მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საბოლოოდ, ეს "აწყვეტილი მიშისტები“ დაშლიან "ნაციონალურ მოძრაობას..." - რა ხდება მთავარ ოპოზიციურ პარტიაში, მოუწევს თუ არა მელიას მისი დატოვება?
16:53 / 07-02-2022
5 თებერვალს, ტელეკომპანია "იმედმა" ფარულად ჩაწერილი ვიდეო გაავრცელა, რომელშიც “ერთიანი ნაციონალური მოძრაობის” თავმჯდომარე ნიკა მელია სხვადასხვა თემაზე ლაპარაკობს, მათ შორის, საქართველოს ექსპრეზიდენტ მიხეილ სააკაშვილზეც და ამბობს, რომ ის მისი ჩამოვლის წინააღმდეგი იყო. მისივე თქმით, არ შეიძლება პოლიტიკური პარტიის მთავარი მიზანი მხოლოდ სააკაშვილის გათავისუფლება იყოს. ტელეკომპანია "იმედის“ მტკიცებით, ვიდეო, მათ “მოქალაქემ მიაწოდა” და ის მიხეილ სააკაშვილის მორიგი სასამართლო პროცესის მსვლელობისას, თბილისის საქალაქო სასამართლოს ეზოშია გადაღებული.
მისი და პარტიის მხარდამჭერების დიალოგის ვიდეოჩანაწერის გავრცელებას ნიკა მელია სოციალურ ქსელში გამოეხმაურა.
"ბოდიშს ვიხდი უხარისხო ჩანაწერისთვის, მაგრამ ზუსტად იმავეს ახსნას ვცდილობ ყველა შეხვედრაზე, შესაბამისად, ჩანაწერის უხარისხობამ რომ არ დაგაბნიოთ, მოკლედ ვიტყვი: დიახ, მე ვიყავი მიშას ჩამოსვლის წინააღმდეგი და ეს მოსაზრება არა მხოლოდ პირად საუბრებში, არამედ საჯაროდაც არაერთხელ დამიფიქსირებია. დიახ, მე, ისევე როგორც მიშა, არ ვთვლი, რომ მიშას თავისუფლება არის ერთადერთი იდეა, რომელმაც ხალხი გარეთ უნდა გამოიყვანოს. იდეა, რომელმაც ხალხი უნდა გამოიყვანოს - შეკვეთა, რომელიც მოგვცეს და მივიღეთ - არის ცვლილება რომელსაც უნდა მივაღწიოთ, ეს არის უკეთესი საქართველო, იმაზე უკეთესი საქართველო, ვიდრე გვქონდა 2003-2012 წლებში და იმაზე ბეეევრად უკეთესი საქართველო, ვიდრე გვაქვს 2012 წლიდან დღემდე”, - დაწერა "ფეისბუქის" პირად გვერდზე მელიამ.
ვიდეოს გავრცელების შემდეგ, შეიძლება ითქვას, რომ ნიკა მელია "ნაციონალური მოძრაობის" მხარდამჭერთა ნაწილის მხრიდან კრიტიკის ქარცეცხლში მოექცა. მას რაში აღარ ადანაშაულებენ, მათ შორის მმართველ პარტიასთან ალიანსში, ივანიშვილის მიერ მოსყიდვასა და საპროტესტო მუხტის გაფლანგვაში.
"ნაცმოძრაობის" სათაო ოფისში 5 - საათიანი შეხვედრა გაიმართა, რომელზეც ნიკა მელიას თანაპარტიელებთან იმ ჩანაწერზე საუბარი მოუწია, რომელშიც არ მალავს "ნაციონალურ მოძრაობაში" არსებულ აზრთა სხვადასხვაობას.
შეხვედრის შემდეგ, "ნაციონალური მოძრაობის" ლიდერებმა განაცხადეს, რომ პარტიაში აზრთა სხვადასხვაობა ნორმალური პროცესია. პეტრე ცისკარიშვილმა ერთ-ერთ ინტერვიუში ამ ჩანაწერს დამონტაჟებული და კონტექსტიდან ამოგლეჯილი უწოდა, რომლის შემოგდებაც კომიკური რეპორტაჟების და "ოცნების“ ხელისუფლების ბოლო წლების მოღვაწეობის გასათეთრებლად სჭირდებათ.
როგორც წყარო "ნაციონალური მოძრაობიდან“ გვეუბნება, მელიას ეს პოზიცია არაერთხელ აქვს პარტიის შიგნითაც გამოხატული, ხოლო სააკაშვილის ჩამოსვლაზე პასუხისმგებლობა პარტიის ე.წ. რადიკალურ ფრთას უნდა დაეკისროს, რომლის წარმომადგენლებიც მესამე პრეზიდენტს უკიჟინებდნენ, რომ ჩამოსულიყო.
"ქართულ ოცნების" ლიდერები ვიდეოჩანაწერს იმის აღიარებად მიიჩნევენ, რომ მიხეილ სააკაშვილი "ნაციონალური მოძრაობისთვის" პრობლემად იქცა. ფაქტია, რომ "ნაცმოძრაობის" ხელმძღვანელობის და ასევე მომხრეების ნაწილს ნიკა მელიას თავმჯდომარეობა დიდად აღარ ეხატებათ გულზე. ამ განწყობების შესახებ იციან "ქართულ ოცნებაშიც" და აშკარაა, რომ ამ ჩანაწერის გამოქვეყნებით და მისგან სკანდალის შექმნით, გადაწყვიტეს, რომ ცეცხლზე ნავთი დაასხან და "ნაცმოძრაობის" შიგნით არსებული პრობლემები კიდევ უფრო მეტად გაამწვავონ.
- საინტერესოა, როგორ მოიქცევა მთავარი ოპოზიციური ძალა, გადალახავს თუ არა ამ წინააღმდეგობებს, თუ პარტიიდან მელიას და მის ფრთას მაინც მოუწევთ წასვლა?
ექსპერტები არ გამორიცხავენ, რომ "ნაციონალური მოძრაობა“ დაიშალოს და მისი, როგორც ძლიერი ოპოზიციური ძალის მითიც დაიმსხვრეს.
ambebi.ge-ს წყარო "ნაციონალური მოძრაობიდან“ პარტიაში არსებულ პრობლემებზე ანონიმურად შემდეგს უყვება:
"დღეს "ნაციონალური მოძრაობა“ სამ ბანაკადაა დაყოფილი:
1. ე.წ. მელიისტებად, რომელიც წარმოადგენს უფრო რაციონალურ, თანმიმდევრულ და ლოგიკურ ფრთას.
2. ანტიმელიისტების - რადიკალური და ე.წ. აწყვეტილი მიშისტების, რომლებიც რაციონალურს არაფერს იღებენ და ისმენენ და მათი მხარდამჭერების დიდი ბირთვია ემიგრანტი ქალები.
3. ვანო მერაბიშვილის ფრთა. ვანო წინააღმდეგი კია მელიასი, მაგრამ ამ ეტაპზე მელიას წინააღმდეგ ვანო იმდენად არა, უფრო სუს -ი მუშაობს, ეს რუსული სტილია - იყოს ესკალაცია და დაპირისპირება, რა დროსაც რეალური, რაციონალური ნაბიჯების გადადგმა შეუძლებელია.
მელიამ თავის დროზე, ამ რადიკალებს გაუწია ანგარიში, როცა პარლამენტში შესვლაზე ბოიკოტი გამოაცხადეს. მიუხედავად ამისა, ეს ფრთა მაინც არ ისვენებს. მიშას არ უნდა ამის დაშვება, თორემ, მელიას ახალი არაფერი უთქვამს, ადრეც იმავეს ამბობდა, რომ მიშას დასავლეთი არ უჭერს მხარსო - მსოფლიოში უკრაინასთან დაკავშირებული პროცესების გამო რუსეთთან მიმართებაში სერიოზული კრიზისია და დასავლეთს კიდევ ერთი თავის ტკივილი არ სჭირდება პუტინთან. დღეს იქ აღარ არიან რეიგანის და თეტჩერის მსგავსი ლიდერები. ამ ე.წ. აწყვეტილი "ნაციონალების" ნაწილს უერთდება კიდევ აჭარის ნაწილი, რომელიც ვარშალომიძეს უჭერს მხარს (გამორიცხული არაა, ვანოსა და ვარშალომიძის მომხრეებს შორის იყოს კორელაციაც), ვერც იმას გამოვრიცხავთ, რომ ამ "აწყვეტილი მიშისტების" ნაწილის მანიპულირება სუს - ის მეშვეობით ხდებოდეს, რომელსაც პარტიის შიგნით თავისი აგენტები ჰყავს.
მიშა მართალია, რადიკალურია, მაგრამ რაციონალიზმიც აქვს. მას კარგად ესმის, რომ რომელიმე სეგმენტისთვის მხარის არდაჭერა მისთვის სერიოზული ძალის გამოცლა იქნება, იმიტომ, რომ "ნაცმოს" ამომრჩეველი არ არის ერთგვაროვანი, ისევე, როგორც "ქართული ოცნების“. ნებისმიერ ლიდერს ესმის, რომ ბალანსი უნდა იყოს დაცული. ყველა განცხადებაში სააკაშვილი მელიას უჭერს მხარს, მაგრამ არაა გამორიცხული, მასთან კავშირზე მყოფი ჯგუფები გააქტიურდნენ და... ამ რადიკალურ ნაწილს ვგულისხმობ...
მელია მაქსიმალურად იცავს ბალანსს. ის, ჩუმად ხომ არა, თანაგუნდელებთან ერთად ლაპარაკობდა სასამართლოს ეზოში. სწორიც თქვა, დაუჭირა მიშას მხარი დასავლეთმა? მელიამ ეს იცოდა, რასაც მიშას ეუბნებოდა კიდეც. ახლა ამ ყველაფერზე პასუხისმგებლები ისინი არიან, ვინც მიშას უკიჟინებდნენ, ჩამოდიო. მიშა კი ცდილობს ციხიდან განცხადებების გავრცელებას, მაგრამ თუ პარტნიორი დასავლეთი მხარს არ გიჭერს, შანსი არ გაქვს. საბოლოოდ, როცა იქ რუსული ესკალაცია მორჩება, ალბათ მიშას ისევ უკრაინაში მოუწევს გამგზავრება. კეთილისმსურველებმა ალბათ მას უნდა ურჩიონ, დე გოლივით მოიქცეს და რამდენიმე წლით განზე გადგეს, რათა სხვა ლიდერები წამოვიდნენ და მათ გარშემო მოხდეს კონსოლიდაცია, თორემ ესკალაცია შიგნითაც არ დამთავრდება და საბოლოოდ, ეს "აწყვეტილები“ დაშლიან "ნაციონალურ მოძრაობას..."
მკითხველის კომენტარები /
53 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერთიც (სააკაშვილი) და მეორეც (მელია) ერთი მედლის ორი მხარეა - ავერსი და რევერსი, უფრო სწორად ურემგადავლილი ფუნის ნაწილებია. მოწყდით ერთიც და მეორეც ქართულ პოლიტიკას!
ნიკანორ ნიკანორ ნიკანორ ფოთლები ქარდაქარ მიჰქრიან ნიკანორ ნიკანორ ნიკანორ _)_)_)