მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დიდი იმედგაცრუება იყო, რაც მოსამართლეთა კანდიდატებისგან მოვისმინეთ - დაილია ამ ქვეყანაში მოსამართლეები, იურისტები?!" - ლევან იოსელიანი
13:48 / 30-11-2021
"ძალიან დიდი იმედგაცრუება იყო, რაც მოსამართლეთა კანდიდატებისგან მოვისმინეთ - დაილია ამ ქვეყანაში მოსამართლეები, იურისტები?! ძალიან გთხოვთ, სულ ყველას, რომ გაითვალისწინოთ ყველაფერი და როდესაც კენჭისყრა იქნება გახსოვდეთ, რომ ყველაფერი იწყება აღიარებით, ვაღიაროთ, რომ ეს ხალხი არ იმსახურებს განწესებული იყვნენ უვადოდ უზენაეს სასამართლოში" - ასე მიმართა ვიცე- სპიკერმა ლევან იოსელიანმა, პარლამენტის პლენარულ სხდომაზე სიტყვით გამოსვლისას, დეპუტატებს.
იოსელიანის განცხადებით, მოსამართლეთა კანდიდატებმა, არამარტო პროფესიულ ნაწილში ვერ გაართვეს კითხვებს თავი, არამედ კეთილსინდისიერების ნაწილშიც.
"ჩვენ წინა კვირას ვუსმენდით მოსამართლეთა კანდიდატებს. ჩემდა სამწუხაროდ, ძალიან დიდი იმედგაცრუება იყო, რაც ყველა ჩვენთაგანმა მოვისმინეთ ამ ადამიანებისგან, რომლებსაც პრეტენზია აქვთ, რომ იყვნენ უზენაესი სასამართლოს მოსამართლეები. ეს იმედგაცრუება არ არის მხოლოდ ჩვენში, ჩვენ ვნახეთ ჩვენი პარტნიორი ქვეყნების განცხადებები, რომლებიც ასევე იმედგაცრუებულები არიან ზოგადად ამ პროცესით, მაგრამ ერთი წუთით პროცესს რომ თავი დავანებოთ, ჩვენ ვნახეთ კანდიდატები, რომლებმაც ელემენტარულად კითხვებს ვერ გაართვეს თავი არამარტო პროფესიულ ნაწილში, არამედ კეთილსინდისიერების ნაწილშიც. ერთ-ერთმა თქვა, რომ 28 წლამდე დაკავებული იყო სოფლის მეურნეობით, მერე დაიწყო მუშაობა სასამართლოში დარაჯად, შემდეგ კურიერად და სულ მოკლე ვადაში გაიკეთა თავბრუდამხვევი კარიერა და დღეს აქ არის კანდიდატად ნომინირებული. კითხვა მაქვს - დაილია ამ ქვეყანაში მოსამართლეები, იურისტები?! სოფლის მეურნეობაში მუშაობა კი არ არის პრობლემა, პრობლემა ის არის, რომ ეს ყველაფერი იმდენ კითხვის ნიშანს ბადებს, რომ საერთოდ არც უნდა განხილულიყო ამ კანდიდატის პარლამენტში ნომინირება და გამოგზავნა. მეორე მოსამართლეა, რომელსაც გადაწყვეტილება აქვს მიღებული გია გვიჩიანის და ნიკა ჩემიას საქმეზე. 11 წელი ეს ადამიანები ისხდნენ ციხეში და როგორც მოგვიანებით აღმოჩნდა, უკანონოდ. დღეს ეს მოსამართლე არის სააპელაციო სასამართლოში უვადოდ დანიშნული და პრეტენზია აქვს, რომ უნდა იყოს უზენაესში მაინც და მაინც. კიდევ იგივე კითხვა მაქვს - დაილია იურისტები, რომ ასეთი წარსულის მოსამართლეები არ იყოს გამოგზავნილი პარლამენტში?! და ბოლოს ვერც ერთმა მოსამართლემ, რომლებსაც ვუსმენდით აგვისტოში და ვერც ახლა, რომლებიც მუშაობდნენ წინა ხელისუფლების დროს, ვერ გასცა პასუხი იყო თუ არა წინა ხელისუფლების დროს ზეწოლა სასამართლოზე, ყველა მათგანმა თავი აარიდა ამ პასუხს და თქვა, რომ არა, ჩვენზე არანაირი ზეწოლა არ ყოფილაო. ბოდიში, მაგრამ თუ ყველაფერი ასე კარგად იყო მაშინ, საერთოდ რატომ ვაკრიტიკებთ მიხეილ სააკაშვილის დროინდელ სასამართლოს და ზურაბ ადეიშვილის სასამართლოს?! მაშინ არ ყოფილა არანაირი პრობლემა იმიტომ, რომ ამ ადამიანებზე არ ყოფილა არანაირი ზეწოლა, არც სცოდნიათ, რომ სასამართლოში რაიმე პრობლემები არსებობდა.
ყველაფერი იწყება აღიარებით. მე გუშინ არ მომეწონა, რომ მიხეილ სააკაშვილმა არ დაიწყო აღიარებით და იგივე ხდება აქაც. უნდა ვაღიაროთ, რომ იმ დროს იმ მოსამართლეებმა ჩაიდინეს ისეთი გადაცდომები, რომ არ იმსახურებენ უზენაეს სასამართლოში განწესებას. ეს კანდიდატები შემოვლენ აქ და ძალიან გთხოვთ, სულ ყველას, რომ გაითვალისწინოთ ყველაფერი და როდესაც კენჭისყრა იქნება გახსოვდეთ, რომ ყველაფერი იწყება აღიარებით, ვაღიაროთ, რომ ეს ხალხი არ იმსახურებს განწესებული იყვნენ უვადოდ უზენაეს სასამართლოში“, - განაცხადა იოსელიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
