მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გიორგი მენაბდეს ეჭირა დანის მსგავსი საგანი, რომლითაც აყენებდა ჭრილობებს დავით სარალიძეს" - რა თქვა პროკურორმა განაჩენის შემდეგ?
12:53 / 11-01-2022
საქმეში არსებული ჩვენებები ადასტურებდა, რომ გიორგი მენაბდეს ეჭირა დანის მსგავსი კონსტრუქციის საგანი, რომლითაც აყენებდა ჭრილობებს დავით სარალიძეს. ამასთან, მენაბდის ტანსაცმელი გენეტიკური ექსპერტიზის დასკვნის თანახმად იყო დავით სარალიძის სისხლით დასვრილი, შესაბამისად, ეს მტკიცებულებები ერთობლიობაში საკმარისი აღმოჩნდა სასამართლოსთვის, - ამის შესახებ დავით სარალიძის მკვლელობის საქმის პროკურორმა მირიან მეგრელიშვილმა სასამართლოს მიერ გიორგი მენაბდისათვის გამამტყუნებელი განაჩენის გამოტანის შემდეგ განაცხადა.
პროკურორის ინფორმაციით, საქმის განხილვა 9 თვის განმავლობაში მიმდინარეობდა და გამოკვლეული იყო ათობით მტკიცებულება.
"თბილისის საქალაქო სასამართლოში გიორგი მენაბდის ბრალდების საქმეზე დასრულდა სისხლის სამართლის საქმის განხილვა. დღეს სასამართლომ შეაჯამა გამოკვლეული მტკიცებულებები და მენაბდის მიმართ გამოიტანა გამამტყუნებელი განაჩენი. გიორგი მენაბდე ცნობილ იქნა დამნაშავედ დავით სარალიძის დამამძიმებელ გარემოებებში განზრახ მკვლელობის ჩადენისათვის, არასრულწლოვნის ჯგუფურად მკვლელობისთვის, რის გამოც სასჯელად განესაზღვრა 14 წლით თავისუფლების აღკვეთა, თუმცა არასრულწლოვანთა კოდექსის თანახმად 1/4-ით შემცირდა და საბოლოოდ 10 წელი და 6 თვე შეეფარდა.
საქმის განხილვა თითქმის 9 თვე მიმდინარეობდა, გამოკვლეული იყო ათობით მტკიცებულება, მათ შორის მოწმეთა ჩვენებები, ექსპერტიზის დასკვნები, ვიდეოჩანაწერები და სხვა. ვფიქრობ არ იქნება სწორი აპელირება დაცვის მხრიდან, რომ მტკიცებულებები არასაკმარისი ან არასანდოა. შეიძლება გარკვეული მტკიცებულებების გამოყოფა მათ შორის მნიშვნელოვანი იყო მოწმეები, რომლებიც ადასტურებდნენ სად იდგა გიორგი მენაბდე დაპირისპირებისას, ასევე ჩვენებები, რომლებიც ადასტურებდა, რომ მენაბდეს ეჭირა დანის მსგავსი კონსტრუქციის საგანი, რომლითაც აყენებდა ჭრილობებს დავით სარალიძეს. მენაბდის ტანსაცმელი გენეტიკური ექსპერტიზის დასკვნის თანახმად იყო დავით სარალიძის სისხლით დასვრილი, შესაბამისად, ეს მტკიცებულებები ერთობლიობაში საკმარისი აღმოჩნდა სასამართლოსთვის”, - აღნიშნა მირიან მეგრელიშვილმა.
ცნობისთვის, დავით სარალიძის განზრახ ჯგუფურად მკვლელობაში ბრალდებული გიორგი მენაბდე სასამართლომ დამნაშავედ ცნო. მოსამართლე ვალერიან ბუგიანიშვილის გადაწყვეტილებით, მენაბდეს სასჯელის სახედ და ზომად 14 წლით თავისუფლების აღკვეთა განესაზღვრა, თუმცა, არასრულწოვანთა მართლმსაჯულების კოდექსის თანახმად, ის ერთი მეოთხედით შემცირდა და საბოლოოდ სასჯელის ზომად 10 წელი და 6 თვე განესაზღვრა.
შინაგან საქმეთა სამინისტრომ დავით სარალიძის მკვლელობის ფაქტზე გიორგი მენაბდე 15 აპრილს დააკავა. უწყების ინფორმაციით, მიმდინარე გამოძიების ფარგლებში დადგინდა, რომ დაკავებულმა გიორგი მენაბდემ გიორგი ჯანაშიასთან და მიხეილ კალანდიასთან ერთად, ჯგუფურად, თან ნაქონი ბასრი საგნით, მოკვლის განზრახვით, არასრულწლოვან დავით სარალიძეს დაზიანებები მიაყენა.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მენაბდის მამა სოფელ დიღმის მღვდელია! ვინ მფარველობდათ?
ეს ახალი გარემოებაა? მენაბდეზე აქამდე არაფერი გვსმენია.