მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პრაქტიკული აკადემიის“ მეხუთე ნაკადის სტუდენტებმა სასწავლო კურსი დაასრულეს
13:02 / 21-02-2022
პალიტრა მედია ჰოლდინგის „პრაქტიკულ აკადემიაში“ მულტიმედია ჟურნალისტიკის კურსზე, მეხუთე ნაკადის სტუდენტებმა სწავლა წარმატებით დაასრულეს. კურსდამთავრებულებს სერტიფიკატები გადაეცათ.
2-თვიანი პროგრამის ფარგლებში, სტუდენტებს საშუალება მიეცათ გაევლოთ პრაქტიკა ტელევიზიასა და რადიოში, სხვადასხვა ვებპლატფორმებსა და კონტენტმარკეტინგის დეპარტამენტში. ესწავლათ ყველა ის ხელსაწყო, რომლებიც მულტიმედია პროექტების შესაქმნელადაა საჭირო: როგორ იქმნება ნიუსი, მულტიმედიური მასალები და სპრეცპროექტები, ასევე სხვადასხვა სახის ვიზუალური და ინტერაქციული მასალა. სტუდენტებმა შეისწავლეს ჟურნალისტიკის საფუძვლები და მისი ყველა მიმართულება.
როგორც მულტიმედია ჟურნალისტიკის კურსის ხელმძღვანელი ნინო ტურაშვილი აღნიშნავს, სტუდენტებს კურსის გავლის შემდეგ დასაქმების რეალური შანსი აქვთ:
"ამ ადამიანებმა ორი თვე გაატარეს ჩვენთან ერთად, მოისმინეს მასტერკლასები და თეორიული კურსი ჩვენი ჰოლდინიგის წამყვანი რედაქტორების, პროდიუსერებისა და ჟურნალისტებისგან. კურსის კიდევ ერთი მთავარი მიზანი ამ ადამიანების დასაქმებაა. რამდენიმე სტუდენტი მომავალი თვიდან "პალიტრა მედია ჰოლდინგის“ სხვადასხვა პლატფორმაზე მუშაობის დაწყებას შეძლებს. ასევე გეტყვით, რომ სულ რამდენიმე დღეში მულტიმედია ჟურნალისტიკის კურსზე მეექვსე ნაკადის აპლიკანტების შერჩევა დასრულდება და ახალ ადამიანებს მივცემთ სწავლის, პრაქტიკული გამოცდილების მიღებისა და დასაქმების საშუალებას,“ - აღნიშნავს ნინო ტურაშვილი.
პრაქტიკული აკადემიის მეხუთე ნაკადის კურსდამთავრებულები აღნიშნავენ, რომ აკადემიაში გატარებული 2 თვე დიდი ცოდნისა და გამოცდილების მომტანი აღმოჩნდა:
„პალიტრის პრაქტიკული აკადემია არის არაჩვეულებრივი სტარტი, რომელიც გაძლევს საშუალებას აღმოაჩინო საკუთარი თავი, მიიღო პრაქტიკული გამოცდილება და გახდე უფრო თავდაჯერებული. ეს არის ძალიან დიდი შესაძლებლობა და გამოცდილება დამწყები ჟურნალისტებისთვის. ფაქტობრივად, პალიტრის აკადემია მზა კადრებს უშვებს. მიუხედავად იმისა, რომ სწავლის პერიოდი არ არის ხანგრძლივი, აქ მიღებული ცოდნა და პრაქტიკული გამოცდილება უნივერსიტეტში მიღებულს აღემატება, რადგან უნივერსიტეტი თითქმის არ იძლევა პრაქტიკულ ცოდნას, ეს კი ყველაზე მნიშვნელოვანია ჟურნალისტიკის სფეროში,“ - აღნიშნავს ლუკა მელაშვილი, „პრაქტიკული აკადემიის“ კურსდამთავრებული.
„სანამ „პრაქტიკულ აკადემიაში“ მოვიდოდი, საერთოდ არ ვიცოდი, როგორ მუშაობდა ტელევიზია, ციფრული მედია. ბავშვობიდან მაინტერესებდა ახალი ამბების სპეციფიკა, ჟურნალისტის სამუშაო გარემო. განსაკუთრებით დამაინტერესა კონტენმარკეტინგის სფერომ. აქ მომსვლელ სტუდენტს შეუძლია დაიწყოს სწავლა ნულიდან და არაფრის შეეშინდეს. პროფესიონალი მენტორები სხვადასხვა პლატფორმაზე თავის გამოცდილებას გიზიარებენ. „პრაქტიკულ აკადემიაში“ დაგროვილი გამოცდილება ძალიან გამომადგება, როდესაც მუშაობას დავიწყებ,“ - აღნიშნავს ია რომანაძე, „პრაქტიკული აკადემიის“ კურსდამთავრებული.
„პრაქტიკული აკადემიის“ კურსი ორი თვე მიმდინარეობს. სწავლის პროგრამა მსოფლიოში არსებულ თანამედროვე ტენდენციებზეა დაფუძნებული და ქართველი მენტორების მდიდარ პრაქტიკულ გამოცდილებას მოიცავს. სწავლის პერიოდში სტუდენტები ეცნობიან „პალიტრა მედია ჰოლდინგის“ სხვადასხვა პლატფორმის შიდა სამზარეულოს და ასრულებენ პრაქტიკულ დავალებებს.
პროგრამაში ჩართვა შეუძლია 18 წელს გადაცილებულ ნებისმიერ პირს. ისინი კურსის ფარგლებში შეიძენენ ჟურნალისტიკისთვის საჭირო უნარ-ჩვევებს.
სწავლის დასრულების შემდეგ სტუდენტებს ეძლევათ შესაძლებლობა დასაქმდნენ „პალიტრა მედია ჰოლდინგის“ სხვადასხვა პლატფორმაზე.
მულტიმედია ჟურნალისტიკის პროგრამაზე რეგისტრაციის გავლა შესაძლებელია „პრაქტიკული აკადემიის“ ვებგვერდზე: https://bit.ly/2SyeiJr
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
