მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მესამე დოზა არ ეხება ყველა ვაქცინას" - რომელი ვაქცინის შემთხვევაში და როდის არის "ბუსტერ" დოზის გაკეთება რეკომენდებული
14:04 / 07-10-2021
იაშვილის სახელობის ბავშვთა ცენტრალური საავადმყოფოს სამედიცინო დირექტორის, იმუნიზაციის ტექნიკურ მრჩეველთა ეროვნული ჯგუფის ხელმძღვანელი ივანე ჩხაიძე განმარტავს, საქართველოში არსებული ვაქცინებიდან როდის და რა შემთხვევაშია „ბუსტერ“ დოზის გაკეთება რეკომენდებული.
მისივე თქმით, „ფაიზერით“ აცრილ მოქალაქეებს ბუსტერ დოზის გაკეთება აცრიდან 6 თვის შემდეგ შეუძლიათ.
„ბუსტერ“ დოზა არ ეხება ყველა ვაქცინას. საქართველოში არსებული 4 მწარმოებლიდან „ასტრაზენეკას“ აქვს გაცხადებული, რომ მისი ვაქცინა ორი დოზის გაკეთების შემდგომ არ საჭიროებს გაძლიერებას, „ბუსტერს“, ვინაიდან მისი იმუნიტეტი გრძელდება ხანგრძლივად.
„ფაიზერმა“ ცოტა ხნის წინ განაცხადა, რომ განიხილავდა აუცილებლობად მისი ვაქცინის გაკეთებიდან 6-12 თვის პერიოდში გამაძლიერებელი „ბუსტერ“ დოზის გამოყენებას. ამასთან, დადგენილია, რომ „ფაიზერის“ ვაქცინა გაკეთებიდან 6 თვის შემდეგ მნიშვნელოვნად კარგავს თავის დამცველობით ძალას. საქართველოში ყველაზე მეტია იმ ადამიანების ოდენობა, ვინც „ფაიზერი“ გაიკეთა. მათ ექნებათ შესაძლებლობა „ბუსტერის“ მიღების, რა თქმა უნდა, გარკვეული ასაკისა და ჯანმრთელობის მდგომარეობის გათვალისწიებით. ასაკობრივი ჯგუფი განისაზღვრა, მოქალაქეებს „ბუსტერ“ დოზის გაკეთება 50 წლის შემდეგ შეუძლიათ. რაც შეეხება, 50 წლამდე ასაკს, ჩვენ გვაქვს განსაზღვრული ის ჯგუფები, სადაც ეს ვაქცინაცია არის აუცილებელი. ეს არის ქრონიკული დაავაადების მქონე 16-იდან 49-მდე ასაკის კატეგორია, მათ შეუძლიათ გაიკეთონ „ფაიზერის“ „ბუსტერ“ დოზა.
„სინოფარმსა“ და „სინოვაკთან“ დაკავშირებით ბუსტერ დოზის საკითხი კონკრეტული ადამიანის გადასაწყვეტია, რადგან „სინოფარმთან“ მიმართებით არ არის დაფიქსირებული, რომ მას სჭირდება გაძლიერება. თუ თქვენ სტანდარტულად მოქმედებთ და იკეთებთ „ბუსტერს“, ეს არის მეორე დოზის გაკეთებიდან 6 თვე. თუ თქვენ რაღაც პირობების გამო საზღვარგარეთ გიწევთ წასვლა ეს იქნება სწავლა, ჯანმრთელობის მდგომარეობიდან გამომდინარე, მინიმუმ, 28 დღე უნდა იყოს გასული წინა ვაქცინიდან თქვენ რომ გაიკეთოთ „ბუსტერი“ დოზა. ამ მიზნით „სინოფარმის“ გაკეთების შემდეგ „ფაიზერით“ „ბუსტერი“ უნდა იყოს ორი დოზა. ამასთან, ამ მოქალაქეებს „ბუსტერი“ შეუძლიათ გაიკეთონ როგორც „სინოფარმით“, ისე „ფაიზერით“,“ - განაცხადა ივანე ჩხაიძემ.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წააკითხეთ რა ამ კაცს 15 ივლისს გამოქვეყნებული სტატია: (ეჭვები "სინოვაკის" ვაქცინასთან დაკავშირებით კვლავაც იზრდება). დაგუგლეთ და წაიკითხეთ! მე ხომ არ ვიგონებ? ინდონეზიის მაგალითია სადაც 90% აცრილების ამ ვაქცინითაა აცრილი.არის მოყვანილი ორჯერ აცრილ ექიმებში მომხდარი ამბები დელტა ვარიანტის გამო და ის რეკომენდაციები ბუსტერ დოზასთან დაკავშირებით. ადრე უნგრეთმა სინოფარმით აცრილებს 4 თვის თავზე მისცა რეკომენდაცია დელტას გამო ბუსტერის ერთი დოზის. ისე რომ ამათ ხალხის ჯანმრთელობის ინტერესების გატარება ეტყობა რომ არ აწყობთ, სხვა შემთხვევაში ეს ყველაფერი მაგათ მამაო ჩვენოსავით იციან!!! ძალიან ცუდია რომ ვაქცინას ვერ ყიდულობ,როცა გჭირდება და ამათ ეხვეწები და ემათხოვრები!!! იმიტომაც აქვთ არჩევნებზე "საუკეთესო"შედეგი,რომ ხალხზე "ზრუნვაში" ათენებენ დღე და ღამეს!
თამარ გაბუნიას განცხადებით ბუსტერ დოზა ყველა ვაქცინას ეხება,რადგანაც არ არის ნახსენები ვაქცინის ტიპები.ივანე ჩხეიძე კი სხვანაირად გადმოსცემს და გამოყოფს ვაქცინებს.ბოლო ბოლო შეთანხმდნენ და გამოაქვეყნონ გასაგებად,ბოლოს და ბოლოს რას ამბობენ და რაზე გვეპატიჟებიან!!! აბსოლიტური ამათი არაკომპეტენტურობა იგრძნობა სხვა ქვეყნების ფონზე!!!