მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბაკო ისე დამძიმდა, იძულებულები იყვნენ საკეისრო კვეთა ჩაეტარებინათ... შვილის ნახვა ვერ შეძლო" - კორონავირუსმა კიდევ ერთი ორსულის სიცოცხლე იმსხვერპლა
12:21 / 06-12-2021
კორნავირუსით გარდაცვლილ ორსულთა ტრაგიკულ რიცხვს კიდევ ერთი ახალგაზრდა ქალის სიცოცხლე შეემატა. ბაკო სალაყაია ექვსი თვის ორსული იყო, როდესაც დაინფიცირდა. მისი მდგომარეობა საავადმყოფოში გადაყვანიდან ორ დღეში დამძიმდა და საკეისრო კვეთა გახდა საჭირო. ბაკოს მეგობარი ჟურნალისტი ბელა ზაქაიძე ამბობს, რომ ექიმებმა ყველაფერი გააკეთეს მის გადასარჩენად, მაგრამ მდგომარეობა იმდენად რთული იყო, რომ საკეისროს შემდეგ ქალი ისე გარდაიცვალა, შვილის ნახვაც ვერ მოასწრო.
ბელა ზაქაიძე ჟურნალისტი:
- ბაკო ფოთში ცხოვრობდა, ექვსი თვის ორსული იყო, კოვიდი რომ შეხვდა. ტემპერატურა რომ დაუფიქსირდა, მეორე დღესვე გადმოიყვანეს თბილისში, პირველ საუნივერსიტეტო კლინიკაში ლევან რატიანთან. რადგან ორსული იყო, პირველი ორი დღე ძლიერ წამლებს არ აძლევდნენ, ექვსი თვის ბავშვი ჰყავდა მუცელში და აკვირდებოდნენ, როგორ წავიდოდა პროცესები. რომ ნახეს, ძალიან სწრაფად ვრცელდებოდა ვირუსი, გადაწყვეტილება მიიღეს, რომ საკეისრო კვეთა ჩაეტარებინათ. სხვა გზა, უბრალოდ, არ იყო. იმ ორ დღეში იმდენად მოედო ორგანიზმს ვირუსი, რომ ფილტვების 15 - ბალიანი დაზიანებით შეიყვანეს და ეს მაჩვენებელი 24 ბალამდე ავიდა. ამაზე მაღალი აღარ არსებობს, ყველაზე მაღალი მაჩვენებელია.
საკეისრო კვეთის შემდეგ ძალიან დამძიმდა. მანამდე უფრო კონტაქტური იყო, ოჯახის წევრებსაც ესაუბრებოდა. რეანიმაციაში გადაიყვანეს და ერთი თვის განმავლობაში ყველაფერს ეცადნენ ექიმები, რომ გადაერჩინათ. პირადად მე ლევან რატიანსაც ვესაუბრე რამდენჯერმე.
- ბელა, ბაკო აცრილი არ ყოფილა?
- არა, სამწუხაროდ. ალერგიული იყო და კოვიდზე მკურნალობის პერიოდში, წამლებს რომ აძლევდნენ, იმაზეც ალერგიას აძლევდა.
- ბაკოს სხვა შვილიც ჰყავდა?
- დიახ, უფროსი გოგო ჰყავს. მეორეც გოგონაა, თვეზე მეტია ჟვანიას კლინიკაში, ინკუბატორშია. სუნთქვის აპარატი მოხსნეს და ბოთლით ჭამს უკვე. თუმცა ორი თვე კიდევ უნდა დარჩეს. საკეისროს შემდეგ პირდაპირ ინკუბატორში გადაიყვანეს ბავშვი, ბაკო ისე დამძიმდა, არ უნახავს შვილი.
ბაკო სალაყაიაზე გვიყვება ჟურნალისტი მზეკო ჟვანია:
- ძალიან ბევრი შემიძლია ვისაუბრო ბაკოზე, ბავშვობიდან ვიცნობ, ბაკოსაც და მის და დიკასაც, თუმცა, ზრდასრულ ასაკში დავმეგობრდით. საოცარი გოგონები - მეგობრულები, კეთილშობილები. თუკი რამეს აკეთებდნენ, ყოველთვის მთელი გულით და ეს აშკარა იყო. მძიმეა ბაკოზე წარსულში ლაპარაკი, სიცოცხლით სავსე, აქტიური და სიკეთის კეთებაზე ორიენტირებული იყო, ძალიან ბევრი გასაკეთებელი კარგი საქმე დავგეგმეთ ერთად, მაგრამ…
ერთი ისტორია მინდა საზოგადოებამ იცოდეს, რომ ნაწილობრივ მაინც შეექმნას წარმოდგენა, თუ როგორი ადამიანი იყო ბაკო სალაყაია. მისი და დიკა საქველმოქმედო საქმიანობას ეწევა. მაშინ ზუგდიდის მერიაში ვმუშაობდი საზოგადოებასთან ურთიერთობის სამსახურში, როცა დიკა დამიკავშირდა და რაღაც საკითხში დახმარება მთხოვა. ოჯახი იყო, რომელსაც რთულ პირობებში უწევდათ ცხოვრება, ორი მცირეწლოვანი ბავშვით. დიკა ვერ ახერხებდა ჩამოსვლას და ბაკო ჩამოვიდა მის ოჯახთან ერთად.
ბაკო რამდენიმე წლის უნახავი მყავდა, ისეთი შეცვლილი იყო, სრული ამ სიტყვის მნიშვნელობით - ანათებდა! ძალიან ბევრი ვისაუბრეთ, ბევრი გეგმა ჰქონდა და ნელ-ნელა ახორციელებდა კიდევაც. მივედით ოჯახში, რომელსაც ვეხმარებოდით და ერთმა მნიშვნელოვანმა ფაქტმა მიიქცია ჩემი ყურადღება, ეზოში ბავშვი იჯდა, რომელიც არავის იკარებდა, არავის ეკონტაქტებოდა, ასე 3-4 წლის იქნებოდა. ჩვენი მისვლიდან რამდენიმე წუთში ვნახე, რომ ბაკო მისულიყო ამ ბავშვთან და ჩვეულებრივი კომუნიკაცია დაემყარებინა.
უფრო მეტიც, ბავშვი ისე სწრაფად და იმდენს ელაპარაკებოდა, თან ბაკოს მზისფერ თმებზე ეფერებოდა, - ლამაზიაო. უთბილესი ადამიანი იყო ბაკო, გულში იკრავდა სრულიად უცხო ადამიანებს, ეფერებოდა, ესიყვარულებოდა… ძალიან მიმძიმს იმის გააზრება, რომ საქართველოში დავბრუნდები და არ დამხვდება ბაკო, ვერ განვახორციელებთ იმ გეგმებს, რომლის ნაწილიც ერთად უნდა მოგვეყვანა სისრულეში… მძიმეა, იმდენად უნაკლო ადამიანი იყო, მიჭირს მასზე ლაპარაკი, მაპატიეთ…
- დაავადებათა კონტროლის ეროვნული ცენტრმა ოქტომბრის ბოლოს კორონავირუსის გავრცელებით გამოწვეული ეპიდსიტუაციის ანალიზის მეშვიდე გადახედვის ანგარიში გამოაქვეყნა, რომელიც მოიცავდა 2020 წლის 23 იანვრიდან 2021 წლის 1 ოქტომბრამდე პერიოდს. პანდემიის დაწყებიდან 2021 წლის პირველ ოქტომბრამდე, საქართველოში სულ აღირიცხა 85 345 ორსული. მათგან COVID19-ით დაინფიცირდა 7 338 ორსული. ორსულთა ინფიცირების მაჩვენებელმა 8.6% შეადგინა. ორსულებს შორის ლეტალობის მაჩვენებელმა შეადგინა 0.23%. მათი უმეტესობა, 16 ორსული, 2021 წელს გარდაიცვალა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გაფრთხილებთ!!!
თავი დაანებეთ აუცრელი ადამიანების დახოცვას !!!
" არ არს დაფარული რომ არ გაცხადდეს " !!!
დ ავრჩები შენთვის მუდამ პატარა, თუმც შეგპარვია თმაში ჭაღარაე რთადერთი ხარ ვინც მე მატარა, გაბერილ მუცლით ცხრა თვე პატარად აბადებიდან მე შემასწავლა ენა ქართული, ტკბილი, ნარნარაა მაგს ვეცდები, რომ დაგიფასო ჩემო ლამაზო დედა
ღმერთმა გაანათლოს მშვენიერი ქალბატონი