მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მუსიკალური ფესტივალი, რომელსაც 8 ადამიანი ემსხვერპლა - რა დაადგინა გამოძიებამ უმძიმესი ტრაგედიის შესახებ
15:35 / 09-11-2021
პარასკევს გამართულ Astroworld-ის მუსიკალურ ფესტივალზე მომხდარმა ტრაგედიამ მსოფლიო შეძრა. კონცერტზე მყოფი ადამიანებიდან 8 გარდაიცვალა და მრავალი დაშავდა. აუდიტორიის დიდი ნაწილი ალკოჰოლისა და ნარკოტიკების ზემოქმედების ქვეშ იმყოფებოდა, ამას ერთვოდა ზოგადი ამაღლებული განწყობა, რაც პოპულარული რეპერის, ტრევის სკოტის გამოჩენას მოჰყვა.
საბოლოო ჯამში, სცენის ჯებირებთან მდგომი ფანების ნაწილი სავალალო სიტუაციაში აღმოჩნდა.
გამოძიებას ბევრი კითხვა აქვს ფესტივალის ორგანიზატორებთან. როგორც BBC სამართალდამცველებზე დაყრდნობით წერს, ამხელა მსხვერპლი ფესტივალის არასწორად დაგეგმვას მოჰყვა.
- საიმონ ანკლიფი, რომელიც მსგავსი ტიპის ღონისძიებების გამართვის სპეციალისტია, ამბობს, რომ დამსწრე საზოგადოებას არავინ აკონტროლებდა. სცენის ბარიერები არ იყო სწორად დაპროექტებული და დაცვამაც არ შეასრულა დაკისრებული ფუნქცია. "როცა ტრაგედია ხდება, უმეტესად ეს 1 ცუდი გადაწყვეტილებით არაა გამოწვეული, როგორც წესი, რამდენიმე პატარა შეცდომის დაშვების შედეგად ხდება კატასტროფა. ამ შემთხვევაში კი ისეთი შთაბეჭდილება მრჩება, რომ ძალიან ბევრი რამ გაკეთდა არასწორად“, - ამბობს ანკლიფი.
მისივე განმარტებით, "როცა უდიტორიაში ხარ, გიჭირს შენს გარშემო რამდენიმე ადამიანის მოშორებით დაინახო, ან გაიგო რა ხდება, ამიტომ ძალიან ცუდია ინფორმაციის გადაცემის ხარისხი ხალხში. თუ ბრბო გაწვება, ისინი ვერ ხედავენ, რა ხდება მათ წინ. თუ დაეცი და ვინმე არ დაგეხმარა, ძალიან ძნელია ფეხზე წამოდგომა,. თუ შენს დასახმარებლად ვინმე დაიხარა, დიდი შანსია,რომ ისიც ადვილად წაიქცეს“.
ამგვარი სიტუაციის მოგვარება და კონტროლი ორგანიზატორებს ევალებათ. მათ არსებული პრობლემის შესახებ შემსრულებელს უნდა შეატყობინონ, მან კი უნდა შეწყვიტოს შოუ და მაყურებლის დამშვიდებას შეეცადოს.
"ასტროვორლდის" ფესტივალზე ორგანიზატორების ნაცვლად, იქ შეკრებილმა ადამიანებმა შეატყობინეს დაცვას პრობლემის შესახებ და დახმარება ითხოვეს.
რეპერ ტრევის სკოტის კონცერტებზე ბევრჯერ შექმნილა უკონტროლო სიტუაცია და მას სასამართლოშიც კი ჰქონია პრობლემები ამის გამო. 2015 წელს მას წესრიგის დაუცველობისთვის სასამართლოში უჩივლეს, რადგან ჩიკაგოში ფანებს უბიძგა დაცვისთვის ყური არ დაეგდოთ და სცენისკენ გაქცეულიყვნენ.
ორი წლის შემდეგ, ის მეორე სართულზე მდგომ ფანს არწმუნებდა, აივნიდან გადმომხტარიყო. ამავე კონცერტზე, 27 წლის ფანი მესამე სართულიდან გადმოაგდო მსმენელთა ბრბომ და ის პარალიზებული დარჩა.
2019 წლის Astroworld-ის ფესტივალზე 3 ადამიანი დაშავდა და პოლიციამ "ტვიტერზე" დაწერა, რომ ორგანიზატორებმა ღონისძიების დაგეგმვაში შეცდომები დაუშვეს.
- "როდესაც ასეთი ტიპის შემსრულებლის კონცერტია და ამგვარ სიტუაციაში ტარდება ის, დამსწრე აუდიტორიას უკონტროლო ქცევისკენ უბიძგებს“ - ასე აფასებს პროფესორი კით სტილი 2021 წლის Astroworld-ზე მომხდარ ტრაგედიას.
სცენის წინ ბარიერს მსმენელი ტრევის სკოტის სცენაზე ასვლის დროს მიაწყდა. ფესტივალზე მყოფი თინეიჯერი გოგონა სიტუაციას ასე აღწერს: "როცა ტრევის სკოტი გამოჩნდა, ვფიქრობდი, რომ ამ მომენტისთვის უნდა შევმზადებულიყავი და უბრალოდ მესუნთქა, მაგრამ იმდენად გავიჭყლიტე ყველა მხრიდან, რომ ამოსუნთქვასაც ვერ ვახერხებდი“.
თავად რეპერი მომხდარს განიცდის და "ინსტაგრამზე“ ატვირთულ ვიდეოში კონცერტის ღამეზე საუბრობს - "რამდენჯერაც შევატყვე, რომ სიტუაცია გართულდა, შოუ შევწყვიტე და ვეცადე, ფანებს დავხმარებოდი. ვერც კი წარმოვიდგინე, რომ ასეთი მძიმე სიტუაცია იყო.“
ერთ-ერთ ვიდეოში, რომელიც ფანმა კონცერტზე გადაიღო ჩანს, რომ ტრევის სკოტი ნამდვილად წყვეტს წარმოდგენას, როცა ხედავს გონებადაკარგულ ფანს და ცდილობს დახმარება აღმოუჩინოს.
თუმცა, მეორე ვიდეოჩანაწერში ის პირიქით, მუსიკის ჩართვას და შოუს გაგრძელებას ითხოვს.
ფაქტი ფაქტად რჩება, Astroworld-ი გახდა ფესტივალი, რომელსაც დიდი მსხვერპლი მოჰყვა.
მოამზადა ანა სიბოშვილმა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვერაა ეს ხალხი. ზოგს კორონა კლავს, ზოგი კონცერტზე იჭყლიტება...