"მომავალი ორი კვირა საკმაოდ კრიტიკული იქნება, ამის შემდეგ ინფიცირების მაჩვენებლის კლება დაიწყება" - ვახტანგ კალოიანი
"მომავალი ორი კვირა იქნება საკმაოდ კრიტიკული, გამოჩნდება თუ რამდენად დამძიმდება პაციენტთა მდგომარეობა და სავარაუდოდ, ორი კვირის შემდეგ დაიწყებს ინფიცირების მაჩვენებელი კლებას" - ასე შეაფასა "ევროპული საქართველოს“ წევრმა, ანესთეზიოლოგიისა და კრიტიკული მედიცინის ასოციაციის დამფუძნებელმა ვახტანგ კალოიანმა, ქვეყანაში კორონავირუსით ინფიცირების შემთხვევების გაზრდა.
მისივე თქმით, ახლა, ძირითადი გავრცელების ფაზაში ვართ, ძალიან ბევრი ინფიცირებულია, რომელთა რაოდენობაც კიდევ უფრო გაიზრდება.
"ძირითადი დატვირთვა მოდის ლაბორატორიულ სისტემასა და პირველად ჯანდაცვაზე, რომელიც მოიცავს ონლაინ კლინიკებსა და ოჯახის ექიმებს", - განაცხადა ვახტანგ კალოიანმა.