მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბატონო ლაშა, ნუ იქნებით ამ ჯოჯოხეთური მანქანის იარაღი... სანდრო ამაყობდა თქვენი რეკორდებით" - რას წერს აზარტული თამაშების მსხვერპლი ოპერატორის დედა?
08:19 / 31-12-2021
ნინო ლოლაძე, რომლის შვილი, "საზოგადოებრივი მაუწყებლის" ოპერატორი სანდრო ბერაძე აზარტული თამაშების მსხვერპლი გახდა, მიმართვას აქვეყნებს.
ის პრემიერს აზარტულ თამაშებზე დაწესებული რეგულაციებისთვის მადლობას უხდის. ასევე მიმართავს ლაშა ტალახაძეს, რომლებმაც კანონპროექტის მიღებას სამწუხარო ფაქტი უწოდა და აღნიშნა, რომ პირადად ის სათამაშო ბიზნესისაგან დიდ გვერდში დგომას გრძნობს.
"გამარჯობა, მე აზარტული თამაშების მსხვერპლის "პირველი არხის" ოპერატორის სანდრო ბერაძის დედა ვარ - ნინო ლოლაძე. პირველად გადავწყვიტე საჯაროდ დამეწერა და გამემჟღავნებინა ჩემი განცდები. პირველ რიგში მადლობა მინდა გადავუხადო საქართველოს პრემიერს, ბატონ ირაკლი ღარიბაშვილს, რომელმაც წარადგინა კანონი აზარტული თამაშების რეგულაციის თაობაზე, რომელიც პარლამენტმა დაჩქარებული წესით განიხილა და მხარი დაუჭირა. ამით ბევრ ოჯახს გადარჩენის იმედი ჩაესახა. რამდენი შვილმკვდარი დედა წლების მანძილზე ელოდა, რომ ბოლოსდაბოლოს ვინმე დაუპირისპირდებოდა ამ საზარელ მკვლელ მანქანას. მოგეხსენებათ, რომ ჩვენი სახელოვანი სპორტსმენები ამ კანონპროექტის წინააღმდეგ გამოდიან და არგუმენტად ასახელებენ კაზინოების მეპატრონეების მიერ სპორტის და სპორტსმენების დაფინანსებას.
გასაგებია, რომ ეს დაფინანსება მეტად მნიშვნელოვანია, რათა ჩვენმა ძლიერმა და გამორჩეულმა სპორტსმენებმა უმაღლეს შედეგებს მიაღწიონ, თავი ისახელონ და ჩვენც გვასახელონ, მაგრამ ნუთუ ნორმალურია, რომ ქართული სპორტი და სპორტსმენები მაინცდამაინც სხვა მასობრივად გამანადგურებელი კაზინოების იმედად იყვნენ? ათასობით ამ ვითომდა ბიზნესმა ხომ უამრავი ადამიანი თვითმკვლელობამდე მიიყვანა, ასი ათასობით ოჯახი გაანადგურა... იმ დაღუპულ ადამიანთა შორისაც იქნებ რამდენი ტალანტი დაიკარგა, იქნებ რამდენს ჩაუკვდა ოცნება და მიზანი? რომ არა ეს მკვლელი აზარტული თამაშები, იქნებ ჩვენი შვილებიც გამოავლენდნენ თავის ნიჭსა და უნარებს?
აქვე მინდა ბატონ ლაშა ტალახაძეს მივმართო. იქნებ გაგახსენდეთ პირველი არხის ოპერატორი სანდრო ბერაძე, რომელიც თქვენი წარმატების უშუალო მოწმე და დიდი მხარდამჭერი იყო. მან გამოიჩინა დიდი სურვილი და თავად მიიღო მონაწილეობა თქვენი ასპარეზობის გაშუქებაში. თქვენ თუ არა, მე და მის მეგობრებს კარგად გვახსოვს, როგორ ხარობდა და ამაყობდა თქვენი რეკორდებით და იმით, რომ თქვენი თანამემამულე იყო! სანდროც მთელი შემართებით იბრძოდა აზარტული თამაშების წინააღმდეგ, მოურიდებლად, ღიად გამოდიოდა და აკეთებდა განცხადებებს, რომ როგორმე თავისი თავიც გადაერჩინა და სხვა მისნაირი ადამიანიც. სანდროს ძალიან ბევრი გეგმა ჰქონდა ცხოვრებაში.
ამ მიმართულებით კი, პირველ რიგში რეკლამების აკრძალვას განიხილავდა, მაგრამ ვერ მოასწრო, მას არ დასცალდა. ამ ომში სანდრო დამარცხდა. მას ნერვებმა უმტყუნა, ვერ მოერია ამ საზარელ მანქანას ვერც თავისით და ვეღარც მკურნალობით, რადგან აზარტდამოკიდებულება მძიმე ფსიქიკური აშლილობაა, სერიოზული ადიქციაა და ეს ადამიანები მძიმე სენს ცარიელი ხელებით ებრძვიან. მათ არავინ უდგას გვერდით, არც ცნობილი ადამიანები და არც ის, ვინც ვალდებულია. ეს ადამიანები მიტოვებულები არიან და მთელი პრიორიტეტები ფინანსებისკენაა გადახრილი. აქ ფული უპირისპირდება ჯანმრთელობას, სიცოცხლეს და მომავალს. სანდროც მათ შორის აღმოჩნდა.
მან ეს სიმარტოვე და უძლურება გააცნობიერა, დამარცხდა, რის გამოც საკუთარი თავი შესძულდა და სიცოცხლე საბადურის ტყეში დაასრულა. მან თავისი ბოლო თხოვნა, რომელიც 112-ის ოპერატორს უთხრა, მთელ ქვეყანას დაგვიტოვა. ჩვენ ხუთი დღის შემდეგ ვიპოვნეთ სანდროს ცხედარი და მას შემდეგ მე და მთელი მისი სამეგობრო ვიბრძვით. ჩვენ არ გავჩერდებით. თქვენ კი შეგიძლიათ ამ ორ ფასეულობას შორის გააკეთოთ არჩევანი, თქვენი ნებაა... გთხოვთ ბატონო ლაშა ნუ იქნებით იარაღი ამ ჯოჯოხეთური მანქანის, ჩვენ ყოველთვის ვიამაყებთ თქვენით.
აკი ამბობდით ქართველი ხალხის სიყვარულს არაფერი შეედრებაო და დაფიქრდით, რომ წახვიდეთ სხვა ქვეყანაში ახალგაზრდა თაობის სიცოცხლის ხარჯზე ის ფასი ექნება თქვენს გამარჯვებებს, რაც აქამდე ჰქონდა? მეტად თავს აღარ შეგაწყენთ, წინასწარ გილოცავთ ყველას დამდეგ ახალ წელს და მადლობელი ვარ ამ ბრძოლის დაწყებისთვის, რომელიც უკვე სხვების გადარჩენას ჭირდება და ემსახურება. პატივისცემით სანდრო ბერაძის დედა ნინო ლოლაძე. P.S. 1 იანვარი სანდროს დაბადების დღეა ,ის 32 წლის გახდებოდა" - წერს ნინო ლოლაძე.
29 წლის ბერაძე, რომელიც აზარტულ თამაშებზე იყო დამოკიდებული. 2019 წლის ოქტომბერში 4-დღიანი ძებნის შემდეგ ცხვარიჭამიას ტყეში გარდაცვლილი იპოვეს.
მკითხველის კომენტარები /
31 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორ მეამაყებოდა ეს ადამიანი და ატანა აღარ მაქვს :(((((((((((((((
დიდი ბოდიშის მოხდით, მაგრამ საქართველოში ეს მიმართულება (ონლაინ კაზინოები) რომ აილაგმოს და გადაშენდეს ამით ჩვენ სახელოვან სპორცმენებს სპონსორები მოაკლდებათ და ვტქვათ სახელმწიფო მიაქცევს სათანადო ყურადღებას ხომ ?
და სხვა ონლაინ კაზინოები არ არისებობს თუყ რა ? უამრავი პლატფორმაა (არა ქართული), სადაც ფსონებს დებს ხალხი და გამუდმებით თამაშობს, აი აქ რას ვშვებით ???