მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საზოგადოებრივი ტრანსპორტით მგზავრობის აბონიმენტის შეძენა დღეიდანაა შესაძლებელი - რა შემთხვევაში იმოქმედებს უკვე არსებული მეტრომანები?
15:51 / 05-01-2022
საზოგადოებრივი ტრანსპორტით მგზავრობის აბონიმენტის შეძენა დღეიდანაა შესაძლებელი, უკვე არსებული მეტრომანები კი ტრანსპორტში ერთჯერადად გადახდის შემთხვევაში ძალაში რჩება.
როგორც მუნიციპალიტეტის ტრანსპორტისა და ურბანული განვითარების სააგენტოს უფროსმა ვიქტორ წილოსანმა ჟურნალისტებს განუცხადა, აბონიმენტების შეძენა დღეიდან მეტროს სალაროებში შეიძლება, ხვალიდან კი "საქართველოს ბანკის“ ექსპერს ფილიალებშიც.
რაც შეეხება კრიტიკას იმის შესახებ, რომ გადახდის ახალი სისტემის მიხედვით მუნიციპალური ტრანსპორტის ფასი გაიზარდა, წილოსანი ამბობს, რომ ეს მცდარია.
"ყველაზე პესიმისტური გათვლებითაც კი, ყველა დარწმუნდა, რომ მათთვის, ვინც ძირითადი მომხმარებელია, ანუ საზოგადოებრივი ტრანსპორტის მომხმარებლების 90%, საზოგადოებრივი ტრანსპორტი არ ძვირდება, ან რჩება უფასო მათთვის, ვინც შეღავათით სარგებლობს. დანარჩენ 10%-ში მოიაზრებიან ტურისტები და სხვა ის მოქალაქეები, რომლებიც საზოგადოებრივ ტრანსპორტს იშვიათად იყენებენ. შესაბამისად, მოსაზრება, რომ საზოგადოებრივი ტრანსპორტი ძვირდება, მცდარია. ამის დამადასტურებლად შეგვიძლია მოვიყვანო ისიც, რომ თუ ტარიფი გაიზრდებოდა, ამ შემთხვევაში სატრანსპორტო კომპანიების შემოსავლები უნდა გაზრდილიყო, თუმცა მოსახლეობაზე სატრანსპორტო დანახარჯს არ ვზრდით“,- განაცხადა ვიქტორ წილოსანმა.
კითხვაზე, რომ დედაქალაქში არსებულ ყვითელ მიკროავტობუსებში ახალი ბარათით გადახდის შესაძლებლობა არ იქნება, ვიქტორ წილოსანის ამბობს, რომ ახალი სამგზავრო ბარათების ამოქმედების მომენტისთვის დედაქალაქში არცერთი ყვითელი მიკროავტობუსი აღარ იმოძრავებს.
"როდესაც ბარათები გააქტიურდება, ანუ 1-ელი თებერვლიდან, დედაქალაქში არცერთი ყვითელი მიკროავტობუსი არ იმოძრავებს. დღეისთვის ათასივე მიკროავტობუსი ჩამოსულია, 450 უკვე ქსელშია, დანარჩენი 550-ის მომზადება მიმდინარეობს ქსელში გასასვლელად - უნდა დამონტაჟდეს გადახდის აპარატები, მთვლელები. 1-ელ თებერვლამდე ყველა მიკროავტობუსი ქსელში იქნება“,- განაცხადა ვიქტორ წილოსანმა.
ამასთან, დედაქალაქის მერის მიერ გაჟღერებული ინიციატივაზე, რომ ბანკებმა მომხმარებლებს აბონიმენტის გადასახადი გადაუნაწილონ, ვიქტორ წილოსანის თქმით, ეს საკითხი ბანკების გადასაწყვეტია.
"ბანკებისთვის მერის ინიციატივა გაჟღერდა როგორც პროდუქტი და შესაბამისად, თავიდან ბოლომდე ბანკების გადასაწყვეტია. მუნიციპალიტეტი აღნიშნულ საკითხში ჩართული არ არის“,- განაცხადა ვიქტორ წილოსანმა.
მან ასევე უპასუხა კითხვას, ხომ არ იქნება შესაძლებელი, რომ აბონიმენტები საბანკო ბარათებს მიებას და განაცხადა, რომ ამ საკითხზე მუშაობა მიმდინარეობს
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წილოსანი მათემატიკაში ჭედავს წასვლა-წამოსვლა თუ 1ლარი მიჯდებოდა ეხლა2 ლარი დაგვიჯდება
აშენდნენ პენსიონერები,ამხელა პენსიას ხომ უნდოდა დახარჯვა...წამლებს კიდევ არ გააძვირებენ? კომუნალურებიც გაძვირებულა?