ტრამპების საახალწლო წვეულება და ოჯახი გრანდიოზული ქორწილის მოლოდინში - აშშ-ის ყოფილი პრეზიდენტის ვაჟი დაინიშნა
დონალდ ტრამპ უმცროსი და კიმბერლი გილფოილი ოფიციალურად დაინიშნენ და ქორწილისთვის ემზადებიან. წყვილი 2018 წლიდან ხვდება ერთმანეთს, მაგრამ მათი მეგობრობა უკვე 15 წელს ითვლის.
კიმბერლი 52 წლისაა. ის Fox News-ის ყოფილი თანამშრომელია, ამასთან, დონალდ ტრამპის მრჩეველიც იყო საპრეზიდენტო არჩევნების დროს.
აშშ-ის ყოფილი პრეზიდენტის ვაჟთან მის ნიშნობაზე მას შემდეგ გაჩნდა ეჭვები, რაც გასულ ახალ წელს "ინსტაგრამზე" ფოტო გამოაქვეყნა, სადაც ულამაზესი ბრილიანტის ბეჭდით იყო აღბეჭდილი.
ფოტოს წარწერაც დაურთო: "დღევანდელი დღე ორმაგად გამორჩეული იყო, რადგან დონალდ ტრამპ უმცროსის დაბადების დღე აღვნიშნეთ“. წყვილი ფოტოზე საახალწლო ნაძვის ხის წინ დგას.
"დონ, შენ ხარ ძლიერი, ჭკვიანი, გამბედავი, მხიარული ადამიანი და ჩემი ცხოვრების სიყვარული. მინდა, დარჩენილი ცხოვრება ერთად გავატაროთ. მიყვარხარ“ - წერს პოსტზე გილფოილი.
როგორც წყარო იტყობინება, წყვილი 2020 წელს დაინიშნა, მაგრამ ამ ამბავს საიდუმლოდ ინახავდნენ, რადგან ნიუ-იორკიდან ფლორიდაში საცხოვრებლად გადასვლის შემდეგ, ჯერ ახალ გარემოსთან შეგუებას ცდილობდნენ.
კიმბერლი გილფოილმა 2021 წლის თებერვალში თქვა, რომ თავს ისე გრძნობდა, თითქოს ის და ტრამპი უკვე დაქორწინებულები არიან, მაგრამ იქვე დასძინა, რომ "მისი ცოლობა ფანტასტიკური იქნებოდა“.
დონალდ ტრამპ უმცროსი ყოფილ მეუღლეს, ვანესა ტრამპს, 2018 წელს გასცილდა და მათ 5 საერთო შვილი ჰყავთ.
მოამზადა ანა სიბოშვილმა