"კარალიოკს ვჭამდი, არ დავკვირვებივარ, ძაღლი მეგონა"- ხონში ქალს ტურა დაესხა თავს
"ფესბუქის" ერთ-ერთი მომხმარებლის, ლევან კობეშავიძის ინფორმაციით, ხონში ქალს ტურა დაესხა თავს.
კობეშავიძის მიერ სოციალურ ქსელში გამოქვეყნებულ ვიდეოში დაშავებული მოქალაქე მტაცებლის მიერ თავდასხმის დეტალებს იხსენებს.
როგორც ნანა მიქაძე ყვება, შემთხვევა დღეს, მაშინ მოხდა, როდესაც ის მეზობლისგან საკუთარ სახლში ბრუნდებოდა. მისივე თქმით, სოფელში ბევრი ტურაა და ღამით ადგილობრივებს მათი ხმა ყოველთვის ესმით, თუმცა დღის საათებში არ უნახავთ.
"კარალიოკს ვჭამდი, არ დავკვირვებივარ, ძაღლი მეგონა. ბუჩქებიდან უცებ მომიახლოვდა და დამეტაკა ტუჩებში პირდაპირ. ვერაფრით ვერ მოვაშორე და ხელები ჩავყავი, ტუჩები არ მომაგლიჯოს-მეთქი, ორივე ხელებით დავაბერტყე დაბლა და დავაჭირე ფეხი და დავიძახე-მიშველეთ! მერე ნაჯახით მოკლეს და მერე სასწრაფოც გამოვიძახეთ",- ამბობს ნანა მიქაძე