მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დამაყრუებელი სიჩუმე - პუტინს არ ეშინია კადიროვის, მაგრამ შურს მისი..." - რუსების მწვავე შეფასებები კადიროვის მორიგ სისასტიკესა და კრემლის დუმილზე
08:53 / 05-02-2022
"მიდი, რამზან, შენია ეს ქვეყანა, დაავლე ხელი, ვისაც გინდა და გააქანე ციხეში, დილეგში, ჯურღმულში, სარდაფში... ქალი, კაცი, ახალგაზრდა, გოგონა, ბიჭი, არავინ დაინდო, საერთოდ არავინ, გამკითხავი არავინაა, პირიქით, ზურგს "მეფე" გიმაგრებს..." - ასე ეხმაურებიან რუსეთში კადიროვის მორიგ დაუჯერებელ ქმედებას.
რამდენიმე დღის წინ ჩეჩენმა სამართალდამცველებმა ქალაქ ნიჟნი ნოვგოროდში, საკუთარი სახლიდან გაიტაცეს ჩეჩენი უფლებადამცველის აბუბაქარ იანგულბაევის დედა ზარემა მუსაევა.
ამ ფაქტს მთელ რუსეთში ძალზე კრიტიკული გამოხმაურებები მოჰყვა. თუმცა, ამას პუტინისთვის ხელი არ შეუშლია თავის ფავორიტს შეხვედროდა. რუსეთში არავისთვის წარმოადგენს საიდუმლოს, რომ ჩეჩნეთის ლიდერს კრემლი უმაგრებს ზურგს.
ფართო საზოგადოებრივი რეზონანსის მიუხედავად, კადიროვი ტონს არ იცვლის. მიუხედავად იმისა, რომ ის არამხოლოდ რუსეთში, მთელ მსოფლიოში ხშირად ხვდება წამყვანი მედიისა და უფლებადამცველების კრიტიკის ობიექტი...
მის ანგარიშზეა ადამიანის გატაცებები, წამება, გაუსამართლებლად დასჯა, ლგბტ-თემის წევრების დევნა და ხშირად უგზო-უკვლოდ დაკარგვა. ამასთან, ცნობილია, რომ ევროპაში ხოცავენ ჩეჩნებს, რომლებიც რამზან კადიროვს აკრიტიკებენ და ყველა კვალი ჩეჩნეთში მიდის....
ვლადიმერ პუტინის პრეს-მდივანმა პესკოვმა 3 თებერვალს ჟურნალისტებს განუცხადა, რომ პუტინმა და კადიროვმა ჩეჩნეთში სამართალდამცავი სტრუქტურების მუშაობაზე იმსჯელეს. თუმცა, უფრო ადრე, კადიროვის პრესსამსახურმა თქვა, რომ პუტინი და ჩეჩნეთის ლიდერი ერთმანეთს მოსკოვში 2 თებერვალს შეხვდნენ, რათა ეკონომიკური განვითარების საკითხები და ჩეჩნეთში პანდემიის შეზღუდვა განეხილათ.
პუტინის ოპონენტები თვლიან, რომ რუსეთის პრეზიდენტი თვალს ხუჭავს თანამდებობის ბოროტად გამოყენებასა და კანონის დარღვევაზე, იმის ნაცვლად, რომ კადიროვი მკაცრი ხელის პრინციპით ჩეჩნეთში (და არა მხოლოდ) სეპარატისტულ განწყობას გააკონტროლებს.
- რაც შეეხება გატაცებულ ქალს ზარემა მუსაევას, ოჯახის წევრებმა მის შესახებ მხოლოდ ის იციან, რომ ჯერჯერობით ცოცხალია...
გატაცებული ქალი ჩეჩნეთში ჩაიყვანეს. კადიროვმა პირდაპირ თქვა, რომ ზაირა მუსაევას ვაჟი ოპოზიციურ ტელეგრამ-არხს მართავს, რომელიც მისი მწვავე კრიტიკით არის დაკავებულ და მთელი ოჯახის სასტიკად დასჯის პირობაც დადო. მუსაევას ვაჟი, აბუბაქარ იანგულბაევი ტელეკომპანია Дожд-თან საუბარში მომხდარს "ჯოჯოხეთს" უწოდებს.
"ბოლომდე მაინც არ მჯერა, რომ ასეთი რამ შეიძლება ხდებოდეს რუსეთში. ვიდეოზე, რომელიც ახლა ვრცელდება დედა ძალიან მძიმე მდგომარეობაშია..." - ამბობს იანგულბაევი.
მომხდარს სოციალური ქსელში ეხმაურება რუსეთში ცნობილი პოლიტოლოგი, ფონდ "პერსპექტივას" პრეზიდენტი ლეონიდ გოზმანი.
"დამაყრუებელი სიჩუმე - პუტინს არ ეშინია კადიროვის, მაგრამ შურს მისი..." - წერს ცნობილი პოლიტოლოგი.
"კრემლისა და მისი შვილობილი სტრუქტურების, დუმისა თუ პროკურატურის დუმილი იანგულბევების ოჯახთან დაკავშირებით, იმდენად ყრუა, რომ გარშემო ყოველგვარ ხმაურს ახშობს. ამ თემასთან დაკავშირებით გავრცელებული ახსნა-განმარტება არის სიმხდალე. კადიროვი ძლიერია და ეს არის სიმართლე.
თუმცა, არის კიდევ ერთი რამ - მომხდარი არანაირად არ არღვევს რეალობას, ჩვენ ადრეფეოდალურ სახელმწიფოში ვცხოვრობთ... კადიროვზე რა უნდა ვთქვა, როდესაც მის უკან კონსტიტუცია, სისტემა დგას?.. პუტინის ჩარევა კი, როდესაც საქმე თავის ვასალს ეხება, სრულიად გასაგებია.
იბრაგიმ იანგულბაევის ჩეჩნეთის ხელმძღვანელობასთან დაპირისპირება ძალიან მნიშვნელოვანია და ჰგავს ოპოზიციის ფართო სპექტრის, ბლოგერებისა და ჟურნალისტების მიერ ფედერალური ხელისუფლების წინააღმდეგ ბრძოლას. იბრაგიმიც ისეთივე დამნაშავეა, როგორც ოპოზიციური ტელეგრამ-არხი, ჩვენი პოლიტპატიმრების უმეტესობა, რომლებიც კადიროვის კი არა, პუტინის წინააღმდეგ გამოდიან... ჩვენ ხომ მაინც ევროპა ვართ, ჰალსტუხი გვიკეთია, იტალიისკენ მივდივართ, ოღონდ, შუასაუკუნეების დროინდელისკენ, სადაც ოპონენტებს თავს აჭრიდნენ ან წამლავდნენ..." - წერს გოზმანი.
"რამდენიმე დღის წინ გროზნოში ჩატარებული აქცია, აუცილებლად აისახება კადიროვზე... ბუნებაში არაფერი იკარგება. აუცილებლად მოვა მისი დროც, მთავარია ვიღაცამ სამართლიანად ჰკითხოს - რატომ აკეთებდა ამას, რისთვის, ძალაუფლებისთვის, თუ პუტინის მონობისთვის? ორივე შემთხვევაში ნაძირალაა" - წერს აჰმედ ბუზურტანოვი.
"კადიროვი სჭირდება პუტინს, როგორც ერთ-ერთ მცირერიცხოვანი საომარი დაჯგუფების მეთაური, რომელიც ყველანაირ საქმეზეა წამსვლელი... მათ შორის - "ვაგნერები" და "კადიროვცები". ბრძოლა ხომ სჭირდება? დანარჩენებს მხოლოდ ტუალეტის ხეხვას ასწავლიან. კიდევ გვყავს როსგვარდია, ოღონდ არსებობს ეჭვი, რომ პირველივე გასროლაზე დაიფანტებიან. ამიტომ სჭირდება კადიროვი, თავისი ულმობელი კადიროვცებით" - წერს ნატალია ხიმუხინა.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და კადიროვი რომ სპორცმენებს ჩუქნის: მანქანებს, სახლებს, ფულს, ვარჯიშს უფინანსებს, ამ ყველაფერ რატომ არ აჟღერებთ ჰა? რამდენი მართლმადიდებლური ტაძარი გახსნა ჩეჩნეთში კადიროვმა, მაგაზე რატომ არ წერთ? მოძებნეთ აბა იუთუბში рамза кадыров открывает православный храм, და რომ არ დევნის მართლმადიდებლებს. დაწერეთ ხოლმე ამ ყველაფერზეც 1-2 სიტყვა
არ დაბლოკოთ
ჩვენი მთავრობის უმოქმედობა და გაჩუმება, იმ მოვლენებთან რაც უკრაინის გარშემო მიმდინარეობს, ბნელ ოთახში ჯდომას გავს. ვერაფერს ვერ ვხედავთ, არაფერი არ გვესმის.... ასე დავრჩებით ბნელ ოთახში და ჭაობში, თუ არ დააფიქსირა ჩვენმა მთავრობა ხალხის სურვილი. ჩვენი ხალხის 83% ვრეოპისკენ და 77% ნატოსკენ მიისწრაფის. ჩვენი მთავრობა არ გამოხატავს ჩვენს ხალხის სურვილს, ჩვენი მთავრობა გამოხატავს ერთი ადამიანის სურვილს. მას ყავს მომხრეები ქოცების და მათი მხარდამჭერთა სახით, რომელთაც ძალიან დიდი ნაწილიც იგივე აზრეზეა რაც მთელი მოსახლეობა ევროპა და ნატო მათ არჩევანიცაა. ისმის კითხვა. რა ხდება ერთ ვიღაც ვიგინდარას ვანაცვალოთ მთელი ქვეყანა, რომ შემდეგ კადიროვები გაგვიჩინოს იმ ერთმა პიროვნება? კადიროვები ყველგან არიან, ყველა ქვეყანაში შეიძლება იშვან თუ ამის შესაძლებლობას სისტემა მისცემს. დემოკრატია თავისით არ მოდის, ბნელ ოთახში ჯდომით. აგერ პოლონეთის პრეზიდენტი თვითონ ჩამოვიდა ჩენებმა თავი რომ არ შეიწუხეს. სხვა ქვეყნის პოლიტიკოსები ყველანი ახსენებენ საქრთველოს. კალთებს არავინ დაგვახევს, დავრჩებით ჭაობში.