"ომიკრონი" გამოწვევა იქნება, რადგან ის ძალიან სწრაფად ვრცელდება" - ენტონი ფაუჩი

"ომიკრონი" სავარაუდოდ, გახდება Covid-19-ის დომინანტური ვარიანტი აშშ-ში" - ამის შესახებ აშშ-ის ალერგიისა და ინფექციური დაავადებების ეროვნული ცენტრის ხელმძღვანელმა, ენტონი ფაუჩიმ განაცხადა.

„ომიკრონი გამოწვევა იქნება, რადგან ის ძალიან სწრაფად ვრცელდება და ვაქცინები, რომლებსაც ჩვენ ვიყენებთ - ჩვეულებრივი, ორდოზიანი mRNA - არც თუ ისე კარგად მოქმედებს ინფექციის წინააღმდეგ. მაგრამ თუ თქვენ მიიღებთ გამაძლიერებელ დოზას, ეს საკმაოდ კარგი იქნება “, - განუცხადა ფაუჩმა CNN-ს.

”ეჭვგარეშეა, რომ ოპტიმალური დაცვა იქნება სამი დოზა”, - განაცხადა მან.

მისივე თქმით, როგორიც არ უნდა იყოს "ომიკრონი" როგორც ჩანს, ის ნაკლებად მძიმეა.

მისივე განცხადებით, მიუხედავად იმისა, რომ ერთი წელი გავიდა მას შემდეგ, რაც ვაქცინები ხელმისაწვდომი გახდა შეერთებულ შტატებში, აცრების რიცხვის გაზრდა კვლავ საჭიროა.

”ჩვენ ამაზე უკეთ უნდა ვიმოქმედოთ, თუ გვინდა ამის დასრულება”, - აღნიშნა მან.