მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რუსეთი უკრაინას ემუქრება იმისთვის, რომ დასავლეთი დააშანტაჟოს - ზოგიერთ ევროპულ დედაქალაქში შიში ჭარბობს" - ვლადიმერ ზელენსკი
18:20 / 14-12-2021
რისთვის იყენებენ ჩვენს საზღვართან შეკრებილ ჯარს? ეს არის პოტენციალი შანტაჟისთვის და პირველ რიგში, დასავლური სახელმწიფოების წინააღმდეგ. თუ რუსული ჯარის რაოდენობა გაიზრდება, შანტაჟი კიდევ უფრო გაიზრდება, რასაც შეიძლება ეწოდოს მზადება ჩვენი სახელმწიფოს და შესაძლოა, მთლიანად რეგიონის წინააღმდეგ აგრესიის გაფართოებისთვის , - ამის შესახებ უკრაინის პრეზიდენტმა ვლადიმერ ზელენსკიმ La Repubblica-სთვის მიცემულ ინტერვიუში განაცხადა.
მისი თქმით, უკრაინა მზადაა ნებისმიერი სცენარისთვის.
„უკრაინა ვერაფერს ხედავს გასაკვირს იმაში, რაც ჩვენს აღმოსავლეთ საზღვრებზე ხდება. რუსეთმა ეს ომი 2014 წელს დაიწყო და მას შემდეგ ჩვენ მზად ვართ ნებისმიერი სცენარისთვის. სამწუხაროდ, ეს არ შეიძლება ითქვას ევროპის ყველა ქვეყანაზე. მაგალითად, გერმანიამ ბოლო დროს ხელი შეგვიშალა ნატოს-გან დრონების საწინააღმდეგო და ანტისნაიპერული სისტემების მიღებაში, რომლებიც ექსკლუზიურად თავდაცვის იარაღია. ომის მერვე წელს არ გვაქვს ამის უფლება? ცხადია გვაქვს. ნებისმიერ დემოკრატიულ სახელმწიფოს, რომელიც იცავს თავს აგრესიისგან, უნდა ჰქონდეს უფლება შეიძინოს ასეთი თავდაცვის ინსტრუმენტები. მაგრამ ზოგიერთ დედაქალაქში კვლავ შიში ჭარბობს“, - აღნიშნა ზელენსკიმ.
კითხვაზე, თუ რუსეთი უკრაინაში შეჭრას გადაწყვეტს, არის თუ არა უკრაინული არმია მზად მათ დაუპირისპირდეს, ვლადიმერ ზელენსკიმ უპასუხა, რომ უკრაინა ყოველთვის დაიცავს საკუთარ ტერიტორიას და ხალხს.
„ჩვენ დავიცავთ ჩვენს მიწას და ჩვენს ხალხს ყველა ვითარებაში და ყოველგვარი ხელყოფისგან. უკრაინელები არასოდეს იტყვიან უარს თავისუფლებაზე“, - აღნიშნა ზელენსკიმ.
კითხვაზე, არის თუ არა აშშ-ის პრეზიდენტის, ჯო ბაიდენის მიერ გაჟღერებული „ძალიან მკაცრი ეკონომიკური სანქციების“ შესახებ მუქარა მოსკოვის შესაჩერებლად საკმარისი, ზელენსკიმ უპასუხა, რომ ბაიდენ-პუტინის დიალოგის შემდეგ უკრაინის საზღვრებთან სამხედრო ჯგუფის შემცირება არ მომხდარა.
„ამერიკელ და რუს ლიდერებს შორის მოლაპარაკებების შემდეგ ჩვენს საზღვრებთან სამხედრო ჯგუფის შემცირება არ ხდება. უფრო მეტიც, ესკალაციის კიდევ ერთი სივრცე არსებობს - აზოვის ზღვაში. როდესაც ეს სიტუაცია შეცვლას დაიწყებს, შეგვიძლია ვთქვათ, რომ არგუმენტები დამაჯერებლად ჟღერს“, - აღნიშნა ზელენსკიმ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალი ხარ ჯიგარო.