მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მოვიდა კადიროვი, პუტინის აბსურდის თეატრის თოჯინა და ყველაფერი აურია" - რატომ აღვივებს კრემლი ჩეჩნეთსა და ინგუშეთს შორის "მიძინებულ" კონფლიქტს
10:34 / 21-11-2021
ჩეჩნეთსა და ინგუშეთს შორის ტერიტორიების გამო დავა გრძელდება. რამდენიმე დღის წინ, სოციალური ქსელის ინგუშმა მომხმარებლებმა თავიანთი რესპუბლიკის მეთაურს, მაჰმუდ-ალი კალიმატოვს მისწერეს, რომ მან "ჩეჩნეთის ლიედერთან, რამზან კადიროვთან ომი წააგო."
ჩეჩნეთსა და ინგუშეთს შორის ადმინისტრაციულ საზღვართან დაკავშირებული პრობლემა 1991 წელს დაიწყო, როდესაც საბჭოთა კავშირთან ერთად, ჩეჩნეთ-ინგუშეთის ავტონომიური რესპუბლიკაც დაიშალა. მაშინ ჩეჩნეთისა და ინგუშეთის ხელმძღვანელებს შორის გამყოფი საზღვრის შესახებ შეთანხმება, ფაქტობრივად, ზეპირი მოლაპარაკების საფუძველზე განისაზღვრა და მას შემდეგ, "უსამართლოდ გაყოფასთან დაკაშირებით", დავა არაერთხელ დაიწყო.
- ახლახანს გადაწყდა, რომ გარკვეული ნაწილი ჩეჩნეთს გადაეცემა, ოღონდ როგორც ინგუშები ამბობენ, იმიტომ კი არა, რომ სამართლიანია, უბრალოდ, ჩეჩნეთის მეთაური უფრო მეტი ავტორიტეტით სარგებლობს, როგორც ჩრდილოეთ კავკასიაში, ასევე მთელ რუსეთში.
მათივე თქმით, სინამდვილეში, ტერიტორიაზე, რომელიც ახლა ჩეჩნეთს გადაეცემა, ისტორიულად ინგუშებიც ცხოვრობდნენ და ჩეჩნებიც. ისინი ახლო მონათესავე ვაინახი ხალხია, მაგრამ "რატომღაც ინგუშებისგან მოითხოვენ დათმობას."
რამდენიმე დღის წინ, კომპანია Чеченавтодор-მა მიწის სამუშაოები მდინარე ფორტანგის ნაპირთან დაიწყო - მდინარე ინგუშეთს ესაზღვრება. ჩეჩნური კომპანიის გამოჩენამ კიდევ ერთხელ გამოიწვია ინგუშების უკმაყოფილება. რამზან კადიროვის თქმით, "უკმაყოფილება მხოლოდ ერთმა მუჭა პროვოკატორებმა გამოხატეს, რომლებიც ნაციონალისტური რუკის გათამაშებას ცდილობენ."
- მისივე თქმით, ის არ დათმობს მიწას, რომელიც ინგუშეთმა ჯოხარ დუდაევის მმართველობის დროს მიითვისა. ამ განცხადებამ სოციალური ქსელის ინგუში მომხმარებელი აღაშფოთა, რადგანაც მათი მოსაზრებით, სინამდვილეში ამ პოზიციის უკან კრემლი დგას.
ინგუში ანალიტიკოსების მოსაზრებით, კრემლი მდინარე ფორტანგეს ნაპირზე დაწყებული სამუშაოების გამო, ჩეჩნებსა და ინგუშებს შორის კონფლიქტის ესკალაციას არ დაუშვებს, მაგრამ აწყობს "მიძინებული პროტესტის" პერიოდული გაღვიძება, რათა ორივე რესპუბლიკამ იგრძნოს, რომ "უფროსის გარეშე მშვიდად დიდხანს ვერ იქნებიან."
kavkaz-uzel.eu-სთან საუბრისას, კონფლიქტოლოგი, ეკატერინა სოკირიანსკაია ვარაუდობს, რომ მორიგ საპრტოტესტო ტალღას შესაძლოა, ახალგაზრდა ინგუში აქტივისტების დაკავებები მოჰყვეს. მისი თქმით, 2018 წლის შეთანხმება, რომელსაც წინ უძღოდა ინგუში ხალხის მასობრივი პროტესტი, დროებითი იყო. მაშინ ინგუშების იმდროინდელ მეთაურს, იუნუს-ბეკ ევკუროვს მიწის მეზობელი რესპუბლიკისთვის გადაცემას ედავებოდნენ.
მსგავს საკითხზე პროტესტის გამო, შარშან 10-მდე ახალგაზრდა ინგუში აქტივისტი, სტავროპოლის სასამართლომ "ექსტრეზმის მუხლით" გაასამართლა და კოლონიაში 9-წლიანი პატიმრობა მიუსაჯეს. პროტესტის შემდეგ, სასამართლომ სასჯელი 7,5 წლამდე შეამცირა.
განა კადიროვს მიწა აინტერესებს, უბრალოდ, ასეთი ქმედებებით თავის უპირატესობას გვიმტკიცებს, გვეუბნება, რომ ინგუშეთშიც ისე მოიქცევა, როგორც მოისურვებს, როგორც ამას ჩეჩენთში აკეთებს. მე როგორც ვიტყვი, ისე იქნებაო, ამბობს პუტინის ჯიბის პრეზიდენტი და ფაქტია, გასდის კიდეც. ჩვენი ბიჭები, რომლებიც საკუთარ მიწა-წყალს იცავდნენ, ექსტრემიზმის ბრალდებით გაასამართლა. ამათ ჩამოუვლიან ღამე "კადიროვცები" და გააქრობენ, ან რამდენიმე დღის შემდგ გავიგებთ, რომ სადღაც სარდაფში იარაღის არსენალი ჰქონდათ "შენახული" და "ვინმეზე თავდასხმას აწყობდნენ". საკუთარი უსუსურობა მახრჩოს ამ სადისტის ქმედებებზე, - წერს სოციალური ქსელში ინტერტეტმომხარებელი მუსა ინგუში.
"კადიროვის მოსვლამდე ჩეჩენსა და ინგუშებს შორის დაპირისპირება არასდროს ყოფილა. მოვიდა პუტინის აბსურდის თეატრის თოჯინა და ყველაფერი აურია, მოძმე, ერთი წარსულის მქონე ხალხები დაჰყო და ერთმანეთს გადაჰკიდა, თქვენი და ჩემი რამ გაყოო, თუ რამ გაყო, მაშინ რას გვედავება, რას გვართმევს?!" - წერს კიდევ ერთი ინტერნეტმომხარებელი ზარიფა ქოულდი.
"პრობლემა ნამდვილად არსებობს, მოგონილი არ არის. მაგრამ ახლა უფრო გამწვავდა, რადგან კადიროვი მიიჩნევს, რომ ზენიტშია და კალიმატოვს არაფრად აგდებს, ამას ინგუშების მეთაურიც გრძნობს. კადიროვმა ბრძანა და კალიმატოვი გაჩუმდა. ან რა უნდა თქვას?! მათი პოლიტიკური ხარისხები ხომ სრულიად განსხვავებულია", - აცხადებს პოლიტოლოგი ევგენი მინჩენკო.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ერთხელ და სამუდამოდ, მთელი მსოფლიოს საზღვრები უნდა მოიხსნას, გაერთიანდეს და დაისვენებს კაცობრიობა
ნაცები კარგად თუ დააკვირდებიან მიხვდებიან როგორ გავს მათი აზრები კადიროვისას გარეჯთან დაკავშირებით. აქედან დასკვნასაც იოლად გააკეთებენ კრემლის აგენტი ვინც არის.