მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ველოდით, რომ თავად მოითხოვდით შვილების დასჯას, თქვენ კი... ფულზე ჰყიდით სინდისს..." - ნიკა კვარაცხელიას დედა მისი შვილის მკვლელობაში ბრალდებულების დედებს მიმართავს
09:33 / 17-02-2022
ანჯაფარიძის ქუჩაზე მოკლული ნიკო კვარაცხელიას დედა იზა ომაძე წერილს ავრცელებს.
როგორც კვარაცხელიას დედა წერილში აღნიშნავს, მკვლელობაში ბრალდებულებს მიცემული აქვთ აღიარებითი ჩვენება ჯგუფურად ჩადენილი დანაშაულის შესახებ, თუმცა ბრალდებულების ოჯახი და ადვოკატები მათ "თავის დაღწევის მიზნით არ აძლევენ საშუალებას, რომ მკვლელებმა საზოგადოების წინაშეც აღიარონ ჯგუფურად ჩადენილი დანაშაული“.
ამასთან, კვარაცხელიას დედა, მკვლელობაში ბრალდებულების დედებს პირადად მიმართავს. მისი თქმით, ბრალდებულების ოჯახის წევრებმა საკუთარი შვილების დასჯის მოთხოვნის ნაცვლად, ძვირადღირებული ადვოკატები აუყვანეს.
"18 თებერვალს სასამართლო პროცესია, მინდა დავარღვიო დუმილი და მოგაწოდოთ უტყუარი ინფორმაცია, რომელიც არა მარტო ჩვენმა ოჯახმა, არამედ ბევრმა ადამიანმა იცის, რომ გიორგი კავილაძეს აქვს აღიარებული დანაშაული, მას დეტალურად აქვს აღწერილი დანაშაულის მომზადების ყველა დეტალი და დასახელებული ჰყავს დამკვეთიც, დამხმარეც და საკუთარ როლზეც ბევრი აქვს ნათქვამი. ეს იყო ძალიან დიდი ჯგუფის მიერ ჩადენილი დანაშაული, როგორც მისი აღიარებითი ჩვენებიდან ვიცით.
სამი უღირსი ადვოკატი და ოჯახები ჯგუფური დანაშაულიდან თავის დაღწევის მიზნით არ აძლევს საშუალებას, რომ მკვლელებმა საზოგადოების წინაშე აღიარონ ჯგუფურად ჩადენილი დანაშაული. კაველაძეებმა ერთხელ უკვე მსგავსი მეთოდით დაიხსნეს შვილი დანაშაულიდან. ღმერთმა არ ქნას, რომ ამ რამდენიმე ადამიანს გადაჰყვეს ჩვენი ქვეყნის მართლმსაჯულება.
საბრალოებო, ჩვენი რწმენა და მიმტევებლობა, ძალიან ცუდად გამოიყენეთ და ვერ გათვალეთ, რომ ამ ქვეყანაში არის კანონი, რომლის წინაშეც, მორწმუნეც და ურწმუნოც თანასწორია. ჯგუფურს მარტო კაველაძე და ჭელიძე კი არა სხვა ახალგაზრდებიც ვერ დააღწევენ თავს.
ნათია ჯაფარაშვილს და თეკლე გავაშელიშვილს პირადად მოგმართავთ, ჩვენ დიდხანს ველოდით თქვენგან და ეჭვადაც არ გვქონდა, რომ თქვენ პირიქით ადამიანურ სახეს შეინარჩუნებდით და იმ შემზარავი კადრების, ტერორისტული აქტის ხილვის მერე, რომელიც თქვენმა შვილებმა განახორციელეს და რომელიც მთელმა ქვეყანამ იხილა, თავად მოითხოვდით შვილების დასჯას, თქვენ კი ძვირადღირებული ადვოკატები აუყვანეთ და მათთან ერთად ფულზე ჰყიდით სინდისს“, - ნათქვამია წერილში.
ცნობისთვის, თბილისში, ანჯაფარიძის ქუჩაზე, 21 წლის ნიკა კვარაცხელია ცეცხლსასროლი იარაღიდან 10-ზე მეტი გასროლით მოკლეს.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ საოცრად წესიერი და ნიჭიერი ბიჭის მკვლელობის დამკვეთებსაც და მკვლელებსაც ეკუთვნით მხოლოდ და მხოლოდ ტყვიები შუბლებში! მიუსჯიან ეხლა მკვლელებს სამუდამო პატიმრობას, და მერე ვინმე ახალი კარიკატურული პრეზიდენტი მათ შეიწყალებს! უნდა დაბრუნდეს განზრახ მკვლელობისათვის დახვრეტის მუხლი!
სამუდამო პატიმრობა უნდა მიესაჯოს ყველა მკვლელს, უნიჭიერესი, პერსპექტიული ბიჭი სასიკვდილოდ გაიმეტეს .... მშობლები კიდევ დარბიან და ათასგვარ ზღაპრებს თხზავენ თავიანთი მკვლელი შვილების გასასამართლებლად