"როგორც ზურაბ ბერიძე იქცევა არაკაცური და არაქართულია... ბავშვიც წაიყვანა, ის ძიძას არის შეჩვეული" - რას ჰყვება ანასტასია შატალოვას მამა?
მოკლული ანასტასია შატალოვას მამა, რომელიც საქართველოში ცოტა ხნის წინ ჩამოვიდა ამბობს, რომ მის შვილს ბათუმის ყოფილ ვიცე-მერთან კონფლიქტი ხშირად ჰქონდა.
"კურიერთან" ინტერვიუში სერგეი შატალოვი აცხადებს, რომ ბავშვი ამჟამად ზურაბ ბერიძესთან იმყოფება, მაგრამ აპირებენ შვილიშვილის უფლებებისთვის იბრძოლონ.
"ზურას არ დაურეკავს ჩვენთვის, არც სამძიმარი უთქვამს... ბავშვი წაიყვანა და ჩვენ აუცილებლად ვიბრძოლებთ ამ ბავშვის უფლებებისთვის. მამას არ ნახულობდა, ძიძას არის შეჩვეული. ბავშვის ინტერესებიდან გამომდინარე მის წაყვანას რუსეთში არ ვაპირებთ, აქ გვინდა ის გაიზარდოს. მაპატიონ ქართველებმა, მაგრამ როგორც ბავშვის მამა იქცევა არაკაცური და არაქართულია" - ამბობს მოკლულის მამა.
ცნობისთვის, ანასტასია შატალოვა თბილისში ორი დღის წინ მოკლეს. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. საქართველოს შინაგან საქმეთა სამინისტროს ინფორმაციით, განზრახ მკვლელობის ფაქტზე დაკავებულია 3 პირი.