Hyundai STARIA-მ გაიმარჯვა ჟურნალ “Auto motor und sport”-ის მკითხველთა გამოკითხვაში „2022 წლის საუკეთესო მანქანები”
ბაზარზე ახლად შემოსულმა Hyundai STARIA-მ უკვე მოიპოვა პოპულარობა ევროპელ მძღოლებში. გერმანული სავაჭრო ჟურნალის “Auto motor und sport”-ის მკითხველთა გამოკითხვაში „2022 წლის საუკეთესო მანქანები“, მწარმოებლის ეს ელეგანტური მრავალფუნქციური მანქანა (MPV) ფურგონების კატეგორიაში გამარჯვებულად დასახელდა.• გამოკითხვაში მონაწილეობდა გერმანული ჟურნალის, “Auto motor und sport”-ის, 100 000-ზე მეტი მკითხველი.
„საუკეთესო მანქანის ნომინაციაში, “Auto motor und sport”-ის ჯილდო ერთ-ერთი ყველაზე მნიშვნელოვანი და პრესტიჟული ჯილდოა გერმანიის საავტომობილო ინდუსტრიაში, რომელიც ჩვენს უდიდეს ბაზარს წარმოადგენს ევროპაში“ - ამბობს ანდრეას-კრისტოფ ჰოფმანი(Hyundai Motor-ის მარკეტინგისა და პროდუქტის განვითარების ვიცე პრეზიდენტი ევროპაში) - „STARIA არის ჩვენი ახალი მცდელობა გადაადგილებასთან დაკავშირებული საკითხების დასახვეწად, რომლის მიზანიცაა მოერგოს ყოველდღიური ცხოვრების გადატვირთულ სტილს. პირველივე მცდელობისას ფურგონების კატეგორიაში ამ ჯილდოს მოგება წარმოადგენს STARIA-ს მნიშვნელოვან მიღწევას და ჰიუნდაის იმ დიზაინერებისა და ინჟინრების ბრწყინვალე მუშაობაზე მეტყველებს, რომლებმაც შექმნეს ეს მოდელი.”
Auto motor und sport-ის მკითხველთა გამოკითხვის მიხედვით, მრავალფუნქციური ავტომობილების (MPV) კატეგორიაში, Hyundai STARIA უსწრებს თავის კონკურენტებს: Fiat 500L-ს, Renault Espace-ს, Seat Alhambra-ს და Toyota Proace Verso-ს.
STARIA-ს დახვეწილი ფორმა კოსმოსურ ხომალდს მოგაგონებთ - მოდელის ერთიანი, უკან გაზიდული ვიზუალი შთაგონებულია სინათლის მრუდით, რომელიც ანათებს დედამიწის ჰორიზონტს მზის ამოსვლისას, თუ კოსმოსიდან შეხედავთ.
ფუტურისტული ექსტერიერის გარდა, STARIA გამოირჩევა ინტერიერის უნიკალური დიზაინითაც, რომელშიც შედის მრავალფუნქციური რელაქს სავარძლები მეორე რიგში. ბარგის მოსათავსებელი სივრცის მაქსიმალურად გამოყენებისათვის მგზავრებს შეუძლიათ მათი უკან გადაწევა და დაკეცვა ელექტრონულად. თითის ერთი შეხებით რელაქსაციის რეჟიმის გააქტიურების შემთხვევაში, სავარძელი ავტომატურად იღებს კომფორტულ პოზიციას, რომლის მეშვეობითაც, ჯდომის დროს სხეულის წონა სწორად ნაწილდება სავარძელზე და ადვილდება წონასწორობის შენარჩუნება.
STARIA გთავაზობთ ავტომობილის უსაფრთხოების უმაღლეს სტანდარტს უსაფრთხოების მოწინავე ინსტრუმენტების წყალობით. ავტომობილი აღჭურვილია უსაფრთხოების 6 ბალიშით, თითოეული სავარძელი კი სამწერტილოვანი უსაფრთხოების ღვედით. სტარიაში ინტეგრირებულია Hyundai-ს თანამედროვე უსაფრთხოების სისტემა SmartSense-ი.
Staria-ს ნახვა ჰიუნდაი ავტო საქართველოს შოურუმში შეგიძლიათ. ავტომობილი წარმოდგენილია სრული ამძრაობის (4X4) სამი კომპლექტაციით: Family, Travel, luxur, CRDI ტურბო დიზელის ძრავით, რომელიც 177 ცხენის ძალას გამოიმუშავებს. ძრავას გააჩნია 8-სიჩქარიანი ავტომატური გადაცემათა კოლოფი. სტარიაზე, ისევე როგორც ჰიუნდაის სხვა მოდელებზე, მოქმედებს 5 წლიანი ქარხნული გარანტია ულიმიტო გარბენით.
R