26
მარტიდღის ზოგადი ასტროლოგიური პროგნოზი
ფინეთის პრემიერ-მინისტრი, სანა მარინი სკანდალში გაეხვა. მას ოპოზიციონერი პოლიტიკოსები და საზოგადოების ნაწილი მეგობრებთან ერთად ღამის კლუბში გართობის გამო აკრიტიკებს.
საქმე ისაა, რომ პრემიერი, 36 წლის სანა, გასულ უქმეებზე, მეგობრებთან ერთად, ჰელსინკის ერთ-ერთ ღამის კლუბს სტუმრობდა.როგორც Politico წერს, სანა მარინს ფორმალურად არ დაურღვევია პანდემიის გამო დაწესებული რაიმე რეგულაცია, მაგრამ მისი გადაწყვეტილება, წასულიყო საზოგადოების თავშეყრის ადგილას "გულგრილობად" შეფასდა, რადგანაც კონტაქტი ჰქონდა კორონავირუსით ინფიცირებულ საგარეო საქმეთა მინისტრთან.
ფინეთში ამჟამად არსებული რეგულაციების მიხედვით, ორჯერადად აცრილ პირებს არ უწევთ იზოლაცია მაშინაც კი, თუ არიან იმ ადამიანის კონტაქტი, რომელსაც კოვიდი დაუდასტურდა, რაც იმას ნიშნავს, რომ სანა მარინს ფორმალურად ჰქონდა უფლება გასართობად წასულიყო.
ოპოზიციონერი დეპუტატების შეფასებით, მიუხედავად ყველაფრისა, მარინი ვალდებული იყო ნებაყოფლობით გადასულიყო თვითიზოლაციაში, სანამ ოფიციალურად არ დადასტურდებოდა, რომ ის კორონავირუსით არ იყო ინფიცირებული.
ოპოზიცია მიიჩნევს, რომ ფინეთის პრემიერი დაუდევრად მოიქცა და სხვა ადამიანების ჯანმრთელობას საფრთხე შეუქმნა.
მოგვიანებით ქვეყნის პირველმა პირმა ბოდიში მოიხადა.
"უფრო უკეთ უნდა შემეფასებინა სიტუაცია და უკეთ ვყოფილიყავი გარკვეული ინსტრუქციებში. ძალიან ვწუხვარ“, - განაცხადა სანა მარინმა.
- ასევე დაგაინტერესებთ: ფინეთს მსოფლიოში ყველაზე ახალგაზრდა პრემიერ-მინისტრი ჰყავს - გაიცანით სანა მარინი, რომელიც ერთნაირსქესიანთა ოჯახში გაიზარდა
- მსოფლიოში ყველაზე ახალგაზრდა პრემიერი დაქორწინდა - როგორი ქორწილი გადაიხადა ფინეთის ლიდერმა (ფოტოები)
ამას რომ თავისი შვილების განათლება ბიუჯეტით დაეფინანსებინა და ბოტოქსები ეკეთებინა, გიულას გაპრავება აქაც უშველიდა?
ოდესმე ჩვენმა მაღალჩინოსნებმა ისწავლონ თავის მიქარვების აღიარება და მობიდიშება...