ბიზნესმენი ილია კოკაია მწვერვალ "დედაენზე" გარდაიცვალა - რა მოხდა ლაშქრობისას?
ბიზნესმენი ილია კოკაია მწვერვალ "დედაენზე" ლაშქრობისას გარდაიცვალა. მისი ცხედარი მაშველებმა უკვე ჩამოასვენეს.
ის მწვერვალზე მეგობართან ბიზნესმენ ლევან მუშკუდიანთან ერთად იმყოფებოდა. გავრცელებული ცნობით, კოკაიას ფეხი დაუცურდა, წაიქცა და თავი ძლიერად დაარტყა, რის შედეგადაც ადგილზე გარდაიცვალა.
სამაშველო სამსახურში უბედური შემთხვევის შესახებ სწორედ ბიზნესმენის მეგობარმა დარეკა, სამაშველო ოპერაცია მყისიერად დაიწყო, თუმცა, სამწუხაროდ, ბიზნესმენის გადარჩენა ვერ მოხერხდა.
ილია კოკაია ფლობდა საფეხბურთო კლუბ "ზესტაფონს“, ფეროშენადნობთა ქარხნის წილს და სასტუმროების ქსელს გუდაურში.
მწვერვალი "დედაენა" მდებარეობს სტეფანწმინდის მუნიციპალიტეტში, ზღვის დონიდან 3493 მეტრზე. მწვერვალზე ასასვლელად აუცილებელი არ არის სპეციალური აღჭურვილობა. ყველაზე მარტივად მწვერვალზე ჯვრის უღელტეხილიდან შეიძლება ასვლა.