9
მაისიდღის ზოგადი ასტროლოგიური პროგნოზი
"გიგი დედალამაზიშვილი და მარინა კარპი თბილისში არიან", - ამის შესახებ Ambebi.ge-ს გიგის დამ ნინიმ განუცხადა. როგორც ნინი ჩვენთან საუბარში ამბობს, მისი უკრაინელი რძლის, მარინას მშობლები და ძმა უკრაინაში არიან და არ ჩამოვიდნენ. ისინი ახლა ფიზიკური საფრთხის ქვეშ არიან.
მარინა სოციალურ ქსელში ვრცელ პოსტს აქვეყნებს, სადაც ჟურნალისტებს სთხოვს, რომ არ დაურეკონ კომენტარზე, რადგან დედას ცრემლების გარეშე ვერ ესაუბრება...
მარინა კარპი:
"არ არის აუცილებელი იყო პოლიტიკოსი ან ისტორიკოსი, რომ იცოდე, უკრაინა დამოუკიდებელი სახელმწიფოა. კიდევ რამდენი მეომარი უნდა დაიღუპოს, რამდენი თაობა უნდა დაიტანჯოს და სიცოცხლე დაიკარგოს სიმართლის გასაგებად - ომში გამარჯვებული არ არის.
დღევანდელი უსამართლობისგან მინდა ვიყვირო, მაგრამ ვინმეს ესმის? დედაჩემი ამბობს, რომ დიახ - და მინდა დავიჯერო. ამ დღეებში უამრავ მესიჯს ვიღებ ჩემი აუდიტორიისგან რუსეთიდან: "ჩვენ გვრცხვენია", "სიტუაციის მძევლები ვართ", "ომი არ გვინდა“. რატომ ხდება ეს? რიტორიკული კითხვაა...
გულწრფელად ვწუხვარ, ადამიანები, რომლებიც არ ეთანხმებიან თავიანთი ქვეყნის აგრესიულ პოლიტიკას, მაგრამ უთანხმოება იწვევს დაპატიმრებას და ეს არის მოჯადოებული წრე.
მე მინდა, რომ რუსეთიდან ჩემი აუდიტორიის 18%-მა იცოდეს: მე ვარ უკრაინელი! დავიბადე დონეცკში და გავიზარდე ბებიასთან ერთად ალუშტას სანაპიროებზე, ყირიმში. საქართველოში გავთხოვდი და შვილები გავაჩინე. არცერთი ეს მნიშვნელოვანი ადგილი ჩემთვის არ დარჩენილა ანექსიის გარეშე და ეს უკვე შემთხვევითი არ არის - ეს პოლიტიკის შედეგია. უკრაინა და საქართველო დამოუკიდებელი სახელმწიფოებია, წერტილი. ყველას მოუწევს ამასთან შეგუება, ვისთვისაც არასასიამოვნოა ან ვისაც ეს არ მოსწონს. დიდება უკრაინას! საქართველოს გაუმარჯოს!
პ.ს. შეგნებულად ვთიშავ კომენტარებს, ყველა ჟურნალისტს ვთხოვ, ვინც მირეკავს - დროს ნუ კარგავთ, დედაჩემსაც ცრემლების გარეშეც კი ვერ ველაპარაკები...“ - წერს მარინა.
დღეს დილას, რუსეთმა უკრაინაში საომარი მოქმედებები დაიწყო. ბოლო მონაცემებით, უკრაინის შეიარაღებულმა ძალებმა რუსი ოკუპანტების ექვსი სამხედრო თვითმფრინავი გაანადგურეს.
უკრაინის პრეზიდენტის, ვლადიმერ ზელენსკის განცხადებით, მსოფლიოს ლიდერებთან კონსულტაციებს განაგრძობს. "მსოფლიო ჩვენთანაა. ვაგრძელებ მოლაპარაკებებს ლიდერებთან. მივიღე მხარდაჭერა კატარის ემირისგანაც“, - წერს ზელენსკი "ტვიტერზე“.
სიძე არ მიდის საბრძოლველად?
რას გავაკეთებდით ამის მიმართვის გარეშე