მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემი მეუღლე ნახევრად სომეხი და ნახევრად ქართველია. გვყავს ერთი ბიჭი - ნიკუშა" - სად არის და რას საქმიანობს მომღერალი და კომპოზიტორი გიგა კვენეტაძე?
10:17 / 08-11-2021
მომღერალმა გიგა კვენეტაძემ საქართველო 2007 წელს დატოვა. ის ერთ-ერთია იმ მუსიკოსებს შორის, რომლებმაც კარიერა რუსეთის მეგაპოლისში გააგრძელა. 2014 წელს მუსიკოსმა ოჯახი შექმნა და ცოლად მარიანა კარამოვა მოიყვანა. წყვილს საერთო შვილი - ექვსი წლის ნიკა ჰყავს. ambebi.ge-ს გიგა კვენეტაძე ესაუბრება.
- გიგა, რა ხდება ახლა მოსკოვში, რასაც ვკითხულობთ, ძალიან მძიმე სიტუაციაა, შოუბიზნესის ვარსკვლავების ნაწილი ტოვებს ქვეყანას და დასასვენებლად სხვადასხვა კურორტებზე მიდის.
- მოსკოვში ხან გვკეტავენ, ხან ხსნიან შეზღუდვებს. ნოემბრის თვეში რამდენიმე კონცერტი გადამედო, მაგრამ რაღაცნაირად შევეგუეთ. ხვალიდან იხსნება რესტორნებიც და საკონცერტო დარბაზებიც. სამწუხაროდ, პანდემიაა და ვერაფერს იზამ. როგორც კი "ლოკდაუნი“ გამოაცხადეს, გადაჭედილი იყო აეროპორტები, ყველა სადღაც მიფრინავდა. ეს ხალხი სხვადასხვა ქვეყნიდან რომ ჩამოვა, რას ჩამოიტანენ, კაცმა არ იცის. ყველა დასასვენებლად მირბის, მათ შორის მეც, მეგობრებთან ერთად მოსკოვის გარეუბანში წავედი, ოჯახებთან ერთად იქ ვისვენებდით.
- პანდემიის დროს ჩვენთან ძალიან გაუჭირდათ შოუბიზნესის წარმომადგენლებს. დიდი ნაწილი შემოსავლის გარეშე დარჩა. მანდ რა ხდება ამ თვალსაზრისით?
- საქართველოში განსაკუთრებულად გაუჭირდა ყველას, კონცერტები არ არის, მკაცრი რეგულაციებია და დიდი ხნით დაკეტილი იყო ყველაფერი. ჩემი აზრით, არასწორი იყო სახელმწიფოს გადაწყვეტილება, ჩაეკეტათ ყველაფერი. აქ ამ მხრივ საშუალება მოგვცეს. რეგულაციების დაცვა ხდებოდა, მაგრამ რესტორნები ღია იყო. დარბაზები 50 პროცენტით ივსებოდა. ჩვენთან უფრო მარტივად არის საქმე, შოუბიზნესი არ გაჩერებულა.
- პირადად თქვენ რამდენად შეგეხოთ პანდემია, თქვენი ოჯახის წევრებმა ან ახლობლებმა თუ გადაიტანეს ვირუსი?
- მე და ჩემმა ოჯახმა მეორედ გადავიტანეთ კორონავირუსი, პირველად გასული წლის ნოემბერში დავინფიცირდით, მეორედ - ივნისში. პირველი ძალიან რთულად გადავიტანე, 12 დღე მქონდა სიცხეები. მეორედ მხოლოდ ერთი დღე მქონდა სიცხე და ამით დასრულდა.
- ოჯახი მოსკოვში შექმენით, მეუღლეზე, შვილზე, მოგვიყევით, მეუღლე მძიმე სენს ებრძოდა, რამდენიმე წლის წინ, მას ლეიკემიის დიაგნოზი დაუსვეს, ახლა როგორ გრძნობს თავს?
- ჩემი მეუღლე ნახევრად სომეხი და ნახევრად ქართველია. გვყავს ერთი ბიჭი - ნიკუშა. მარინა ჯერჯერობით დიასახლისია, ეს თავად სურს, მაგრამ დიზაინერია და მოკლე დროში გააგრძელებს თავის საქმიანობას. ნიკუშადან გამომდინარე, ჯერჯერობით კარიერის გაგრძელებაზე არ ფიქრობდა. ხშირად არ გამომდის ოჯახთან ყოფნა, მეგაპოლისში ყველას თავისი დაძაბული გრაფიკი აქვს და ეს ყველაფერი ძალიან დამღლელია. ნიკუშა მოსამზადებელ კურსზე დაგვყავს. აქ წინასწარ ერთი წლით ადრე ამზადებენ ბავშვებს, სკოლაში რომ მივა, წერა-კითხვა იცოდეს. მეუღლის ჯანმრთელობას რაც შეეხება, ეს პრობლემები გადავლახეთ და ღმერთის წყალობით მთელი ოჯახი კარგად ვართ. ჯანმრთელობა როცა არის, ყველაფერი კარგად იქნება.
- დღეს რა გაკავშირებთ საქართველოსთან, გარდა ნათესავებისა, რამდენად ხშირად ახერხებთ ჩამოსვლას. ქართველ კოლეგებთან თუ თანამშრომლობთ?
- საქართველოსთან ბევრი რამ მაკავშირებს. ზაფხულობით ვცდილობ, რომ ერთი თვით ჩამოვიდე. სამწუხაროდ, ქართული შოუბიზნესი არ მაძლევს იმის საშუალებას, რომ კონცერტებზე ჩამოვიდე, თუმცა ბოლო დროს ძალიან გავაქტიურდი და ქართულ ენაზეც ვუშვებ სიმღერებს. ჩემი ბოლო სიმღერა, "მე სიყვარული მწვავს“, ძალიან გაჰიტდა და საქართველოში რომ ჩამოვედი, რამდენიმე კორპორატიულ საღამოზე მიმიწვიეს და გამიხარდა, რომ ეს სიმღერა ხალხმა ზეპირად იცოდა. რაც შეეხება თანამშრომლობას, მომღერლები მირეკავენ და მთხოვენ ჩემი ძველი საავტორო სიმღერების განახლებას, რამდენიმე თვის წინ ნოდიკო ტატიშვილმა ჩემი ძველი სიმღერა "გულს“ განაახლა და კლიპიც კი გადაიღო, ძალიან კარგი ნამუშევარია, ვულოცავ ნოდარს. სამწუხაროდ, ახალ სიმღერებს არავინ მიკვეთავს, ალბათ ძალიან ძვირი ჯდება ეს მათთვის.
- როგორ ფიქრობთ, რომ არა მოსკოვი, როგორ განვითარდებოდა თქვენი ცხოვრება?
- 2007 წელს გადავწყვიტე, რომ საქართველოდან წამოვსულიყავი, ამერიკაში ან რუსეთში ვაპირებდი წასვლას. გული მქონდა აცრუებული იმაზე, რაც ხდებოდა ქართულ შოუბიზნესში, ანუ მაშინ უკვე აღარაფერი ხდებოდა, დღეს კიდევ უარესი მდგომარეობაა. არ ვნანობ, ამ ნაბიჯის გადადგმას. აქ ყველა მიცნობს, როგორც კარგ კომპოზიტორს და ბევრი ცნობილი რუსული შოუბიზნესის წარმომადგენელი მღერის ჩემ სიმღერებს. თავიდან რთული იყო იმ ქვეყანაში ჩამოსვლა, სადაც არავინ მიცნობდა და ვუყვარდი. პირველი ორი წელი სერიოზული დეპრესია და ნოსტალგია მქონდა. ძალიან მინდა, რომ ჩვენს ქვეყანაში დადგეს დრო, როდესაც ჩართავ ტელევიზორს და კულტურაზე ისაუბრებენ. ისეთი დამძიმებულია სიტუაცია, რომ ხალხი მხოლოდ პოლიტიკაზე ლაპარაკობს. ვინც ქვეყნიდან გავრბივართ, ლტოლვილები ვართ და ისე გამოდის, რომ ჩვენ რესურსს სხვა ქვეყანას ვახმართ. საქართველოში ვერ დაადგა საშველი, რომ დემოკრატია იყოს და არჩევნების შემდეგ მუდმივად გაყალბებაზე არ იყოს ლაპარაკი. ყველა პოლიტიკოსი აზრზე უნდა მოვიდეს და იფიქრონ ქართველ ხალხზე, ბავშვებზე, კულტურაზე და განათლებაზე.
- რამდენად პოლიტიზირებულია რუსეთში შოუბიზნესი, თქვენ თუ გიგრძვნიათ დისკომფორტი ქართველობის გამო?
- რაც მე რუსეთში ვარ, არასოდეს მიგრძვნია, რომ ქართველობის გამო მჩაგრავენ. ძალიან ბევრი ქართველი მოღვაწეობს აქ, ქეთა, სოსო, ვალერი. აქ ძალიან უყვართ ქართველები და ქართული მუსიკა. ჩემს კონცერტებზე მოსკოვში, 80 პროცენტი ეროვნებით რუსი მსმენელი მყავს და ეს ძალიან მახარებს. მინდა, ვუსურვო საქართველოს, რომ იმდენად არასაინტერესო გახდეს მათთვის პოლიტიკა, რომ დაავიწყდეთ საერთოდ. ძალიან ვნერვიულობ, სხვა ქვეყნიდან განსაკუთრებულად ემოციურია იმის ყურება, რაც დღეს ხდება ჩვენ საქართველოში. ყველა პოლიტიკოსს მოვუწოდებ, ჩაიხედეთ ქართველი კაცის გულში, რომელიც სხვა ქვეყანაშია და იქიდან უყურებს თავის ქვეყნის გასაჭირს და ყველაფერს მიხვდებით.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არასდროს გვინახავს რფ-ს ტელევიზიებში,არასდროს,ნეტავ სად მღერის?
სიმღერებს არა უშავს, მაგრამ საქართველოს დემოკრატიაზე რომ ლაპარაკობ, რუსეთში ხო ჰყვავის დემოკრატია და პიროვნების თავისუფლება. კაია ხო რესტორნებში ნაშოვნი რუბლები?