მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინის "შეფ-მზარეულის" "ვაგნერები" ცენტრალურ აფრიკას უტევენ - მალიში რუსეთისა და საფრანგეთის ინტერესები გადაიკვეთა
21:19 / 29-09-2021
მალის "გარდამავალი ხელისუფლება" განიხილავს რუსეთის შეთავაზებას, ქვეყანაში "ვაგნერების", იგივე დაქირავებული რუსი სამხედროების ოფიციალურად დარჩენის შესახებ. "ეს კი, შესაძლოა აფრიკაში, რუსეთსა და საფრანგეთს შორის, ახალი კონფლიქტის მიზეზი გახდეს", - წერს დამოუკიდებელი რუსული გამოცემა Novayagazeta.ru.
"როგორც მოსალოდნელი იყო, ამ საქმეში დიდი წვლილი მიუძღვის რუსეთის საგარეო საქმეთა მინისტრს სერგეი ლავროვს, რომელიც აფრიკის ხუნტას საიდუმლო ვითარებაში შეხვდა, ამის შემდეგ კი, პირისპირ ესაუბრა საფრანგეთის საგარეო საქმეთა მინისტრს დე დრიანის. მან რუსი კოლეგა გააფრთხილა, რომ მალიში "ვაგნერების" გამოჩენას "სერიოზული პროცესები" მოჰყვებოდა", - წერს გამოცემა.
მისივე ცნობით, საფრანგეთს სურს, მალიში თავისი სამხედრო კონტიგენტი შეამციროს, რომელიც ადგილობრივ ტერორისტებს ებრძვის.
"თუმცა, ლავროვი ირწმუნება, რომ საფრანგეთს მალიში არაფერი გამოუვიდა და ტერორისტები იქაურობას დღემდე მართავენ. რაც შეეხება, "ვაგნერებს", ისინი ჯერჯერობით ვერ მართავენ სიტუაციას, მაგრამ რუსეთი, აფრიკაში თავის მხარდამჭერებთან ერთად, სწორედ ამისთვის ემზადება... "გარდამავალი ხელისუფლება", იგივე ხუნტა რუსების დაქვემდებარებაშია. დროებითი "პრეზიდენტი", პოლკოვნიკი ასიმი გოიტაც, რომელიც ხუნტის წარმომადგენელია, ე.წ. თავდაცვის მინისტრ სადიო კამარისთან ერთად, რუსეთში გადიოდა სამხედრო წვრთნებს, ისევე, როგორც "პრემიერ-მინისტრი" შოგელ კოკალა. მიმდინარე წელს მოსკოვში გამართულ "რუსეთის არმიის დღეებს" ესწრებოდა სადიო კამარი, რომელიც მედიას თავს არიდებდა. ფრანგული Jeune Afrique-ს ცნობით, მალის სამხედრო წყაროები იუწყებიან, რომ ისინი 2020 წლის იანვრიდან აგვისტომდე მოსკოვში სამხედრო მომზადებას გადიოდნენ. ამის შემდეგ კი სამშობლოში გადატრიალების მოსაწყობად დაბრუნდნენ და პრეზიდენტ იბრაჰიმ ბუმაკარ კეიტას მმართველობა დაამხეს", - წერს Novayagazeta.ru.
ფრანგულ მედიაში დიდი ხანია რუსული სამხედრო დაჯგუფება "ვაგნერების" შესახებ საუბრობენ, როგორც "რუსეთის საიდუმლო სამხედრო სტრუქტურაზე, რომელსაც ოფიციალურად არც კრემლთან აქვს კავშირი და არც თავდაცვის სამინისტროსთან, მაგრამ სინამდვილეში მათი ბრძანებით მოქმედებებს".
Le Monde-ს ცნობით, "ვაგნერები" ეკუთვნის რუს ოლიგარქს, ვლადიმერ პუტინის მარჯვენა ხელს, ევგენი პრიგოჟინს, იგივე "პუტინის მზარეულს", რომლის გარშემო ადგილობრივ მედიასაც არაერთხელ აუტეხავს სკანდალი, თუმცა, მიუხედავად ამისა, მისი გავლენები და ფინანსური შემოსავლები სულაც არ შემცირებულა. ის რუსი მილიარდერების სიაში შედის, აქვს არაერთი მედია გამოცემა.
"მისი კვალი აღმოაჩინეს საფრანგეთის საპრეზიდენტო არჩევნებშიც... საფრანგეთის საგარეო საქმეთა მინისტრის განცხადებით, ის ჯერაც არ არის დარწმუნებული, რომ ბატონი პრიგოჟინი არჩევნებში ასეთი ფორმით ჩარევაზე წავიდოდა, მაგრამ იცით, მას "პუტინის მზარეულს" უწოდებენ". ლე დრიანი კორექტულად, მაგრამ მაინც აშკარად საუბრობს, "ვაგნერების" როლზე სირიასა და ცენტრალურ აფრიკაში, რომელთა სახელსაც უკავშირდება ძალადობა და სისასტიკე", - წერს გამოცემა.
ფრანგული მედია წერს, რომ საფრანგეთის ხელისუფლება "კორექტული, თუმცა, კატეგორიული ტონით" მოუწოდებს რუსეთს, "ვაგნერებმა" თავი შეიკავონ საფრანგეთის კონტროლის ქვეშ მყოფ ტერიტორიაზე რაიმე სახის მოქმედებისგან. თუმცა მალის ხუნტამ თადარიგი დაიჭირა და თავისი მომხრეების ორგანიზებით აქცია გამართა, ლოზუნგით - "პუტინ, დაგვეხმარეთ, გთხოვთ!".
"პუტინის "დახმარებამაც" არ დააყოვნა და ბამაკოში თავისი წარმომადგენლობა გაგზავნა. უკვე ერთი თვეა, ბამაკოში 50 რუსი ექსპერტი იმყოფება, რომლებიც უსაფრთხოებასთან დაკავშირებით სიტუაციას სწავლობენ და ადგილობრივ მოსახლეობას ომის დასრულებასა და "ჯიჰადისგან" წამოსული საფრთხეების აღმოფხვრას ექვს თვეში ჰპირდებიან. აფრიკელი სამხედროს ცნობით, ამის გასაკეთებლად იქ რუსი სამხედროები, კონკრეტულად, კერძო სამხედრო დაჯგუფება "ვაგნერები" ჩავიდოდნენ და ასიმეტრიულ ბრძოლებს გამართავდნენ", - წერს Novayagazeta.ru.
პუტინი, ცხადია, უარყოფს ფრანგული გამოცემების მიერ გავრცელებულ ინფორმაციას, რომ რუსეთი მალის "გათავისუფლებას" აპირებს, მაგრამ საერთაშორისო საზოგადოებას ახსოვს ცენტრალური აფრიკის რესპუბლიკაში მოკლული სამი რუსი რეპორტიორის საქმე, რომლებიც "რუსული კერძო სამხედრო კონტრაქტორებისა და სამთო-მოპოვებითი ინდუსტრიის საქმეს იძიებდნენ".
რეპორტიორები მოულოდნელი თავდასხმის შედეგად დაიღუპნენ. მაშინ რამდენიმე მედია ჰოლდინგის, მათ შორის, "გამოძიების კონტროლის ცენტრის" მფლობელი მიხაილ ხადარკოვსკი ამბობდა, რომ ის ჟურნალისტები მის საგამოძიებო პროექტთან თანამშრომლობდნენ და რუსი დაქირავებული სამხედროების ამბავს იძიებდნენ. ისინი ცდილობდნენ ნათელი მოეფინათ ცენტრალური აფრიკის რესპუბლიკაში მოქმედი რუსული კერძო სამხედრო კომპანიის საქმისთვის ისევე, როგორც სხვა რუსული ინტერესებისთვის, როგორებიცაა ოქროს, ალმასისა და ურანის მოპოვების ინდუსტრიები. ფრანგული გამოცემები წერენ, რომ სწორედ ამ ინდუსტრიებზე უჭირავს თვალი რუსეთს.
რუსულ და უცხოურ მედიაში მუდმივად ვრცელდება სამხედრო კომპანია "ვაგნერის" სახელიც, რომელიც პეტერბურგელ მეწარმეს, ევგენი რიგოჟინს უკავშირდება. რიგოჟინს, კრემლთან მისი ახლო კავშირების გამო, პუტინის "შეფ-მზარეულსაც" უწოდებენ.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაა, ლავროვს სიცილიც სცოდნია. რაც მახსოვს, სულ იბღვირება.
ფრანგებს დაავიწყდათ რომ მაკრონი პუტინის თაყვანისმცემელია.კარგია კიდე უფრო ჩაეხუტეთ და უკეთესი შედეგები გექნებათ