1993 წლის 25 ოქ­ტომ­ბერს, პრე­ზი­დენტ ბილ კლინ­ტო­ნის გა­და­წყვე­ტი­ლე­ბით, გე­ნე­რა­ლი ჯონ მალ­ხაზ შა­ლი­კაშ­ვი­ლი შე­ერ­თე­ბუ­ლი შტა­ტე­ბის შე­ი­ა­რა­ღე­ბუ­ლი ძა­ლე­ბის შტა­ბე­ბის მე­თა­ურ­თა გა­ერ­თი­ა­ნე­ბუ­ლი კო­მი­ტე­ტის თავ­მჯდო­მა­რედ და­ი­ნიშ­ნა. ჯონ-მალ­ხაზ შა­ლი­კაშ­ვი­ლი იყო სტენ­ფორ­დის უნი­ვერ­სი­ტე­ტის პრო­ფე­სო­რი, სა­დაც მოღ­ვა­წე­ობ­და სა­ერ­თა­შო­რი­სო უსაფრ­თხო­ე­ბი­სა და თა­ნამ­შრომ­ლო­ბის ცენ­ტრში. 2004 წელს მრჩევ­ლი იყო ჯონ კე­რის საპ­რე­ზი­დენ­ტო კამ­პა­ნი­ა­ში...25-წლი­ა­ნი კა­რი­ე­რი­სა და დიდი თა­ნამ­დე­ბო­ბე­ბის მი­უ­ხე­და­ვად, არც ერთ ძმას ამე­რი­კე­ლე­ბი­სათ­ვის ძნე­ლად გა­მო­სათ­ქმე­ლი გვა­რი არც შე­უც­ვლია და არც შე­უ­მოკ­ლე­ბია, თუმ­ცა კი, კლინ­ტო­ნი ჯონ მალ­ხაზს "შა­ლის" უწო­დებ­და. შა­ლი­კაშ­ვი­ლე­ბის და­ჟი­ნე­ბამ ნა­ყო­ფი გა­მო­ი­ღო და მალე, ამ რთულ გვარს ამე­რი­კე­ლე­ბიც სწო­რად გა­მოთ­ქვამ­დნენ.

"ძმე­ბი ოთარ და - ჯონ-მალ­ხაზ შა­ლი­კაშ­ვი­ლე­ბი სა­ქარ­თვე­ლო­ში პირ­ვე­ლად უმ­ძი­მეს პე­რი­ოდ­ში - 1992 წელს ჩა­მო­ვიდ­ნენ. ოთარს თან ჰქონ­და მა­მის ხე­ლით და­ხა­ზუ­ლი კა­ხე­თის რუკა. ისიც იცო­და, რომ მისი წი­ნაპ­რე­ბი გურ­ჯა­ან­ში იყ­ვნენ და­საფ­ლა­ვე­ბუ­ლი. მომ­დევ­ნო ვი­ზი­ტის დროს, ჯონ მალ­ხაზ­მა წი­ნა­პარ­თა საფ­ლა­ვე­ბი მო­ი­ნა­ხუ­ლა და მათი საფ­ლა­ვის ქვის ნა­ტე­ხე­ბი სა­მახ­სოვ­როდ წა­ი­ღო... შა­ლი­კაშ­ვი­ლე­ბი სა­ქარ­თვე­ლო­ში ყო­ვე­ლი ჩა­მოს­ვლი­სას მამა-პა­პის საფ­ლა­ვე­ბის მო­სა­ნა­ხუ­ლებ­ლად მი­დი­ოდ­ნენ. ამი­ტო­მაც, 10 წლის წინ, გურ­ჯა­ან­ში სა­ფუძ­ვე­ლი ჩა­ე­ყა­რა სახლ-მუ­ზე­უმს, რო­მელ­საც სა­თა­ვე­ში სამ­ხედ­რო ის­ტო­რი­კო­სი - შოთა უტი­აშ­ვი­ლი ჩა­უდ­გა. 2005 წლის დე­კემ­ბერ­ში, მათ მა­მა­პა­პი­სე­ულ სახ­ლში გა­იხ­სნა შა­ლი­კაშ­ვი­ლე­ბის სა­ხე­ლო­ბის პირ­ვე­ლი ქარ­თუ­ლი სამ­ხედ­რო მუ­ზე­უ­მი, რო­მელ­საც პენ­სი­ა­ში გას­ვლის შემ­დეგ, მალ­ხაზ შა­ლი­კაშ­ვილ­მა გა­დას­ცა მუნ­დი­რი და ჯილ­დო­ე­ბი" - იხ­სე­ნებს ის­ტო­რი­კო­სი - რუ­სუ­დან და­უშ­ვი­ლი...

შოთა უტი­აშ­ვი­ლი:

- შა­ლი­კაშ­ვი­ლე­ბის სა­ხე­ლო­ბის ქარ­თუ­ლი სამ­ხედ­რო მუ­ზე­უ­მი დღეს გა­ნად­გუ­რე­ბუ­ლია! 15 წელი არ­სე­ბობ­და ეს მუ­ზე­უ­მი და ამ­ჟა­მად რო­გორც მუ­ზე­უ­მი აღარ არ­სე­ბობს! პირ­ვე­ლი სამ­ხედ­რო მუ­ზე­უ­მი იყო სა­ქარ­თვე­ლო­ში, თან რო­გორც ის­ტო­რი­უ­ლი ძეგლი, ორა­სი წლის შე­ნო­ბაა, რო­მე­ლიც გურ­ჯა­ან­ში ერთ-ერთი პირ­ვე­ლი შე­ნო­ბა იყო. შა­ლი­კაშ­ვი­ლე­ბის ხუთი თა­ო­ბაა მანდ გაზ­რდი­ლი - გე­ნერ­ლე­ბი, ოფიც­რე­ბი, სა­ქარ­თვე­ლოს პატ­რი­ო­ტე­ბი... ძმებ­მა ოთარ და ჯონ-მალ­ხაზ შა­ლი­კაშ­ვი­ლებ­მა მა­მა­პა­პი­სე­უ­ლი სახ­ლი სა­ხელ­მწი­ფოს, თავ­დაც­ვის სა­მი­ნის­ტროს გა­დას­ცეს... შე­ნო­ბა­ში სამ­ხედ­რო მუ­ზე­უ­მი 2001 წლის 15 სექ­ტემ­ბერს გავ­ხსე­ნით. გახ­სნა­ზე ძმე­ბი ამე­რი­კი­დან სა­გან­გე­ბოდ ჩა­მობ­რძან­დნენ, ლენ­ტი გაჭ­რეს.

ასევე დაგაინტერესებთ

10:00 / 24-03-2019

ნატოს ჯარების ქართველი უმაღლესი მთავარსარდალი, რომელსაც ბილ კლინტონი "შალის" ეძახდა - "პრეზიდენტი მას მოიხსენიებდა, როგორც მეგობარს"

2015 წლის შე­მოდ­გო­მა­ზე თავ­დაც­ვის მი­ნის­ტრი თინა ხი­და­შე­ლი ჩა­მო­ვი­და, გა­მოგ­ვი­ცხა­და ჩვენ უნდა მივ­ხე­დო­თო, ჩა­მო­იყ­ვა­ნა ბრი­გა­დე­ბი და შე­ნო­ბა და­ან­გრი­ეს.. თა­ნამ­შრომ­ლე­ბიც გა­ან­თა­ვი­სუფ­ლეს - ექ­ვსი­ო­დე თა­ნამ­შრო­მე­ლი მყავ­და. ეს შე­ნო­ბა დარ­ჩა ასე დან­გრე­უ­ლი 2015 წლი­დან დღემ­დე. თან­ხე­ბი გა­მო­ყო­ფი­ლი იყო მუ­ზე­უ­მის აღ­სად­გე­ნად, მაგ­რამ ალ­ბათ ის თან­ხე­ბი შე­ჭა­მეს...

დღე­ვან­დე­ლი პარ­კი შე­ნო­ბის ირ­გვლივ შა­ლი­კაშ­ვი­ლე­ბის მა­მუ­ლია, 15 ჰექ­ტა­რი. პარკში ჩად­გეს რა­ღაც ფა­ცხე­ბი, სა­პირ­ფა­რე­შო­ე­ბი და მუ­ზე­უ­მის შე­ნო­ბა კი არის მი­უ­ხე­და­ვი. შე­ნო­ბის უკა­ნა კე­დე­ლი ჩა­მო­იქ­ცა, ასე­ვე ჩა­მო­იქ­ცა შიდა კედ­ლე­ბი, მუ­ზე­უ­მის ექ­სპო­ნა­ტე­ბი სა­დღაც წა­ი­ღეს, ჩაყ­რი­ლია უპატ­რო­ნოდ... მე - შოთა უტი­აშ­ვილს, რო­მელ­საც კო­ლო­სა­ლუ­რი დამ­სა­ხუ­რე­ბა მაქვს მუ­ზე­უ­მის სა­მუ­შა­ო­ებ­ში, დღეს შე­ხე­ბა არა­ფერ­თან მაქვს..

არა­ფე­რი არ გა­კე­თე­ბუ­ლა! რო­გორც მო­გახ­სე­ნეთ გარ­შე­მო შე­მო­ა­შე­ნეს ფა­ცხე­ბი, სტა­დი­ო­ნე­ბი და მუდ­მი­ვად ის­მის, რომ შე­ნო­ბის რე­ა­ბი­ლი­ტა­ცია იწყე­ბა, მაგ­რამ მიბ­რძან­დით და ნა­ხავთ, რაც არის და­წყე­ბუ­ლი! ორა­სი წლის შე­ნო­ბა წელს ვე­ღარ გა­უძ­ლებს და თოვ­ლი თუ მო­ვი­და, მთლი­ა­ნად ჩა­მო­იქ­ცე­ვა! გურ­ჯა­ა­ნის ად­გი­ლობ­რივ ხე­ლი­სუ­ფე­ბას რომ ვთხო­ვე, ჩამ­რთეთ მეც რა­ღაც გა­ვა­კე­თო-მეთ­ქი, ყუ­რა­დღე­ბა არა­ვინ მო­მაქ­ცია. დღეს სა­ერ­თო­დაც უმუ­შე­ვა­რი ვარ. ვი­ღა­ცას აქვს მი­ბა­რე­ბუ­ლი მუ­ზე­უ­მი, ხელ­ფასს იღებს და სამი წელი იქ­ნე­ბა, იქ არც მი­სუ­ლა...მე ოთარ შა­ლი­კაშ­ვილ­თან მქონ­და კონ­ტაქ­ტი, ამე­რი­კა­ში ვუ­რე­კავ­დი, მაგ­რამ კარ­გა ხა­ნია არ შევ­ხმი­ა­ნე­ბი­ვარ. არაფ­რით შე­მიძ­ლია ვუ­თხრა, რა დღე­შია მათი საგ­ვა­რე­უ­ლო სახ­ლი, ვიცი რამ­დე­ნად მნიშ­ვნე­ლო­ვა­ნია მის­თვის და შე­იძ­ლე­ბა ვერ გა­უძ­ლოს, სი­მარ­თელს რომ გა­ი­გებს...

გურ­ჯა­ა­ნის ინფრას­ტრუქ­ტუ­რის სამ­სა­ხუ­რის უფ­რო­სი კოტე ბე­რი­ძიშ­ვი­ლი.

- დიახ, სამ­ხედ­რო მუ­ზე­უ­მი უაღ­რე­სად სა­ვა­ლა­ლო მდგო­მა­რე­ო­ბა­შია... მე არ ვიცი 2016 წლი­დან რო­გო­რი და­პი­რე­ბე­ბი იყო, მაგ­რამ ამ ხნის გამნმავ­ლო­ბა­ში მუ­ზე­უ­მი ვერ აღ­ვად­გი­ნეთ ერთი მი­ზე­ზის გამო: იგეგ­მე­ბო­და იმ პარ­კის რე­ა­ბი­ლი­ტა­ცია, რო­მე­ლი პარ­კის ტე­რი­ტო­რი­ა­ზეც მუ­ზე­უ­მი დგას. პარ­კის რა­ე­ბი­ლი­ტა­ცია შარ­შან და­ვი­წყეთ, მას­შტა­ბუ­რი სა­მუ­შა­ო­ე­ბი მიმ­დი­ნა­რე­ობს, ორ­მი­ლი­ო­ნა­ხევ­რი­ა­ნი პრო­ექ­ტია, და­ახ­ლო­ე­ბით ერთ თვე­ში ყვე­ლა სა­მუ­შაო დას­რულ­დე­ბა... შემ­დეგ გვინ­დო­და მუ­ზე­უ­მის შებ­ნო­ბის რე­ა­ბი­ლი­ტა­ცი­აც დაგ­ვე­წყო, რაც ვერ მო­ვა­ხერ­ხეთ, რად­გან პრო­ექ­ტი არ გვქონ­და... ჩვე­ნი თხოვ­ნით პრო­ექ­ტი შე­ი­ძი­ნა სა­ქარ­თვე­ლოს მუ­ნი­ცი­პა­ლუ­რი გან­ვი­თა­რე­ბის ფონდმა. და­ახ­ლო­ე­ბით ექ­ვსი ათა­სი ლარი ჯდე­ბა შე­ნო­ბის რე­ა­ბი­ლი­ტა­ცია. სა­ქარ­თვე­ლოს კულ­ტუ­რუ­ლი მემ­კვიდ­რე­ო­ბის ძეგლ­თა დაც­ვის სა­ა­გენ­ტო­და­ნაც აი­ღეთ თან­ხმო­ბა და ახლა და­ემ­თხვა სა­ქარ­თვე­ლოს სა­პი­ლო­ტე, ინ­ტეგ­რი­რე­ბუ­ლი გან­ვი­თა­რე­ბის საგ­რან­ტო პროგ­რა­მა...

გურ­ჯა­ა­ნის მუ­ნი­ცი­პა­ლი­ტეტ­მა წარ­ვად­გი­ნეთ ექ­ვსი პრო­ექ­ტი, რომ­ლი­და­ნაც ოთხი და­იბ­ლო­კა, ორი მე­ო­რე ეტაპ­ზე გა­და­ვი­და და ერ­თერ­თი მათ­გა­ნი არის მუ­ზე­უ­მი... ამ ყვე­ლაფ­რის მი­ეხდვით 95 პრო­ცენ­ტი­ა­ნი ალ­ბა­თო­ბით შე­ნო­ბის აღ­დგე­ნა ამ წელ­ში­ვე და­ი­წყე­ბა და იმ წე­ლი­წადს დას­რულ­დე­ბა.

- არ შე­იძ­ლე­ბო­და პარ­კის აღ­დგე­ნამ­დე შე­ნო­ბის­თვის მი­ე­ხე­და ად­გი­ლობ­რივ ხე­ლი­სუფ­ლე­ბას, შე­ნო­ბა რომ არ დან­გრე­უ­ლი­ყო?

- გა­და­ჭარ­ბე­ბუ­ლია, რო­დე­საც ამ­ბო­ბენ შე­ნო­ბა 2016 წლი­დან არის სა­ვა­ლა­ლო მდგო­მა­რე­ო­ბა­შიო... სი­ნამ­დვი­ლე­ში გა­სუ­ლი წლი­და­ნაა, რო­დე­საც თოვ­ლი მო­ვი­და და უკა­ნა კე­დე­ლი ჩა­მო­იქ­ცა... მთე­ლი რიგი პრო­ცე­დუ­რე­ბის გავ­ლა სჭირ­დე­ბო­და ნე­ბარ­თვის მო­პო­ვე­ბას, თო­რემ სურ­ვი­ლი დიდი იყო! პარ­კი კი­დევ კო­მუ­ნის­ტე­ბის დრო­ი­დან მი­ტო­ვე­ბუ­ლი იყო, ხმე­ლი ხეც კი არ მოჭ­რი­ლა, ხელი არ შევ­ლე­ბია! ამ დროს მუ­ზე­უ­მის გა­რე­მონ­ტე­ბას აზრი არც ექ­ნე­ბო­და, თუ პარ­კი არ მო­წეს­რიგ­დე­ბო­და! რა აზრი ჰქონ­და თუ შე­ნო­ბამ­დე ტუ­რის­ტი ვერ მი­ვი­დო­და და მუ­ზე­უმს ვერ ნა­ხავ­და?! რო­გორც მო­გახ­სე­ნეთ სრულ­დე­ბა პარ­კის რე­ა­ბი­ლი­ტა­ცია და ზედ მიყ­ვე­ბა მუ­ზე­უ­მიც!

გურ­ჯა­ა­ნის მუ­ნი­ცი­პა­ლი­ტე­ტის გა­ნათ­ლე­ბის, სპორ­ტი­სა და ახალ­გაზ­რდულ საქ­მე­თა სამ­სა­ხუ­რის უფ­რო­სი თა­მარ ფურ­ცე­ლა­ძე:

- რო­გორც იცით, ჯონ-მალ­ხაზ შა­ლი­კაშ­ვი­ლის სა­ხე­ლო­ბის ქარ­თუ­ლი მხედ­რუ­ლი მუ­ზე­უ­მი ქა­ლაქ გურ­ჯა­ან­ში მდე­ბა­რე­ობს. უახ­ლო­ეს მო­მა­ვალ­ში და­გეგ­მი­ლია მისი რე­ა­ბი­ლი­ტა­ცია. ჩემი ინ­ფორ­მა­ცი­ით, ამ ეტაპ­ზე საპ­რო­ექ­ტო სა­მუ­შა­ო­ე­ბი მიმ­დი­ნა­რე­ობს, სა­დაც რამ­დე­ნი­მე უწყე­ბაა ჩარ­თუ­ლი. მუ­ზე­უ­მი მდი­და­რია ექ­სპო­ნან­ტე­ბით, რო­გო­რიც არის გე­ნე­რალ გი­ორ­გი კვი­ნი­ტა­ძის ხელ­ნა­წე­რი დო­კუ­მენ­ტი - პრო­ქ­ტი ქარ­თუ­ლი არ­მი­ის შექ­მნის შე­სა­ხებ, ჯონ მალ­ხაზ შა­ლი­კაშ­ვი­ლის მუნ­დი­რი, პი­რა­დი ნივ­თე­ბი და სხვა მრა­ვა­ლი მნიშ­ვნელ­ვა­ნი დო­კუ­მენ­ტე­ბი სა­ქარ­თვე­ლოს სამ­ხედ­რო წარ­სუ­ლი­დან, რომ­ლე­ბიც დრო­ე­ბით და­ცუ­ლია სა­ცავ­ში. რაც შე­ე­ხე­ბა მუ­ზე­უ­მის ფუნ­ქცი­ო­ნი­რე­ბას, მისი რე­ა­ბი­ლი­ტა­ცია იქ­ნე­ბა ერთ-ერთი მნიშ­ვნე­ლო­ვა­ნი წი­ნა­პი­რო­ბა იმი­სა, რომ მუ­ნი­ცი­პა­ლი­ტეტ­მა ად­გილ­ზე უმას­პინ­ძლოს სხვა­დას­ხვა სა­ერ­თა­შო­რი­სო დე­ლე­გა­ცი­ებს, გან­ვი­თარ­დეს და ჩა­მო­ყა­ლიბ­დეს მრა­ვალ­მხრი­ვი თა­ნამ­შრომ­ლო­ბე­ბი, რაც თა­ვის მხრივ გა­ნა­პი­რო­ბებს რე­გი­ო­ნის კი­დევ უფრო მე­ტად გან­ვი­თა­რე­ბას. გურ­ჯა­ა­ნი გახ­დე­ბა რო­გორც შიდა ასე­ვე სა­ერ­თა­შო­რი­სო ტუ­რის­ტე­ბის­თვის ერ­თი­ო­რად სა­ინ­ტე­რე­სო და მიმ­ზიდ­ვე­ლი ად­გი­ლი, რა­შიც ჯონ-მალ­ხაზ შა­ლი­კაშ­ვი­ლის მუ­ზე­უმს უდი­დე­სი დატ­ვირ­თვა ექ­ნე­ბა.

რე­ჟი­სო­რი რა­მაზ ბლუ­აშ­ვი­ლი:

- შალი! ასე ეძახ­და ჯონ მალ­ხაზ შა­ლი­კაშ­ვილს ამე­რი­კის შე­ერ­თე­ბუ­ლი შტა­ტე­ბის პრე­ზი­დენ­ტი ბილ კლინ­ტო­ნი. კლინ­ტო­ნი მას მო­იხ­სე­ნი­ებ­და, რო­გორც მე­გო­ბარს და გან­სა­კუთ­რე­ბულ მრჩე­ველს, რომ­ლის ბრძნულ რჩე­ვებს ყო­ველ­თვის ეყ­რდნო­ბო­და!

2019 წელს, ნა­სას და ამე­რი­კის კოს­მო­სუ­რი ასო­ცი­ა­ცი­ის მიერ მიწ­ვე­უ­ლი იყო ან­სამ­ბლი „ჩაკ­რუ­ლო“, რომ­ლის ხელ­მძღვა­ნე­ლიც გახ­ლავთ ჩემი ძმა - თა­მაზ ბლუ­აშ­ვი­ლი. ან­სამ­ბლი ვა­შინგტონ­ში კოს­მო­სის გან­ვი­თა­რე­ბის სა­ერ­თა­შო­რი­სო კონ­ფე­რენ­ცი­ა­ზე იმ­ყო­ფე­ბო­და, მიწ­ვე­ვა მოხ­და ჩემი მჭიდ­რო ურ­თი­ერ­თო­ბე­ბით ნა­სას­თან... ვა­შინგტონ­ში ათი დღით ვიმ­ყო­ფე­ბო­დით და გა­დავ­წყვი­ტე ბავ­შვე­ბის­თვის ამე­რი­კის ღირ­შე­სა­ნიშ­ნა­ო­ბე­ბი კი არ გა­მეც­ნო მხო­ლოდ, არა­მედ მაქ­სი­მა­ლუ­რად მეჩ­ვე­ნე­ბი­ნა ქარ­თუ­ლი კვა­ლი ამე­რი­კა­ში. ამის წარ­მა­ტე­ბუ­ლი მცდე­ლო­ბა იყო, რო­დე­საც ბავ­შვე­ბი წა­ვიყ­ვა­ნე არ­ლინგტო­ნის სა­საფ­ლა­ო­ზე, სა­დაც დაკ­რძა­ლუ­ლია ჯონ-მალ­ხაზ შა­ლი­კაშ­ვი­ლი. მო­გეხ­სე­ნე­ბათ ჯონ-მალ­ხაზ შა­ლი­კაშ­ვი­ლი ოთხვარ­სკვლა­ვი­ა­ნი გე­ნე­რა­ლი გახ­ლდათ, რომ­ლის სა­ხე­ლით თვი­თე­უ­ლი ქარ­თვე­ლი უნდა ვა­მა­ყობ­დეთ . სა­ქარ­თვე­ლო­ში კი სამ­წუ­ხა­როდ მხო­ლოდ გა­გო­ნი­ლი თუ აქვთ მის შე­სა­ხებ და ვი­ტყო­დი რომ ძა­ლი­ან ცოტა რამ კეთ­დე­ბა ამ ლე­გენ­და­რუ­ლი ადა­მი­ა­ნის სა­ხე­ლის უკ­ვდავ­სა­ყო­ფად. ბევ­რად მეტი ყუ­რა­დღე­ბა უნდა ექ­ცე­ო­დეს, ელე­მენ­ტა­რუ­ლად ძეგლი მა­ინც უნდა იდ­გეს სად­მე, წიგ­ნე­ბი უნდა იწე­რე­ბო­დეს, სკო­ლებ­ში ის­წავ­ლე­ბო­დეს! მე ჩემი წვლი­ლი მისი სა­ხე­ლის უკ­ვდავ­ყო­ფა­ში იმით შე­ვი­ტა­ნე, რომ ქარ­თვე­ლი ბავ­შვე­ბი მი­ვიყ­ვა­ნე ჯონ-მალ­ხაზ შა­ლი­კაშ­ვი­ლის საფ­ლავ­ზე და ბავ­შვებ­მა იქ ბევ­რი რამ შე­ი­ტყვეს, სა­პა­ტივ­სა­ცე­მოდ „ჩაკ­რუ­ლოც“ კი იმ­ღე­რეს... ეს დღე ყვე­ლა­ზე სა­ა­მა­ყოა ჩემ­თვის ჩემი ცხოვ­რე­ბი­დან!

წი­ლად მხვდა ბედ­ნი­ე­რე­ბა ჯონ-მალ­ხაზ შა­ლი­კაშ­ვილს პი­რა­დად შევ­ხვედ­რო­დი სი­ეტ­ლში 2000 წელს. ან­სამ­ბლი „ერი­სი­ო­ნი“ გახ­ლდათ მიწ­ვე­უ­ლი ამე­რი­კის შე­ერ­თე­ბულ შტა­ტებ­ში და ამ­ხე­ლა პი­როვ­ნე­ბა კონ­ცერ­ტზე თა­ვის შვილ­თან ერ­თად მო­ვი­და და­სას­წრე­ბად. კონ­ცერ­ტის შემ­დეგ ძა­ლი­ან დიდ­ხანს ვი­სა­უბ­რეთ, ძა­ლი­ან სა­ინ­ტე­რე­სო შეხ­ვედ­რა იყო, რო­მე­ლიც არა­სო­დეს და­მა­ვი­წყდე­ბა. გა­ხა­რე­ბუ­ლი ამ­ბობ­და დღეს მე ჩემს შვილს სა­ქარ­თვე­ლო გა­ვა­ცა­ნიო...

რაც შე­ე­ხე­ბა მუ­ზე­უმ, რო­გორც სამ­ხედ­რო სამ­ხედ­რო ის­ტო­რი­კოს­მა - მა­მუ­კა გო­გი­ტი­ძემ გვი­თხრა, შე­ნო­ბის აღ­დგე­ნის თხოვ­ნით წლე­ბის გან­მავ­ლო­ბა­ში მი­მარ­თეს პრე­მი­ერ-მი­ნისტრს - ირაკ­ლი ღა­რი­ბაშ­ვილს , პრე­ზი­დენტს სა­ლო­მე ზუ­რა­ბიშ­ვილს, პარ­ლა­მენ­ტის თავ­ჯდო­მა­რეს კახა კუ­ჭა­ვას, მი­ნის­ტრებს ჟუ­ან­შერ ბურ­ჭუ­ლა­ძეს, თეა წუ­ლუ­კი­ანს და სხვებს... მა­მუ­კა გო­გი­ტი­ძემ პრე­ზი­დენ­ტის სა­ხელ­ზე გაგ­ზავ­ნი­ლი წე­რი­ლი ჩვენც გაგ­ვი­ზი­ა­რა, რო­მელ­საც მისი თქმით პრე­ზი­დენ­ტის­გან არა­ნა­ი­რი რე­ა­გი­რე­ბა არ მოჰ­ყო­ლია...