"ეს ჩვეულებრივი ბოდვაა, სისულელე" - კახა კალაძე ზურაბ ადეიშვილის ცემის ფაქტის "ქართულ ოცნებასთან“ დაკავშირებაზე
დედაქალაქის მერი, კახა კალაძე "ბოდვას“ უწოდებს "ნაციონალური მოძრაობის“ მიერ, საქართველოს იუსტიციის ყოფილი მინისტრის, ზურაბ ადეიშვილის ცემის ფაქტის "ქართულ ოცნებასთან“ დაკავშირებას.
როგორც კახა კალაძემ განაცხადა, "ნაციონალური მოძრაობა“ საზრდოობს ტყუილით და მისი თქმით, აღნიშნული ბრალდებაც მოსალოდნელი იყო მათი მხრიდან.
"ეს ჩვეულებრივი ბოდვაა, ჩვეულებრივი სისულელე, სხვა არაფერს ველოდებოდი, რომ ამ შინაარსის განცხადებები გაკეთდებოდა მათი მხრიდან. ესენი ძირითადად არიან ადამიანები, ვინც საზრდოობს ტყუილით, ბოროტებით, სიძულვილით და თუკი რაიმე უბედურება შეიძლება მოიფიქროს ადამიანმა, ყველაფერს კადრულობენ“, - განაცხადა კალაძემ.