ბა­თუმ­ში, 26 მა­ი­სის ქუ­ჩა­ზე სა­ცხოვ­რე­ბე­ლი კორ­პუ­სის ჩა­მონ­გრე­ვი­სას ცხრა ადა­მი­ა­ნი გარ­და­იც­ვა­ლა, მათ შო­რის იყო სამი არას­რულ­წლო­ვა­ნი. ნგრე­ვას გა­და­ურ­ჩა და მძი­მედ და­შავ­და 37 წლის მა­მა­კა­ცი, რო­მე­ლიც ამ დრომ­დე კლი­ნი­კის რე­ა­ნი­მა­ცი­ულ გან­ყო­ფი­ლე­ბა­ში რჩე­ბა, თუმ­ცა მე­დი­კოს­თა თქმით, მის სი­ცო­ცხლეს საფრ­თხე აღარ ემუქ­რე­ბა.

სა­მარ­თალ­დამ­ცა­ვებ­მა ნგრე­ვის სა­ვა­რა­უ­დო მი­ზე­ზად კორ­პუ­სის პირ­ველ სარ­თულ­ზე მიმ­დი­ნა­რე სა­რე­მონ­ტო სა­მუ­შა­ო­ე­ბი მი­იჩ­ნი­ეს და მომ­ხდა­რი­დან რამ­დე­ნი­მე სა­ათ­ში სამი პირი და­ა­კა­ვეს: პირ­ველ სარ­თულ­ზე არ­სე­ბუ­ლი ბი­ნის მე­სა­კუთ­რე ზაურ ბუ­და­გო­ვი და მის მიერ და­ქი­რა­ვე­ბუ­ლი ორი მუშა, მამა-შვი­ლი ჰუ­სე­ინ და გი­ორ­გი სურ­მა­ნი­ძე­ები. სა­მი­ვე მათ­განს აღ­კვე­თის ღო­ნის­ძი­ე­ბის სა­ხით პა­ტიმ­რო­ბა შე­ე­ფარ­და. მათ ბრა­ლი სის­ხლის სა­მარ­თლის კო­დექ­სის 240-ე მუხ­ლის მე­ო­რე ნა­წი­ლით ედე­ბათ, რაც მო­სა­მარ­თლის გან­მარ­ტე­ბით, შიდა პა­ტიმ­რო­ბას ან ორი­დან ხუთ წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს. დაც­ვის მხა­რის ინ­ფორ­მა­ცი­ით, ბრალ­დე­ბულ­თა წრე, სა­ვა­რა­უ­დოდ, გა­ფარ­თოვ­დე­ბა.

ზაურ ბუ­და­გო­ვის ად­ვო­კა­ტის, რა­მინ პა­პი­ძის ინ­ფორ­მა­ცი­ით, შე­საძ­ლოა, გან­სას­ჯე­ლის სკამ­ზე აღ­მოჩ­ნდეს პირი, რო­მელ­მაც ტრა­გე­დი­ი­სას ოჯა­ხის წევ­რი და­კარ­გა.

თუმ­ცა, ბუ­ნებ­რი­ვად, ის­მის კი­თხვე­ბი:

• მხო­ლოდ რი­გი­თი მო­ქა­ლა­ქე­ე­ბის პა­სუ­ხის­მგებ­ლო­ბა იკ­ვე­თე­ბა მომ­ხდარ­ში?
• რა რე­გუ­ლა­ცი­ე­ბი აქვს მსგავ­სი სამ­შე­ნებ­ლო სა­მუ­შა­ო­ე­ბის დროს სა­ხელ­მწი­ფოს?
• გვე­ვა­ლე­ბა თუ არა ნე­ბარ­თვის აღე­ბა და ვინ უნდა გას­წი­ოს ზე­დამ­ხედ­ვე­ლო­ბა?

ასევე დაგაინტერესებთ

11:40 / 11-10-2021

"მაბრალებენ ყველაფერს" - ბათუმში,  კორპუსის ჩამონგრევის საქმეზე დაკავებული მუშა

12:07 / 12-10-2021

"დღითიდღე უმჯობესდება" - როგორია ბათუმში,  კორპუსის ჩამონგრევის შედეგად დაშავებული მამაკაცის ჯანმრთელობის მდგომარეობა

12:55 / 12-10-2021

ემოციური კადრები ბათუმიდან - მეხანძრე-მაშველებმა  ტრაგედიის შედეგად გარდაცვლილთა ოჯახებს მიუსამძიმრეს

გა­დავ­წყვი­ტეთ, მომ­ხდა­რი ტრა­გე­დი­ის ჭრილ­ში გვე­პო­ვა ამ კი­თხვებ­ზე პა­სუ­ხი, თუმ­ცა ეს არც ისე ად­ვი­ლი აღ­მოჩ­ნდა. სა­ხელ­მწი­ფო მსგავს ვი­თა­რე­ბა­ში, რო­გორც აღ­მოჩ­ნდა, დიდ­წი­ლად თა­მა­შ­გა­რე მდგო­მა­რე­ო­ბა­შია...

• რა სა­მუ­შა­ო­ე­ბი მიმ­დი­ნა­რე­ობ­და ტრა­გე­დი­ის ად­გი­ლას?

26 მა­ი­სის ქუ­ჩის 13 ნო­მერ­ში სა­ცხოვ­რე­ბე­ლი კორ­პუ­სი 1978 წელს აშენ­და. თავ­და­პირ­ვე­ლი პრო­ექ­ტის მი­ხედ­ვით, შე­ნო­ბა 5 - სარ­თუ­ლი­ა­ნი უნდა ყო­ფი­ლი­ყო. თუმ­ცა მშე­ნებ­ლო­ბის დროს­ვე პრო­ექტს მე­ექ­ვსე სარ­თუ­ლი და­ა­მა­ტეს. 2000-იან წლებ­ში კი სახ­ლს კი­დევ ერთი სარ­თუ­ლი და­ა­შე­ნეს. რამ­დე­ნი­მე წლის წინ სა­დარ­ბა­ზოს ლიფ­ტის კონ­სტრუქ­ცი­აც მი­ად­გეს. შე­ნო­ბის პირ­ველ სარ­თულ­ზე არ­სე­ბუ­ლი ბი­ნე­ბის მე­სა­კუთ­რე ზაურ ბუ­და­გო­ვი მის სა­კუთ­რე­ბა­ში არ­სე­ბუ­ლი ორი ფარ­თო­ბის გა­ერ­თი­ა­ნე­ბის მიზ­ნით სა­რე­მონ­ტო სა­მუ­შა­ო­ებს აწარ­მო­ებ­და. ეს, სა­ხელ­მწი­ფო ბრალ­დე­ბის ვერ­სი­ით, იყო სარ­და­ფი და ბინა. ხოლო ბრალ­დე­ბუ­ლი ამ­ბობს, რომ საქ­მე არა სარ­დაფს, არამ­დე პირ­ველ სარ­თულ­ზე ორი ბი­ნის ერთ სივ­რცედ გა­დაქ­ცე­ვას შე­ე­ხე­ბო­და. ბუ­და­გო­ვი ამ­ბობს, რომ კო­მერ­ცი­უ­ლი ფარ­თის გა­კე­თე­ბა სურ­და.

გარ­და ამი­სა, რო­გორც ბუ­და­გო­ვის ად­ვო­კა­ტი გვე­უბ­ნე­ბა, კორ­პუ­სის სი­ახ­ლო­ვეს მუ­შა­ობ­და მძი­მე ტექ­ნი­კა, რის გა­მოც მცხოვ­რებ­ლებს ვიბ­რა­ცია აწუ­ხებ­დათ.

"იქვე ახ­ლოს მიმ­დი­ნა­რე­ობ­და გზის სა­ფა­რის და­გე­ბა და კორ­პუ­სის უკან ეზო­ში აშე­ნებ­დნენ შე­ნო­ბას", - ამ­ბობს რა­მინ პა­პი­ძე.

• ვინ არის პა­სუ­ხის­მგე­ბე­ლი მომ­ხდარ­ზე?

ის, რომ ამ მას­შტა­ბის ტრა­გე­დი­ა­ზე სა­მარ­თლის აღ­სრუ­ლე­ბა რამ­დე­ნი­მე პი­რის და­კა­ვე­ბით ვერ შე­მო­ი­ფარ­გლე­ბა, იმ­თა­ვით­ვე გა­მო­იკ­ვე­თა. ამ დრო­ის­თვის ხელ­მი­საწ­ვდო­მი მა­სა­ლე­ბი­დან იკ­ვე­თე­ბა, რომ მო­სა­ლოდ­ნე­ლი ტრა­გე­დი­ის შე­სა­ხებ ინ­ფორ­მა­ცია ჰქონ­და საკ­მა­ოდ ბევ­რს, ვი­საც შე­ეძ­ლო ეფექ­ტი­ა­ნი რე­ა­გი­რე­ბა მო­ეხ­დი­ნა და ტრა­გე­დი­ის თა­ვი­დან აცი­ლე­ბა­ში გარ­კვე­უ­ლი წვლი­ლი შე­ე­ტა­ნა.

• რო­გო­რია სა­ზო­გა­დო­ე­ბის პა­სუ­ხის­მგებ­ლო­ბა ბა­თუ­მის ტრა­გე­დი­ა­ზე

26 მა­ი­სის 13 ნო­მერ­ში მცხოვ­რე­ბი პირი "რა­დიო თა­ვი­სუფ­ლე­ბას“ ეუბ­ნე­ბა, რომ მე­ზობ­ლებ­მა იცოდ­ნენ, თუ რაც ხდე­ბო­და პირ­ველ სარ­თულ­ზე, მე­ტიც, ამის გამო ბუ­და­გოვ­თან შე­ლა­პა­რა­კე­ბაც კი მო­უ­ვი­დათ. ნგრე­ვი­სას გარ­დაც­ვლი­ლი 43 წლის მაია შო­მა­ხი­ას ოჯა­ხის წევ­რი კი აცხა­დებს:

"რომ ვუ­რე­კავ­დი, ჩემი რძა­ლი მე­უბ­ნე­ბო­და, გა­მო­ა­ცა­ლეს ყვე­ლა­ფე­რი, დაგ­ვემ­ხო­ბა სახ­ლი, ჩავ­ვარ­დე­ბით ქვე­ვი­თო და ასეც მოხ­და".

"თუკი კორ­პუ­სის მცხოვ­რებ­ლებ­მა იცოდ­ნენ, რა საფრ­თხეც ელო­დათ, მაშ, რა­ტომ არ გა­მო­ი­ჩი­ნეს უფრო მეტი სიფრ­თხი­ლე და წინ­და­ხე­დუ­ლე­ბა?! რა­ტომ არ ატე­ხეს გან­გა­ში ?! „ეს იყო ჩა­კე­ტილ სივ­რცე­ში მიმ­დი­ნა­რე სა­რე­მონ­ტო სა­მუ­შა­ო­ე­ბი. ამ შემ­თხვე­ვა­ში ინ­ფორ­მა­ცი­ის ნა­კა­დი შე­ზღუ­დუ­ლი იქ­ნე­ბო­და. სა­ხელ­მწი­ფოს სა­ი­დან უნდა გა­ე­გო ეს, თუ ვინ­მემ არ შე­ა­ტყო­ბი­ნა. პირ­ველ რიგ­ში, ეს მე­სა­კუთ­რეს უნდა გა­ე­კე­თე­ბი­ნა, შემ­დეგ კი მე­ზობ­ლებს. თუ მათ იცოდ­ნენ, არ უნდა წა­ეყ­რუ­ე­ბი­ნათ ამ პრობ­ლე­მის­თვის", - ეუბ­ნე­ბა ambebi.ge -ს სა­მარ­თლის დოქ­ტო­რი კობა ყა­ლი­ჩა­ვა.

• რო­გო­რია სა­ხელ­მწი­ფო უწყე­ბე­ბის პა­სუ­ხის­მგებ­ლო­ბა?

2021 წლის 4 ოქ­ტომ­ბერს 26 მა­ი­სის ქუ­ჩა­ზე სარ­და­ფი­სა და ბი­ნის გა­ერ­თი­ა­ნე­ბის მო­თხოვ­ნით ზაურ ბუ­და­გოვ­მა სა­ჯა­რო რე­ესტრს მი­მარ­თა და 26 მა­ი­სის ქუ­ჩის 13 ნო­მერ­ში მდე­ბა­რე კორ­პუ­სის სარ­და­ფის, რო­გორც უძ­რა­ვი ნივ­თის რე­გის­ტრი­რე­ბულ უფ­ლე­ბა­ში ცვლი­ლე­ბის რე­გის­ტრა­ცია მო­ი­თხო­ვა. სა­ჯა­რო რე­ესტრმა სა­რე­გის­ტრა­ციო წარ­მო­ე­ბა 8 ოქ­ტომ­ბერს, 18:33 სა­ათ­ზე, ანუ მას შემ­დეგ შე­ა­ჩე­რა, როცა კორ­პუ­სი უკვე ჩა­მონ­გრე­უ­ლი იყო. უწყე­ბამ ბუ­და­ტოვს კორ­პუ­სის პირ­ველ სარ­თულ­ზე მდე­ბა­რე ბი­ნი­სა და სარ­და­ფის გა­ერ­თი­ა­ნე­ბის შიდა აზომ­ვი­თი ნა­ხა­ზი მოს­თხო­ვა.

გარ­და ამი­სა, სა­ჯა­რო რე­ესტრი მი­უ­თი­თებს ბი­ნათ­მე­სა­კუთ­რე­თა ამ­ხა­ნა­გო­ბის შე­სა­ხებ კა­ნონ­ზე და ამ­ბობს, რომ ამ­ხა­ნა­გო­ბის წევ­რე­ბის სა­ერ­თო ქო­ნე­ბის ისე­თი გან­ვი­თა­რე­ბა, რო­მე­ლიც მნიშ­ვნე­ლოვ­ნად ცვლის ამ ქო­ნე­ბას და გავ­ლე­ნას ახ­დენს სხვა ბი­ნის მე­სა­კუთ­რე­თა მიერ სა­ერ­თო ქო­ნე­ბის გა­მო­ყე­ნე­ბა­ზე, ხორ­ცი­ელ­დე­ბა ამ­ხა­ნა­გო­ბის ყვე­ლა წევ­რის მიერ ერ­თხმად მი­ღე­ბუ­ლი გა­და­წყვე­ტი­ლე­ბის სა­ფუძ­ველ­ზე. რო­გორც ჩანს, ბუ­და­გოვს ყვე­ლას თან­ხმო­ბა არ ჰქონ­და.

ჩა­მონ­გრე­უ­ლი სა­დარ­ბა­ზოს მე­ზობ­ლად მცხოვ­რებ­თა მო­ნა­ყო­ლით ირ­კვე­ვა, რომ 13 ნო­მერ­ში სა­რე­მონ­ტო სა­მუ­შა­ო­ე­ბი ჩა­მონ­გრე­ვამ­დე და­ახ­ლო­ე­ბით ერთი კვი­რით ადრე და­ი­წყო. სა­ჯა­რო რე­ესტრის ეროვ­ნუ­ლი სა­ა­გენ­ტო აცხა­დებს, რომ არ და­ურ­ღვე­ვია გა­ნა­ცხა­დის გან­ხილ­ვის­თვის კა­ნო­ნით დად­გე­ნი­ლი ვადა, ხოლო ფარ­თე­ბის გა­ერ­თი­ა­ნე­ბის სამ­შე­ნებ­ლო სა­მუ­შა­ო­ებ­ზე ნე­ბარ­თვის გა­ცე­მა მისი კომ­პე­ტენ­ცია არ არის.

ამ­გვა­რად, სა­ჯა­რო რე­ესტრის პო­ზი­ცი­ით, უწყე­ბას მომ­ხდარ­ზე არა­ნა­ი­რი პა­სუ­ხის­მგებ­ლო­ბა არ ეკის­რე­ბა.

სხვაგ­ვა­რად ფიქ­რობს კობა ყა­ლი­ჩა­ვა. მისი შე­ფა­სე­ბით, უწყე­ბას ტრა­გე­დი­ა­ზე პირ­და­პი­რი თუ არა, ირი­ბი პა­სუ­ხის­მგებ­ლო­ბა მა­ინც ეკის­რე­ბა.

"მარ­თა­ლია, სა­ჯა­რო რე­ესტრი ამ შემ­თხვე­ვა­ში ნე­ბარ­თვის გამ­ცე­მი ორ­გა­ნო არ არის, მაგ­რამ რო­დე­საც სა­ხელ­მწი­ფო უწყე­ბა­ში შე­დის გან­ცხა­დე­ბა, რო­მე­ლიც მას ინ­ფორ­მა­ცი­ას აწ­ვდის გარ­კვე­უ­ლი საფრ­თხის­შემ­ცვე­ლი სამ­შე­ნებ­ლო სა­მუ­შა­ო­ე­ბის შე­სა­ხებ, უწყე­ბამ ეს ინ­ფორ­მა­ცია უნდა გა­და­აგ­ზავ­ნოს სხვა უფ­ლე­ბა­მო­სილ ორ­გა­ნო­ში, ამ შემ­თხვე­ვა­ში ად­გი­ლობ­რივ თვით­მარ­თვე­ლო­ბა­ში. ეს კა­ნონ­მდებ­ლო­ბა­ში გვი­წე­რია", - ეუბ­ნე­ბა ambebi.ge- ს კობა ყა­ლი­ჩა­ვა. ჩვე­ნი რეს­პონ­დენ­ტი კი­დევ ერთ სა­ინ­ტე­რე­სო დე­ტალ­ზე ამახ­ვი­ლებს ყუ­რა­დღე­ბას.

მისი თქმით, 2018 წელს, რო­დე­საც სამ­შე­ნებ­ლო კო­დექსში ცვლი­ლე­ბე­ბი შე­დი­ო­და, წარ­დგე­ნი­ლი იყო კა­ნონპ­რო­ექ­ტი, რომ­ლის მი­ხედ­ვი­თაც შე­ნო­ბა­ში შიდა სამ­შე­ნებ­ლო სა­მუ­შა­ო­ე­ბის ჩა­ტა­რე­ბა­ზე ნე­ბარ­თვის აღე­ბა უნდა გამ­ხდა­რი­ყო სა­ჭი­რო. თუმ­ცა გა­ურ­კვე­ვე­ლი მი­ზე­ზე­ბის გამო, პარ­ლა­მენ­ტმა ეს ცვლი­ლე­ბა არ და­ამ­ტკი­ცა.

"მე გახ­ლდით სწო­რედ იმ კა­ნონპ­რო­ექ­ტის ერთ-ერთი ავ­ტო­რი, რომ­ლი­თაც სა­ჯა­რო რე­ესტრის შე­სა­ხებ პრი­მა მუხ­ლი უნდა შექ­მნი­ლი­ყო. აღ­ნიშ­ნუ­ლი რე­გუ­ლა­ცი­ის მი­ხედ­ვით, თუ შე­ნო­ბა­ში მოხ­დე­ბო­და ერთი პი­რის სა­კუთ­რე­ბა­ში არ­სე­ბუ­ლი შე­ნო­ბა-ნა­გე­ბო­ბე­ბის გა­ერ­თი­ა­ნე­ბა, შიდა სამ­შე­ნებ­ლო სა­მუ­შა­ო­ე­ბი, ამა­ზე ნე­ბარ­თვა სა­ჯა­რო რე­ესტრს უნდა გა­ე­ცა. ეს ცვლი­ლე­ბა რომ დამ­ტკი­ცე­ბუ­ლი­ყო, ალ­ბათ დღეს ასე­თი შე­დე­გი არ იქ­ნე­ბო­და“, - გვე­უბ­ნე­ბა კობა ყა­ლი­ჩა­ვა. რო­გო­რია ამ­ხა­ნა­გო­ბის პა­სუ­ხის­მგებ­ლო­ბა - რო­გორც კობა ყა­ლი­ჩა­ვა გვიხ­სნის, მოქ­მე­დი კა­ნონ­მდებ­ლო­ბა (კა­ნო­ნი ამ­ხა­ნა­გო­ბი­სა და ბი­ნათ­მე­სა­კუთ­რე­ო­ბის შე­სა­ხებ) კორ­პუ­სის ამ­ხა­ნა­გო­ბას რა­ი­მე მნიშ­ვნე­ლო­ვან პა­სუ­ხის­მგებ­ლო­ბებს არ აკის­რებს. სპე­ცი­ა­ლის­ტის შე­ფა­სე­ბით, ამ­ხა­ნა­გო­ბის ფუნ­ქცია-მო­ვა­ლე­ო­ბე­ბი უფრო ფორ­მა­ლურ ხა­სი­ათს ატა­რებს, ვიდ­რე ქმე­დითს.

"ჩვენ არ გვყავს ძლი­ე­რი ამ­ხა­ნა­გო­ბე­ბი, ეს ინ­სტი­ტუ­ცია მყი­ფეა და მხო­ლოდ ფორ­მა­ლუ­რი ფუნ­ქცი­ე­ბით შე­მო­ი­ფარ­გლე­ბა. ევ­რო­პულ გა­მოც­დი­ლე­ბას თუ შევ­ხე­დავთ, იქ ამ­ხა­ნა­გო­ბე­ბის ინ­სტი­ტუ­ტი ძა­ლი­ან ძლი­ე­რია და თვითმყო­ფა­დად, ფუნ­ქცი­უ­რად, გა­მარ­თუ­ლად მუ­შა­ობს", - ამ­ბობს ყა­ლი­ჩა­ვა.

• რო­გო­რია ად­გი­ლობ­რი­ვი ხე­ლი­სუფ­ლე­ბის პა­სუ­ხის­მგებ­ლო­ბა?

ბა­თუ­მის მე­რი­ის გან­ცხა­დე­ბით, ჩა­მონ­გრე­უ­ლი კორ­პუ­სის მდგრა­დო­ბას­თან და­კავ­ში­რე­ბით ბოლო პე­რი­ოდ­ში მე­რი­ა­ში გან­ცხა­დე­ბა არ შე­მო­სუ­ლა. უწყე­ბის ინ­ფორ­მა­ცი­ით, კორ­პუ­სი სა­ცხოვ­რებ­ლად ვარ­გი­სი იყო. ხოლო რაც შე­ე­ხე­ბა, პირ­ველ სარ­თულ­ზე მიმ­დი­ნა­რე სა­მუ­შა­ო­ებს, მათ­თვის ამის შე­სა­ხებ ინ­ფორ­მა­ცია არა­ვის მი­უ­წო­დე­ბია.

"ის, რომ მე­რი­ას ასე­თი ფუნ­ქცია არ გა­აჩ­ნია, სა­ხელ­მწი­ფოს არ ათა­ვი­სუფ­ლებს პა­სუ­ხის­მგებ­ლო­ბის­გან - გვე­უბ­ნე­ბა არ­ქი­ტექ­ტუ­რის დოქ­ტო­რი მა­მუ­კა სა­ლუქ­ვა­ძე.

"ეს მო­ქა­ლა­ქე­ე­ბის პრობ­ლე­მა არ არის, ეს სა­ხელ­მწი­ფოს პრობ­ლე­მაა. ხომ შე­იძ­ლე­ბა უცო­დინ­რო­ბით მო­უ­ვი­დეს ადა­მი­ანს და შე­ე­ხოს მზიდ და საყ­რდენ კედ­ლებს?! ასეთ დროს სა­ვალ­დე­ბუ­ლო უნდა იყოს მე­რი­ის­გან ნე­ბარ­თვა, რათა უწყე­ბამ შე­ა­ფა­სოს უსაფრ­თხო­ე­ბის ნორ­მე­ბი. მა­გა­ლი­თად, მი­ვი­დეს უფ­ლე­ბა­მო­სი­ლი პირი და ად­გილ­ზე და­ათ­ვა­ლი­ე­როს რამ­დე­ნად უსაფრ­თხოა ის, რა­საც მო­ქა­ლა­ქე გეგ­მავს... მოკ­ლედ, ნე­ბარ­თვა სა­ვალ­დე­ბუ­ლო უნდა იყოს, მაგ­რამ არ არის..." - ამ­ბობს სა­ლუქ­ვა­ძე.

მომ­ხდა­რის შემ­დეგ ირაკ­ლი ღა­რი­ბაშ­ვილ­მა გა­ნა­ცხა­და, რომ იგეგ­მე­ბა სამ­შე­ნებ­ლო სა­მუ­შა­ო­ებ­ზე ნე­ბარ­თვის გა­ცე­მის პი­რო­ბე­ბის გამ­კაც­რე­ბა.

"ეს ძა­ლი­ან კარ­გია, მაგ­რამ არა­საკ­მა­რი­სი", - ფიქ­რობს მა­მუ­კა სა­ლუქ­ვა­ძე.

სპე­ცი­ა­ლის­ტის გან­მარ­ტე­ბით, გა­სა­ტა­რე­ბე­ლია მთე­ლი რიგი რე­ფორ­მე­ბი, რათა სა­ხელ­მწი­ფომ ტრა­გე­დი­ე­ბის პრე­ვენ­ცია შეძ­ლოს და მხო­ლოდ შე­დე­გე­ბის ლიკ­ვი­და­ცი­ით არ იყოს და­კა­ვე­ბუ­ლი.