მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქართული ცეკვა ჰომოსექსუალისთვის "მასკულინურია", ვერ წარმომიდგენია, როგორ შეიძლება გამოუვიდეს" - აუკრძალა თუ არა ნინო სუხიშვილმა მოცეკვავეებს ფილმში "და ჩვენ ვიცეკვეთ" გადაღება
18:25 / 27-09-2021
"მე უბრალოდ ვერ წარმომიდგენია ქართული ცეკვა როგორ შეიძლება (ჰომოსექსუალს) გამოუვიდეს. აი, რაღაცნაირად ძალიან მასკულინურია ეს ქართული ცეკვა. ამიტომ, ჩემი აზრით, მგონია, რომ რთული შესასრულებელი იქნება", - აღნიშნული განცხადება ქართული ეროვნული ბალეტის - "სუხიშვილების" ხელმძღვანელმა, ნინო სუხიშვილმა პირველი არხის გადაცემაში "გორგილაძის აუტანელი სიმსუბუქე" გააკეთა. ნინო სუხიშვილმა ფილმის რეჟისორთან თანამშრომლობაზე უარის თქმის მიზეზებზე ისაუბრა.
სუხიშვილის მტკიცებით, არ შეუმჩნევია, რომ ანსამბლის არსებობის 80-წლიან ისტორიაში დასში ლგბტ თემის წარმომადგენლები იყვნენ. მისი თქმით, "ეს ძალიან შესამჩნევია".
"არ ვიცი, მე რაც ჩემი პრაქტიკიდან მახსოვს, შეგნებული ასაკიდან, მე არ მახსოვს. თუმცა, იცი როგორ გითხრათ, მე ვთვლი, რომ ეს ყოველთვის საგრძნობი და შესამჩნევია, თუმცა არ შეგვიმჩნევია", - განაცხადა მან.
წამყვანის შეკითხვას, ხომ არ ფიქრობს, რომ მოცეკვავეებს ორიენტაციის დამალვა ხელმძღვანელობის შესაძლო ხისტი რეაქციის გამო შეიძლება უწევდეთ, ის პასუხობს, რომ საბჭოთა კავშირის დროს თემის წევრები სახელმწიფოს გამო იმალებოდნენ და ბოლო წლებში არ არიან ხელმძღვანელები, ვისაც ეს შეიძლება აწუხებდეს.
"არა მგონია მაგის გამო. ჯერ ჯერთი, ადრეულ წლებში შეიძლება საერთოდ იმიტომ მალავდნენ, რომ ხელმძღვანელობის კი არა, სახელმწიფოს მხრიდან იყო ეს... რამდენმა იზარალა, დიდმა ხელოვანმა საბჭოთა კავშირის პერიოდში მარტო იმიტომ, რომ... ძალიან ბევრმა, ძალიან ბევრს კარიერა დაენგრა. ამიტომ, აქ ხელმძღვანელობაზე არ არის ლაპარაკი, აქ ქვეყნის პოლიტიკაზე იყო უფრო ლაპარაკი. ახლა ბოლო წლებში კიდე არა მგონია, რომ რომელიმე ხელმძღვანელს ეს აწუხებდეს.
იცით რა, მე უბრალოდ ვერ წარმომიდგენია ქართული ცეკვა როგორ შეიძლება (ჰომოსექსუალს) გამოუვიდეს. აი, რაღაცნაირად ძალიან მასკულინურია ეს ქართული ცეკვა. ამიტომ, ჩემი აზრით, მგონია, რომ რთული შესასრულებელი იქნება ეს. თუმცა, ახლა აქ არ არის მარტო მამაკაცზე ლაპარაკი, ქალებზე არ ვიცი ახლა, ყოველ შემთხვევაში, ესეც არ შემიმჩნევია არასდროს. ამიტომ, რთულია ამაზე ლაპარაკი, როგორ უნდა იცოდე ეს წინასწარ", - განაცხადა ნინო სუხიშვილმა.
ის ფიქრობს, რომ კრიტიკა, რომელიც მის წინააღმდეგ გამოითქვა მაშინ, როცა ფილმში "სუხიშვილების" მონაწილეობაზე უარი თქვა, დაუმსახურებელია და რეჟისორ ლევან აკინის საქციელი "ულამაზო" და "გაბუქული" იყო.
"აკინმა გააკეთა ეს ყველაფერი. რატომღაც ჩემ მიმართ განეწყო უარყოფითად, რომ ჩვენ ფილმში მონაწილეობაზე უარი ვუთხარით. მე არ მომეწონა სცენარი. ჩვენს ოჯახზე იყო ძირითადად სცენარი თავიდან და დატოვა კიდევაც რაღაცა ფრაზები, როგორც მე მითხრეს ფილმში. [...]
პროფესიონალების აზრი ვიცი, რომ ყველაზე სუსტი რგოლი ამ ფილმში არის ცეკვა. ბუნებრივია, თუ აკინი ნიჭიერი რეჟისორია, გათვლა ჰქონდა ჩვენზე. ბევრად უკეთესი ფილმი გამოუვიდოდა, იქ რომ ილიკოს დაედგა სცენები ცეკვის და ანსამბლის დასს მიეღო მონაწილეობა, უფრო ეფექტური იქნებოდა, ალბათ, მისთვის. ფილმი უკეთესი შეიძლება გამოსულიყო და შეიძლება, ამან გამოიწვია მისი გაღიზიანება ჩვენ მიმართ.
იმიტომ, რომ ჩვენმა შეხვედრამ კარგად ჩაიარა. იყო ჩემთან ოფისში ვისაუბრეთ, ვიჯექით, აბსოლუტურად არანაირი დაძაბულობა არ გვქონია და ძალიან მშვიდი საუბრის მერე, რატომღაც მერე გაღიზიანდა...
მე შევთავაზე, იქნებ ქართული ცეკვა ჩაანაცვლო სპეციალობით, რაშიც უფრო ბუნებრივი იქნებოდა, მაგალითად ბალეტი კლასიკური, ან მოდერნ ცეკვა, სადაც უფრო მეტი და მიღებულია სხვა ორიენტაციის ადამიანების მუშაობა, სადაც უფრო მეტად შეიძლება შეხვდე ასეთ ნიუანსებს. არაო, კონკრეტულად ქართული ცეკვაზე უნდოდა და ნუ, გააკეთა", - აღნიშნა მან.
ნინო სუხიშვილის თქმით, ლევან აკინის განცხადება, თითქოს მოცეკვავეებს დაემუქრა არასწორია და "სუხიშვილების" ანსაბმლის წევრებმა ფილმში მონაწილეობაზე უარი მისგან დამოუკიდებლად თქვეს. ის ამტკიცებს, რომ ყველას თავისუფალი არჩევანი აქვს და მას არ შეუძლია მოცეკვავეებს რამე ისეთი აუკრძალოს, რაც მის დასს არ ეხება.
"აკინს მუქარა ჰქონდა, რომ მსოფლიოს თეატრებს დაგვიკეტავენ და რაღაცნაირად გამოგვიყვანა, რაღაც ასე, ჰომოფობებად და ეს ცოტა უშნო და ულამაზო საქციელი იყო მისი მხრიდან. თუმცა, მე ჩემი აზრი მაქვს და დამოკიდებულება და ვიღაცას სხვა დამოკიდებულება, ყველა თავისუფალია თავის აზრში...
ხომ გეუბნებით, ამ ფილმში მონაწილეობა არ მინდოდა ჩემს ანსამბლს მიეღო. ჯერ ეს ერთი, დროც არ გვქონდა მაგისი, აქედან რომ დავიწყოთ, მე შემეძლო, უამრავი მიზეზი მეთქვა".
ცნობისთვის, მსგავსი შინაარსის განცხადებები ნინო სუხიშვილმა 2019 წელსაც გააკეთა. მაშინ ფილმის რეჟისორი ლევან აკინი ამბობდა, რომ ნინო სუხიშვილმა ფილმს პრობლემები შეუქმნა. აკინის განცხადებით, მან ცეკვის სტუდიებს მიმართა, ფილმში მონაწილე მოცეკვავეები დაბლოკა და უთხრა, რომ ფილმში მონაწილეობის შემთხვევაში, ცეკვის შესაძლებლობა აღარ ექნებოდათ.
მაშინ სუხიშვილმა აკინის პასუხად განაცხადა, რომ ეს სიცრუე და ცილისწამებაა და ისიც აღნიშნა, რომ "ისტორიულად ანსამბლში სხვა ორიენტაციის კაცი არ ჰყოლიათ". მისივე თქმით, აკინს შესთავაზა ფილმი ქალისა და კაცის სიყვარულზე გადაეღო, რადგან ბევრი ცეკვა ქალისა და მამაკაცის ურთიერთობაზეა.
მკითხველის კომენტარები /
73 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
sakartvelos nomer pirveli kalbatonia n i n o.
რომელ საუკუნეში არის ეს ქალი!!!! ჭაბუკიანის ცეკვა მოიძიება არქივებში და ნახოს მისი მასკულინობა!!!