მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კვარაცხელია, ესპანელების საუკეთესო მეგობარი, რომელიც მადრიდის "რეალზე" ოცნებობს" - რას წერს ესპანური Marca ხვიჩა კვარაცხელიას შესახებ
09:55 / 12-11-2021
მსოფლიო საფეხბურთო ჩემპიონატის შესარჩევი ეტაპის შეხვედრა საქართველოსა და შვედეთს შორის, ჩვენი გუნდისთვის, წარმატებული გამოდგა. მატჩი, რომელიც ბათუმში გაიმართა, საქართველოს გამარჯვებით, ანგარიშით - 2 - 0 დასრულდა. ორივე გოლი მეორე ტაიმში გავიდა და ორივეს ავტორი ხვიჩა კვარაცხელიაა, 20 წლის ფეხბურთელი, რომელიც ამჟამად ყაზანის "რუბინში." თამაშობს.
ქართველების გამარჯვება შვედებთან განსაკუთრებით ესპანეთში გაუხარდათ, რადგანაც შვედების ამ მარცხის წყალობით, მათ ჯგუფში პირველი ადგილი შეინარჩუნეს. საკვალიფიკაციო ეტაპის ჯგუფში პირველ ადგილს 16 ქულით ესპანეთი იკავებს, მეორეზე 15 ქულით შვედები არიან, მესამე ადგილოსან საბერძნეთს 9 ქულა აქვს, მეოთხეზე საქართველოა, 7 ქულით, ხოლო ბოლო ადგილს 4 ქულით კოსოვო იკავებს (შენიშვნა: საქართველოსთვის ეს გამარჯვება მსოფლიო ჩემპიონატზე გასვლის კუთხით, არაფერს ცვლის).
სწორედ ამის გამო, ესპანურენოვანი გამოცემა Marca ხვიჩა კვარაცხელიას ესპანეთის საუკეთესო მეგობარს უწოდებს და აქვეყნებს სტატიას სათაურით -"კვარაცხელია, ესპანეთის საუკეთესო მეგობარი, რომელიც მადრიდის "რეალზე" ოცნებობს."
როგორც გამოცემა წერს, ხვიჩა კვარაცხელია ესპანეთის ეროვნული ნაკრების საუკეთესო მეგობარი გახდა, რადგანაც შვედეთთან გატანილი ორი გოლით ის ესპანეთს ჯგუფში პირველ ადგილზე ტოვებს.
"მარკას" ცნობით, ზედიზედ ორი სეზონის განმავლობაში რუსეთის ლიგის საუკეთესო ახალგაზრდა ფეხბურთელად დასახელებული კვარაცხელია ქართული ფეხბურთის უდიდესი ამომავალი ვარსკვლავია და ერთ-ერთია იმ ადამიანებიდან, რომლებიც ევროპულ გრანდში გადასვლაზე ოცნებობენ.
- "მჯერა, რომ ის მადრიდის "რეალში", ან "ბაიერნში" ითამაშებს“, - აცხადებს ფეხბურთელის აგენტი.
"რეალი" შემთხვევითი არჩევანი არ არის. ჩემი შვილები და მათ შორის ხვიჩა, "რეალის" გულშემატკივრები არიან“, - ამბობს ფეხბურთელის მამა, ბადრი კავარცხელია.
გამოცემა წერს, რომ transfermarkt.com-ზე კვარაცხელიას საბაზრო ღირებულება 18 მილიონი ევროა, თუმცა შვედეთთან მისმა "აფეთქებამ“ შესაძლოა, 20 წლის მოთამაშის ფასი გაზარდოს. როგორც "მარკა" აღნიშნავს, რუსეთში მოთამაშე ფეხბურთელებს შორის ხვიჩაზე უფრო მაღალი ღირებულება "ზენიტის" მოთამაშეებს, აზმუნსა და მალკომს აქვთ.
როგორც ჩანს, ესპანელებს კარგად ახსოვთ მათ კარში გატანილი კვარაცხელიას გოლი. გამოცემა აღნიშნულ მატჩსაც იხსენებს - "კვარაცხელიამ უკვე გაუტანა ესპანეთის ნაკრებს. თამაშის გადარჩენა კი დანი ოლმომ 92-ე წუთზე გატანილი გოლით შეძლო", - ვკითხულობთ სტატიაში, სადაც ასევე აღნიშნულია, რომ საქართველოში დიდი იმედი აქვთ, რომ ხვიჩა "უძველესი კონტინენტის ერთ-ერთი ყველაზე დიდი გუნდის მაისურს მოირგებს."
- "ის ჩემს თავს მახსენებს, უდიდესი პოტენციალი აქვს, აქვს სისწრაფე, ინტუიცია, ტაქტიკური ინტელექტი და რაც ყველაზე მნიშვნელოვანია, ის ფეხბურთით ცხოვრობს. იღვიძებს და იძინებს ბურთით“, - ციტირებს "მარკა" ვლადიმერ გუცაევის სიტყვებს.
"კვარაცხელიას ორმა გოლმა ესპანეთს მისცა უპირატესობა მსოფლიო ჩემპიონატის საკვალიფიკაციო ეტაპზე, ხოლო ფეხბურთელის სახელი, თავისი თანხმოვნებით, უფრო რეზონანსული გახადა", - ნათქვამია სტატიაში.
ცნობისთვის, ამ დროისთვის "ტრანსფერმარკეტზე" ხვიჩა კვარაცხელია ყველაზე ხშირად ნახვად ფეხბურთელებს შორის მესამე ადგილს იკავებს და შვედეთთან მატჩის შემდეგ, მის მიმართ ინტერესი კიდევ უფრო გაზრდილია.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გულით ვგრძნობ რომ ჩვენი ფეხბურთელები ისე გააქტიურდნენ რომ მალე მსფოფლიო ჩემპიონატსაც მოვიგებთ, ვისაც ჩემი სჯერა დაალაიქოს. მართლა მოვიგებთ, მარტო ხვიჩა კი არა გუშინ 21 წლამდე ახალგაზრდულმა ნაკრებმა სამი გოლი გაუტანა ინგლისს. კარგი თაობა გვერზრდება ხვიჩას გარდა სხვებიც კარგები გვყავს. საქართველოს ნაკრებს ვუსურვებ კიდევ უფრო დიდ წარმატებას
ვენაცვალე ქართულ გენს! მაგარი, ჟილკიანი ბიჭია.