მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"აბსურდია ეს საქმე, ამის დასაწყისი არის 20 ივნისი, როდესაც საჯაროდ ბიძინა ივანიშვილს მოვუკითხე ახლობლები" - გიგი უგულავა
13:26 / 01-02-2022
"ეს არის ჩვეულებრივი პოლიტიკური საქმე. რამდენჯერაც არ უნდა გაბრაზდეს მოსამართლე კოჭლამაზაშვილი, ყოველთვის მოვახსენებ, რომ მონაწილეობს პოლიტიკურ ტაკიმასხარაობაში" - ამის შესახებ ოპოზიციონერმა ლიდერმა გიგი უგულავამ თბილისის საქალაქო სასამართლოში აეროპორტის ინციდენტზე მიმდინარე პროცესის დასრულების შემდეგ განაცხადა.
მისივე თქმით, მოქმედი ხელისუფლების წარმომადგენლებს სჩვევიათ წინა ხელისუფლების გახსენება, შესაბამისად, "როგორი ცუდიც იყო ვალერი გელაშვილის ამბავი, იმავენაირად ცუდია ეს ამბავიც“ და თუ ვალერი გელაშვილის საქმეზე დაისაჯა ვიღაც, იმავენაირად უნდა დაისაჯონ ბიძინა ივანიშვილი თუ სხვა პირები.
"მიუხედავად იმისა, რომ ამ საქმეზე 8 თვეა პროცესები არ ყოფილა, 5 პროცესი ჩაინიშნა მიყოლებით. სავარაუდოდ, თებერვლის ბოლოს გამოიტანს მოსამართლე გადაწყვეტილებას. მოსამართლემ პროკურატურას "გაუპრავა“ და მისცა უფლება, რომ საქმეზე კამერების ჩანაწერები თანდართული არ არის. მოსამართლეს თვითონ შეეძლო ენახა რა არის ამ ჩანაწერებში და ამ საქმეს ნათელი მოეფინებოდა. მოწმეები იწყებენ თხრობას იმ მომენტიდან, როდესაც მე ვიქნევ ხელს, მაგრამ ჩემს სახეზე დაზიანებას ვერ ხედავდნენ, სამაგიეროდ აღმოაჩინეს უამრავი დაზიანება ბადრი გავაშელიშვილის სახეზე. აბსურდია ეს საქმე, ამის დასაწყისი არის 20 ივნისი, როდესაც საჯაროდ ბიძინა ივანიშვილს მოვუკითხე ახლობლები იმიტომ, რომ ჩაიდინა დანაშაული, მარაზმი და საშინელება. ერთადერთი რაც შეიძლებოდა ნორმალურ ადამიანს იმ მომენტში ექნა, იყო შეგინება, ეს ადამიანი დღესაც იმსახურებს გინებას, შეუძლებელია სხვა რამე ნორმალურ ადამიანს ეთქვა. ეს არის ჩვეულებრივი პოლიტიკური საქმე და სამართალთან არაფერი საქმე არ აქვს, რამდენჯერაც არ უნდა გაბრაზდეს მოსამართლე კოჭლამაზაშვილი, ყოველთვის მოვახსენებ, რომ მონაწილეობს პოლიტიკურ ტაკიმასხარაობაში. ვერ ვიტყვი რითი დამთავრდება ეს საქმე, მაგრამ როგორც არ უნდა დამთავრდეს, არის აბსურდული და აჩვენებს, რომ ჩვეულებრივი მოძალადეა ხელისუფლება.
ხელისუფლების წარმომადგენლებს სჩვევიათ წინა ხელისუფლების გახსენება, როგორი ცუდიც იყო ვალერი გელაშვილის ამბავი, იმავენაირად ცუდია ეს. თუ ვალერი გელაშვილზე დაისაჯა ვიღაც და ვთვლით, რომ სამართლიანად დაისაჯა, ვპირდები ბიძინა ივანიშვილს და ყველას ვინც არის ჩართული - ზუსტად იმავენაირად დაისჯებიან, მათი რიგი მოვიდა ჩადენილი დანაშაულებისთვის აგონ პასუხი. ვერანაირი 15 წლის წინანდელი ამბავი ახლა მომხდარ ამბავს ვერ "გააპრავებს“, - აღნიშნა გიგი უგულავამ.
შეგახსენებთ, რომ თბილისის საქალაქო სასამართლოში ოპოზიციონერი ლიდერის, გიგი უგულავას ბრალდების სისხლის სამართლის საქმეზე სასამართლო პროცესი გაიმართა. დღევანდელ პროცესზე ბრალდების მხარის 4 მოწმე დაიკითხა, მათ შორის არიან, მესაზღვრე პატრული და გამომძიებელი.
შემთხვევა თბილისის აეროპორტში 2019 წლის 11 დეკემბერს მოხდა. გიგი უგულავას ბრალი სისხლის სამართლის კოდექსის 126-ე მუხლით აქვს წარდგენილი, რაც ძალადობას გულისხმობს. მას ძიუდოისტ ბადრი გავაშელიშვილის ცემას ედავებიან. გიგი უგულავასთან ერთად ბრალდებულია გავაშელიშვილის მეგობარი დავით პარკაძე, რომელსაც პოლიტიკოს გოკა გაბაშვილის ცემას ედავებიან.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგაზე კრეჭას ის გეთვალა მანანას რამდენს მოგიკითხავენ ხოლმე
უტიფრობის, უსირცხვილობის, და ა. შ. სახე !!!