მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა უნდა იცოდეთ ფილერის გაკეთებამდე, ვისთვის არ შეიძლება მისი გამოყენება და რა რისკი შეიძლება ახლდეს პროცედურას - FDA-ის რეკომენდაციები
17:14 / 19-12-2021
სახეზე ნაოჭების და ხაზების გასწორება, ტუჩების გადიდება, ყვრიმალების შევსება, ან რაიმე სხვა სახის კორექცია - თანამედროვე ცხოვრების განუყოფელი ნაწილია და მსგავს პროცედურებს საზოგადოების ნაწილი ხშირად მიმართავს.
კანში ფილერების შეყვანა, წლების მატებისგან, ან სხვადასხვა დაავადებისგან გამოწვეული ცვლილებების დამალვაში და შესწორებაში გვეხმარება. მართალია, სილამაზე მსხვერპლს მოითხოვს, მაგრამ სანამ ამა თუ იმ პროცედურის ჩატარებას გადაწყვეტდეთ, აუცილებელია წინასწარ უნდა იცოდეთ რისკები და ის, თუ რამდენად დიდი მსხვერპლის გაღებაა საჭირო.
- ამ სტატიაში ფილერის შესახებ აშშ-ის სურსათისა და წამლის ადმინისტრაციის რეკომენდაციებს გაგაცნობთ.
აშშ-ს სურსათის და წამლების ადმინისტრაციამ (FDA) ფილერებთან დაკავშირებით სხვადასხვა კვლევა ჩაატარა და დაადგინა, რომ ზოგიერთი სახის ფილერი ჯანმრთელობისთვის მავნებელია და შესაძლოა, მწვავე გართულებაც კი მოჰყვეს.
როგორც FDA -ში აცხადებენ, ფილერების გაკეთება ყველასთვის არაა მიზანშეწონილი. კონკრეტულად კი ფილერის, ანუ შემავსებლის გამოყენებას არ ურჩევენ მას, ვისაც სხვადასხვა ალერგია აწუხებს.
FDA გირჩევთ, რომ ფილერის გასაკეთებლად მიმართოთ პროფესიონალს, რომელიც იდეალურად ერკვევა მის რაობაში, გართულებებთან გამკლავება შეუძლია და ყველაზე მნიშვნელოვანი - პროცედურის ჩატარებამდე გაგაფრთხილებთ რისკების შესახებ.
რა არის ფილერი?
- ფილერები, ანუ შემავსებლები გელის სტრუქტურის მქონე სუბსტანციაა, რომელიც კანქვეშ შეჰყავთ, ისინი ან ზედაპირის დასარბილებლად, ან სისავსის ვიზუალური ეფექტის შესაქმნელად გამოიყენება.
როგორც კლინიკური კვლევებითაა დადგენილი, FDA-ს მიერ დამტკიცებული კანის შემავსებლების ეფექტი დროებითია, რადგან ისინი ისეთი მასალისგან მზადდება, რომლებსაც სხეული საბოლოოდ შლის და შეითვისებს, ამიტომაც პროცედურები განმეორებით უნდა ჩატარდეს იმისთვის, რომ სასურველი შედეგი შენარჩუნდეს.
რა შემადგენლობისაა დროებითი ფილერი:
- ჰიალურონის მჟავა.
- კალციუმ ჰიდროქსილაპატიტი - მინერალი, რომელიც ძვლის მთავარი შემადგენელი კომპონენტია;
- პოლი-L-ლაქტური მჟავა - ბიოდეგრადირებადი, სინთეტიკური მასალაა.
ფილერების გამოყენება 22 წლის შემდეგაა ნებადართული. მის გამოყენებამდე ადამიანს აუცილებლად ტესტირება უნდა ჩაუტარდეს ალერგიაზე.
FDA-ში აცხადებენ, რომ ყველა სახის ფილერის გამოყენება არ შეიძლება:
- FDA-მ არ დაამტკიცა სილიკონები, ან სხვა სახის შემავსებლების ინექცია. გვაფრთხილებენ, რომ მკერდში, დუნდულებში, ან კუნთებს შორის ფილერის გამოყენებამ შესაძლოა, სერიოზული დაზიანება გამოიწვიოს, მათ შორის, ხანგრძლივი ტკივილი, ინფექცია, მუდმივი ნაწიბურები, ან დეფორმაცია.
- FDA-მ არ დაამტკიცა ნემსის არმქონე მოწყობილობები კანის შემავსებლების ინექციისთვის და ამგვარი აპარატებით ჰიალურონის მჟავისა და შემავსებლების შეყვანის წინააღმდეგია. აცხადებენ, რომ ხშირად, ასეთი მოწყობილობების გამოყენების შედეგად, კანი, ტუჩები, ან თვალები ზიანდება.
- FDA ასევე გვაფრთხილებს, რომ უარი ვთქვათ იმ შემავსებლებზე, რომლებზეც პირდაპირ მიგვიწვდება ხელი. ეს შემავსებლები არაა მათ მიერ დამტკიცებული და შესაძლოა, ქიმიკატებით და ინფექციური ორგანიზმებით იყოს დაბინძურებული.
FDA-ს მიერ დამტკიცებულია შემდეგი პროდუქტები: Botox, Dysport, Xeomin და Jeuveau. ეს პროდუქტები არ წარმოადგენს კანის შემავსებლებს. ისინი საინექციო წამლებია, რომლებიც კუნთების დაჭიმვის თავიდან ასაცილებლად მუშაობენ, ამიტომ ნაოჭები იმდენად აღარ ვლინდება.
მოამზადა ანა სიბოშვილმა
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ისეთი შთაბეჭდილება იქმნება, მსოფლიო მოდის მამამთავრები ნამდვილ სილამაზეს ებრძვიან და სიმახინჯეს ამკვიდრებენ, ასევე ებრძვიან ოლიგარქები ცოდნასა და ნიჭიერებას...ამას ემსახურება ე.წ. განათლების რეფორმები.
ადამიანის ხორცი არ არის მთავარი, მთავარია შინაგანი სილამაზე, დამახინჯდა ახალგაზრდობა, ყველას ეტყობა დაბერვა თუ მიბერვა, დაიტოვეთ უფლისგან ბოძებული სხეულაი, ისწავლეთ, განვითარდით, მიიღეთ განათლება და იქნებით ყველაზე ლამაზი და ჯანმრთელი