მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
ხუთშაბათი, მთვარის მეთორმეტე დღე დაიწყება 16:43-ზე, მთვარე სასწორში გადავა 11:07
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვალერი გელაშვილის ცემის, გაფლანგვისა და "იმედის" საქმეებზე საერთაშორისო ექსპერტების დასკვნით, მტკიცებულებები საკმარისი იყო სააკაშვილის მიმართ სამართლებრივი დევნის დასაწყებად - პროკურორი
12:22 / 10-10-2021
ვალერი გელაშვილის ცემის, გაფლანგვისა და „ტელეიმედის“ საქმეებზე საერთაშორისო ექსპერტების დასკვნით, მტკიცებულებები ქმნიდა საკმარის სტანდარტს მიხეილ სააკაშვილის მიმართ სისხლისსამართლებრივი დევნის დასაწყებად. ამის შესახებ გენერალური პროკურატურის საგამოძიებო ნაწილის საპროკურორო ზედამხედველობის სამმართველოს უფროსმა ლაშა ცქვიტარიამ გაზეთ „კვირის პალიტრას“ განუცხადა.
მისი ინფორმაციით, საქართველოს ყოფილი პრეზიდენტის მიხეილ სააკაშვილის წინააღმდეგ აღძრულ საქმეებზე ექსპერტების რანგში მოწვეულები იყვნენ აშშ-ს იუსტიციის დეპარტამენტის ორგანიზებული დანაშაულისა და რეკეტის განყოფილების ყოფილი უფროსი პოლ კოფი, ისრაელის ყოფილი სახელმწიფო პროკურორი მოშე ლადორი და იუგოსლავიის საერთაშორისო სისხლის სამართლის ტრიბუნალის მთავარი პროკურორის მოადგილე სერ ჯეფრი ნაისი, რომელიც ჰააგის ტრიბუნალში იუგოსლავიის ყოფილი პრეზიდენტის სლობოდან მილოშევიჩის საქმეს უძღვებოდა და ასევე, დიდი ბრიტანეთის დედოფლის ადვოკატია.
მისი ინფორმაციით, სისხლისსამართლებრივ საქმეებში უცხოელი ექსპერტების ჩართვა განაპირობა მაღალმა საზოგადოებრივმა ინტერესმა როგორც ქვეყნის შიდა, ისე საერთაშორისო დონეზე.
„პროკურატურისთვის, როგორც სრულყოფილი და ობიექტური გამოძიების ნეიტრალური გარანტისთვის, მნიშვნელოვანი იყო უდიდესი საერთაშორისო გამოცდილების მქონე ექსპერტების შეფასება მიმდინარე გამოძიების თაობაზე, მათი თვალით დანახული პერიპეტიები. საერთაშორისო ექსპერტების დასკვნები სამივე საქმეზე ცალ-ცალკე გაიცა. მათი შეფასებითაც სამივე სისხლის სამართლის საქმეში არსებული მტკიცებულებები ქმნიდა მტკიცებულებათა საკმარის სტანდარტს მიხეილ სააკაშვილისა და სხვა პირთა მიმართ სისხლისსამართლებრივი დევნის დასაწყებად და, რაც მთავარია, საქმის სასამართლოში წარსადგენად. ექსპერტთა მიერ საქართველოში დაიგეგმა არაერთი ვიზიტი. 2014-15 წლებში ხსენებული ექსპერტები დეტალურად გაეცნენ ყველა სისხლის სამართლის საქმის მასალას. ამ მასალებსა და მტკიცებულებებზე დაყრდნობით გასცეს ის დასკვნა, რომელზეც ჩვენ ვსაუბრობთ“, - განუცხადა ცქვიტარიამ „კვირის პალიტრას“.
მისი მტკიცებით, ექსპერტების შეფასებით გამოძიება ჩატარდა უმაღლეს პროფესიონალურ დონეზე და კეთილსინდისიერად.
„მათივე შეფასებით გამოძიება იყო ნეიტრალური და ემსახურებოდა მხოლოდ და მხოლოდ ჭეშმარიტების დადგენას. მათ პირდაპირ ჩაწერეს საკუთარ დასკვნებში, რომ საქმის გამომძიებელთა გულწრფელმა და პატიოსანმა თანამშრომლობამ მოახდინა მათზე უდიდესი შთაბეჭდილება. შეისწავლეს როგორც მტკიცებულებები, ასევე გააანალიზეს საქართველოს კანონმდებლობა და სწორედ ამ გამოკვლევებზე დაყრდნობით სამივე საქმეზე მოგვცეს რეკომენდაცია. ეს ბრალდებები იყო მტკიცებულებებით გაჯერებული, საქმე სასამართლოში გაგრძელებულიყო. ასევე მნიშვნელოვანია დასკვნა, რაც გაფლანგვის ნაწილში წაყენებულ ბრალს ეხება, სადაც 9 მილიონზე ვსაუბრობთ. ამ ექსპერტებმა სააკაშვილის მიერ ჩამოყალიბებულ სქემას, შენიღბვის იმ გზას, რასაც ის საკუთარი კეთილდღეობისთვის მიმართავდა, კორუმპირებული და დანაშაულებრივი უწოდეს”, - განუცხადა ლაშა ცქვიტარიამ „კვირის პალიტრას“.
მიხეილ სააკაშვილის საქმეების პროკურორთან ინტერვიუს სრულ ვერსია გამოქვეყნდება „კვირის პალიტრის“ 11 ოქტომბრის ნომერში.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართული ოცნების მიერ ---არჩევნების გაყალბება, მასიური მოსმენები, კორუფცია, ნეპოტიზმი, საგარეო ვალების (26 მილიარდი) გაქრობა, ფარცხალაძის დანაშაულობების კასკადი, ქონებებისა და ბიზნესის წართმევები .. ადამიანის უფლებების იგნორირება.. , კონსტიტუციის იგნორირება , შერჩევითი სამართალი.. ახალგაზრდების ტერორი ( სიუჟეტები გაიხსენეთ ) ახალგაზრდების განათლების დაბლოკვა ( სტატუსების შეჩერება).....ქვეყნის საგარეო კურსის შებრუნება რუსეთისაკენ ....მოსახლეობის გაწირვებაში ჩაგდება და ფაქტიურად განდევნა საძღვარგარეთ .... ესაა მცირე სია დანაშაულობების რა ქვია ამას ....ამაზე უარესი ალბათ ხალხის ჩამოხჩობაა პირდაპირ..
ძირს ტირანია! ძირს დიქტატურა ! ძირს მონობა !ძირს ძალადობა ! გაუმარჯოს დემოკრატიას ! გაუმარჯოს დასავლეთს ! გაუმარჯოს ახალგზრდობის პერსპექტივებს ! გაუმარჯოს თავისუფალ საქართველოს! გაუმარჯოს ცისკარას რომელიც იხსნის საქრთველოს !!