"რამდენი ხანიც ვიქნები, ვიქნები, გავხსნი იცოდე და გადმოვაგდებ" - რას პასუხობს ბანკში შეჭრილი მძარცველი სამართალდამცავებს?

საქართველოს ბანკის“ ყვარლის ფილიალზე თავდასხმის თაობაზე, განცხადება გააკეთა შსს-ს პრესსამსახურის ხელმძღვანელმა ქეთი კოვზიაშვილმა, რომლის თქმითაც, ადგილზე შსს-ს სხვადასხვა სამსახურების თანამშრომლები მუშაობენ, რათა მშვიდობიანად დასრულდეს სპეცოპერაცია. მისივე თქმით, ბანკის შენობაში არცერთი მძევალი აღარ იმყოფება.

"ვრცელდება კადრები, რომელშიც, სავარაუდოდ, ისმის მძარცველის და სამართლადამცავთა საუბარი. მძარცველი ამბობს, რომ ის ნახევარ მილიონ დოლარს ითხოვს. "გამოდი და მუხლებზე დადექი, შენ მანდედან გასაქცევი არ გაქვს, რამდენი ხანი გაძლებ, დაგვნებდი", - ისმის მომლაპარაკებლის ხმა, რაზეც მძარცველი პასუხობს: "რამდენი ხანიც ვიქნები, ვიქნები, გავხსნი იცოდე და გადმოვაგდებ", - პასუხობს მძარცველი, რომელიც, სავარაუდოდ, ხელყუმბარის გახსნით იმუქრება.

ადგილზე მყოფი ჟურნალისტები ამბობენ, რომ სპეცოპერაცი გრძელდება, დამნაშავე ჯერ არ დაუკავებიათ და ადგილზე საპოლიციო ძალები ემატება, მათ შორის შეიყვანეს 2 ჯავშანმანქანა.

გავრცელებული ინფორმაციით, მძარცველს 23 ადამიანი ჰყავდა მძევლად აყვანილი და როგორც შსს-ში განაცხადეს, სხვადასხვა თანხას ითხოვდა. ის ჯერ კიდევ არ არის დაკავებული და სპეცოპერაცია გრძელდება.

შეიარაღებული პირი ბანკში დღეს, დღის 4 საათზე შეიჭრა.