თორნიკე შენგელიამ მოსკოვის CSKA დატოვა - ქართველი კალათბურთელის პროტესტი რუსეთს
თორნიკე შენგელიამ მოსკოვის CSKA დატოვა. საქართველოს ნაკრების კაპიტანმა ღირსეული გადაწყვეტილება რუსეთის მიერ უკრაინაში შეჭრის შემდეგ მიიღო.
შეგახსენებთ, თორნიკემ გუშინ საკუთარ ფეისბუქ გვერდზე უკრაინას სოლიდარობაც გამოუცხადა:
"ვლოცულობ უკრაინისთვის, დარჩით ძლიერები", - წერს სპორტსმენი საკუთარ "ფეისბუქის" გვერდზე.
ჯერჯერობით უცნობია თუ სად გააგრძელებს კარიერას ქართველი, თუმცა როგორც ცნობილია, განცხადებას დღეს, 26 თებერვალს გააკეთებს.
თორნიკემ ცსკას მაისურით ევროლიგაზე 15 შეხვედრა გამართა, საშუალოდ კი 12.7 ქულას, 4.7 მოხსნას, 2.5 შედეგიან გადაცემას, 0.9 ჩაჭრასა და 0.3 დაფარებას აგროვებდა.