მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ზურა ამ თვეში შვილს ელოდება... რაც შეეხება მის მდგომარეობას, ოპერაციის შემდგომ რეაბილიტაციას ციხეში გადის" - რას ამბობს კახაბრიშვილი ზვიადაურზე?
18:10 / 04-11-2021
მკვლელობაში ბრალდებულ ოლიმპიურ ჩემპიონ ზურაბ ზვიადაურს რამდენიმე დღის წინ ხერხემალზე ოპერაცია გაუკეთდა. კლინიკაში გადაყვანამდე მისი ადვოკატი ამბობდა, რომ ზვიადაურს ხერხემალზე აქვს პრობლემა და დაპატიმრებამდე სამი ოპერაცია აქვს გაკეთებული.
როგორც AMBEBI.GE-სთვის გახდა ცნობილი, ოლიმპიურ ჩემპიონს ოპერაცია კლინიკა "ინოვაში" ნეიროქირურგმა გოგა ჩუტკერაშვილმა გაუკეთა, ოპერაციამ წარმატებით ჩაიარა, სპორტსმენი ამჟამად ისევ სასჯელაღსრულების დაწესებულებაში იმყოფება და რეაბილიტაციის კურსის გავლაც ციხის პირობებში მოუწევს. ჩვენ დავუკავშირდით ოლიმპიური ნაკრების ექიმს ზურაბ კახაბრიშვილს, რომელმაც ზურაბ ზვიადაური ახლახან მოინახულა.
"ზურა მოვინახულე, უკეთესადაა, ოპერაციამ კარგად ჩაიარა და 5 დღეში ისევ ციხეში გადაიყვანეს. მას პრობლემა ჰქონდა ხერხემალზე ძველი ტრავმებისა და თიაქრებიდან გამომდინარე. ახლა ზურას რეაბილიტაცია სჭირდება. ამხელა ოპერაციას რომ გაიკეთებ, მერე კუნთებს აღდგენა სჭირდება და ციხის პირობებში, ეს შეუძლებელია.
ვნახოთ, თვითონაც გააკეთებს პატარ-პატარა ვარჯიშებს და იმედია, კუნთები აღდგება. ზურა ნოემბერში ელოდება შვილს. რაც შეეხება მის ფსიქოლოგიურ და სულიერ მდგომარეობას, ზურა მომხდარს ძალიან განიცდის. ძმა რომ მოგიკვდება ადამიანს და შენც რომ ამ ტრაგედიის მონაწილე ხდები, როგორ იქნები... ვნახოთ, ახლა სასამართლო რას გადაწყვეტს. მე იმ ოჯახსაც მივუსამძიმრე. მოხდა თუ არა მკვლელობა აფექტის ნიადაგზე, ეს გამოძიებამ უნდა დაადგინოს" - ამბობს ზურაბ კახაბრიშვილი.
შეგახსენებთ, რომ ოლიმპიურ ჩემპიონს ზურაბ ზვიადაურს 27 წლის ნიკა კენჭოშვილის მკვლელობას ედავებიან. გამოძიების ინფორმაციით, წინანდლის ტყეში მომხდარი სისხლიანი გარჩევისას, სადაც სამი ადამიანი დაიღუპა, მათ შორის ზვიადაურის ძმა, ზვიად ზვიადაური, ყოფილმა სპორტსმენმა სასიკვდილოდ დაჭრა ნიკა კენჭოშვილი.
გამოძიების ვერსიით, 16 აგვისტოს, თელავის რაიონის სოფელ წინანდალში, ე.წ. მუხიანის ტერიტორიაზე, რამდენიმე პირს შორის დაწყებული ურთიერთშელაპარაკება ფიზიკურ დაპირისპირებაში გადაიზარდა, რასაც ორმხრივი სროლა მოჰყვა. ვასილ ცოცხალაშვილმა ჯაბა ჯანგირაშვილის კუთვნილი იარაღიდან ცეცხლი გახსნა, რა დროსაც დაპირისპირებაში მონაწილე ნიკა კენჭოშვილის მხრიდან საპასუხო სროლის შედეგად ცოცხალაშვილი და ზურაბ ზვიადაურის ძმა, ზვიად ზვიადაური ადგილზე გარდაიცვალნენ, ხოლო ზ.მ. დაიჭრა.
პროკურატურის ინფორმაციით, ასევე კონფლიქტში მონაწილე ზურაბ ზვიადაურმა იარაღიდან გასროლით სასიკვდილოდ დაჭრა კენჭოშვილი. ზვიადაური და ჯანგირაშვილი 17 აგვისტოს დააკავეს. ზვიადაურს 8-15 წლამდე ვადით თავისუფლების აღკვეთა ემუქრება, ხოლო ჯანგირაშვილის - 3 წლამდე პატიმრობა. ადვოკატები აცხადებენ, რომ ზვიადაური განზრახ არ მოქმედებდა და მხოლოდ აუცილებელი მოგერიების მოტივით ისროდა.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენ რომ ძალიან შორს ვართ განვითარებული საზოგადოებისგან, დღევანდელი მდგომარეობაა დასტური. ვშიმშილობთ, ქუჩაში ვკოტრიალობთ, მიშას გარეშე სიცოცხლე არ გვინდა. რადგან ზურაბიშვილმა სასტიკი უარი გამოაცხადა შეწყალებაზე, რა ლანძღვაში გახვიეს და ზვიადაურზე ხმაგაკმენდილები ვართ , აი ამიტომ აღარც ღმერთია ჩვენსკენ და აღარც ბედი.
კომბლეს და კომლესნაირებს:თქვენ როგორ მოიქცეოდით ზურას ადგილზე? თუ გულახდილად არ მიპასუხებთ, მოვიკითხავ თქვენ კეთილებს.