 16 მათგანის გადარჩენა ვერ მოხერხდა. ეს არის ის შედეგები, რასაც აკეთებს რუსული არმია, რომელსაც არმია არ შეიძლება ეწოდოს“. - განაცხადა მან.
მინისტრმა ხაზგასმით აღნიშნა, რომ „არმია არ ესვრის ექიმებს, ბავშვებს, სკოლებსა და საბავშვო ბაღებს, ამას ტერორისტები აკეთებენ“.