10
მაისიდღის ზოგადი ასტროლოგიური პროგნოზი
"ერთ-ერთმა ქალბატონმა გაასინჯა პირველად კოკაინი, ვიცით კონკრეტული სახელებიც და გვარებიც", - ამის შესახებ პარტია "ქართული ოცნების" თავმჯდომარემ, ირაკლი კობახიძემ, გადაცემაში "იმედი-LIVE", გიორგი გახარიაზე საუბრისას განაცხადა. კობახიძის თქმით, პარტია "საქართველოსთვის" ლიდერი ნარკიტიკის მომხმარებელი მას შემდეგ გახდა, რაც მან მმართველი გუნდი დატოვა. ირაკლი კობახიძემ ტელეგადაცემაში საუბრისას, გახარიას მიერ ვენაში ჩატარებული ტესტირების "რამდენიმე საინტერესო დეტალზეც" ისაუბრა.
"ჯანსაღი ცხოვრების პოპულარიზაციის მიზნით, გამოვიდა კახი კალაძე ამ უწყინარი ინიციატივით, რომ მომხდარიყო მერობის კანდიდატების ტესტირება... და უცებ ვხედავთ გახარიას არაჯანსაღ რეაქციებს, ამის შემდეგ დავინტერესდით, რაში იყო საქმე და გავარკვიეთ, რომ მას აქვს სერიოზული პრობლემა კოკაინის მოხმარების კუთხით... მისმა გარემოცვამ ეს იცის. ერთ-ერთმა ქალბატონმა გაასინჯა პირველად კოკაინი (კონკრეტული სახელები და გავრებიც ვიცით) და ამის შემდეგ მას აქვს ეს პრობლემა...
ერთ-ერთმა ფეისბუქ-მომხარებელმა იხუმრა - პარტიიდან და ხელიდან ერთდროულად წასულაო და გამოდის, რომ ეს ყველაფერი 18 თებერვლის შემდეგ ხდება, მარტი აპრილის თვიდან...
ეს არის ინფორმაცია, რაც ჩვენ მივიღეთ, მაგრამ ჩვენ ხომ არ უნდა დაგვიჯეროს საზოგადოებამ?! ამისთვის არსებობს შესაბამისი უწყება, რომელიც არის პასუხისმგებელი ტესტირებაზე და ეს ტესტირება დღემდე უამრავ ადამიანს აქვს გავლილი, მათ შორის ოპოზიციონერებს, პარლამენტის წევრობის კანდიდატებს, დეპუტატებს და ა.შ.
ამ ტესტირების გავლის შიში მან თავიდანვე გამოავლინა... "რუსთავი 2"-ში ერთ-ერთი ეთერის დროს მას წამოსცდა, რომ კოკაინზე არ გავიტეტსტებიო, კოკაინი არსად იყო მანამდე ხსენებული. ჩვენ გვქონდა ეს ინფორმაცია და ამის შემდეგ ჩვენთვის ცახადი გახდა ყველაფერი.
ამის შემდეგ ის ჩადის ვენაში, თითქოს იქ აბარებს თავის მონაცემებს და ირკვევა ბევრი საინტერესო დეტალი. ერთი დეტალი გახლავთ ის, რომ ეს ერთადერთი კლინიკაა მთელი ევროპის მასშტაბით, რომელსაც უკავშირდება კვლევასთან დაკავშირებული სკანდალი და ეს არის იუშენკოს ცნობილი სკანდალი, რის გამოც იყო სერიოზული დაპირისპირება ვენის კლინიკის მთავარ ექიმსა და მენეჯმენტს შორის და ამის გამო მთავარი ექიმი წავიდა თანამდებობიდან. იმის გამო, რომ მას აიძულებდნენ არასწორი კვლევის შედეგების დაწერას.
მეორე, რაც გაირკვა, ნევროლოგთან აქვს მას ჩაბარებული ეს ტესტი, რომელიც საერთოდ არ ატარებს ასეთ ტესტირებებს, რაც დასტურდება ჟურნალისტური გამოძიებით", - განაცხადა ირაკლი კობახიძემ.
ცნობისთვის, პარტიის - "საქართველოსთვის" მერობის კანდიდატმა გიორგი გახარიამ ნარკოტესტი ვენაში ჩაიტარა. მისმა პარტიამ გამოაქვეყნა კვლევის შედეგი, რომლის მიხედვითაც „გიორგი გახარიას არანაირი ნარკოტიკული ნივთიერებების მოხმარება არ დაუდასტურდა“.
კაი რა მართლა და მართლა ,ყველაფერს ხომ აქვს საზღვარი,სირცხვილია,,,კაცი 2 წელი გვერდით გყავდათ,წმინდანად აღიარებდით და ეხლა ნარკომანად ბარიგად და კენედის მკვლელად გამოაცხადეთ--მანამდე სად იყავით,?,თუ ბრაძანება გქონდათ გაუთქმელობის,-მართლაც სირცხვილი და გულისამრევია ამათი საქციელი.
აღარ გრცხვენია კობახიძე?