მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
100 წლის ნაცისტის სასამართლო გერმანიაში, რომელსაც ბრალად 3 500 ადამიანის მკვლელობა ედება - საკონცენტრაციო ბანაკის სისასტიკე და სამართალი 76 წლის შემდეგ
10:55 / 08-10-2021
ადამიანების დიდი ნაწილი, რომლებმაც მეორე მსოფლიო ომის დროს წარმოუდგენელი სისატიკე ჩაიდინეს, რომლებიც უშუალოდ მონაწილეობდნენ საკონცენტრაციო ბანაკებში სხვადასხვა ნიშნით დატყვევებული მოქალაქეების დახოცვაში, დაუსჯელი დარჩა, თუმცა არიან ისეთებიც, რომლებსაც მოუწიათ მართლმსაჯულების წინაშე წარდგომა.
ახლა ერთ-ერთ ასეთ შემთხვევაზე გიყვებით - მეორე მსოფლიო ომიდან 76 წლის შემდეგ, გერმანიაში საკონცენტრაციო ბანაკის ბადრაგს ასამართლებენ. მას ბერლინთან ახლოს, ზაქსენჰაუზენის საკონცენტრაციო ბანაკში 3 515 ადამიანის მკვლელობაში დახმარების გაწევას ედავებიან.
მედია არ ასახელებს ბრალდებულის გვარს და მას ჟოზეფ ს-დ მოიხსენიებენ, ამით კი იცავენ კონფიდენციალობის კანონს, რომელიც გერმანიაში ამგვარი ბრალდების დროს მოქმედებს. აღსანიშნავია, რომ მამაკაცი 101 წელსაა მიღწეული და ის არის ყველაზე ხანდაზმული ადამიანი, რომელსაც მეორე მსოფლიო ომის დროს ჩადენილი სისასტიკისთვის ასამართლებენ.
როგორც BBC-ი წერს, ჟოზეფ ს-ს ბრალად ედება საბჭოთა ტყვეების დახვრეტა და ზოგიერთი მათგანის გაგუდვა მხუთავი აირით.
მედიამ ჟოზეფ ს-სთვის ფოტოს გადაღება ვერ შეძლო, რადგანაც სასამართლოზე მას სახეზე ცისფერი ფაილი ჰქონდა აფარებული, ისე რომ შეუძლებელი იყო ფოტოგრაფებისთვის მისი სახის აღბეჭდვა.
როგორც ცნობილია, ჟოზეფი წლების განმავლობაში ბრანდერბურგში ცხოვრობდა, ბრალდებულის ადვოკატის თქმით, პროცესზე მას არაფერი უთქვამს, თუმცა მომდევნო სხდომაზე აპირებს საუბარს. ადვოკატი სტეფან უოთერკამპი აცხადებს, რომ ჟოზეფი არ გააკეთებს კომენტარს წაყენებულ ბრალდებებზე, თუმცა ისაუბრებს "პირად გარემოებებზე", რომელიც იმ პერიოდში ჰქონდა.
პროკურორ კირილ კლემენტის თქმით კი, ადამიანების მკვლელობას 1941-1945 წლებში ზაქსენჰაუზენში სისტემატური ხასიათი ჰქონდა. "ბრალდებული ყოველივეს მხარს უჭერდა საკუთარი ნებით და სურვილით. მან შესანიშნავად იცოდა, რას აკეთებდა. ის კარგად იყო ინტეგრირებული "სასტიკ რეჟიმთან", - განაცხადა პროკურორმა.
ჟოზეფი 21 წლის იყო, როდესაც ზაქსენჰაუზენის ბადრაგი გახდა. ჩადენილი სისასტიკიდან ძალიან გვიან, თუმცა მაინც მოუწევს სასამართლოსთვის პასუხის გაცემა, ხანგრძლივ სხდომებზე დასწრება. მედიაში წერენ, რომ სასამართლო სავარაუდოდ, იანვრამდე გაგრძელდება.
ცნობისთვის, ნაცისტების უმეტესობა, რომლებიც ადამიანების მკვლელობაში იყვნენ ჩართულნი და ასობით ადამიანს კლავდნენ საკონცენტრაციო ბანაკებში, სასამართლოს წინაშე არ წარმდგარა.
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩამოდით საქართველოში, აქ გმირად გამოგაცხადებთ, ვიტყვით სამშობლოს განვითარებისა და კეთილდღეობისთვის სჩადიოდა ამ ყველაფერს. აპა რავა, ასე ვიცით ჩვენ:)))
ჯოზეფ ს? სოსელო შენ ხარ? :):):)