მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მე ვარ ადამიანი, რომელიც ვერ უგებს მოდას, მაგრამ..." - რას წერს ქეთი მელუა ანუკი არეშიძის შესახებ
11:55 / 08-09-2021
ერთ-ერთი ყველაზე წარმატებული ქართველი მომღერალი, ქეთი მელუა ჯგუფ scorpions-თან ერთად პრესტიჟული - ევროპის კულტურის პრიზით დააჯილდოვეს. დაჯილდოების ცერემონია გერმანიაში, ქალაქ ბონში გაიმართა.
ქეთი მელუას ღონისძიებაზე ანუკი არეშიძის დიზაინით შექმნილი სამოსი ეცვა. საუბარია ორ კოსტიუმზე. აღნიშნულ თემაზე და იმის შესახებ, თუ როგორ ითანამშრომლა ანუკისთან, ქეთი მელუამ სოციალურ ქსელში პოსტი გამოაქვეყნა.
როგორც მომღერალი "ინსტაგრამზე" წერს, იმ ფაქტით, რომ მიიწვიეს ევროპის კულტურის პრიზის ღონისძიებაზე, სადაც სხვადასხვა დროს სოფი ლორენი და ვივიენ ვესტვუდი დააჯილდოვეს და ამასთან იმის გაგებით, რომ სცენაზე ანუკის კაბით გამოვიდოდა, აღფრთოვანებული იყო.
"ფაქტობრივად, მთვარეზე ვიყავი", - წერს მელუა. მომღერალი აღნიშნავს, რომ ის მოდას "ყოველთვის ვერ უგებს."
"მე ვარ ადამიანი, რომელიც ყოველთვის ვერ უგებს მოდას, მაგრამ არ შემიძლია იმის უარყოფა, რაც მცმია წლების განმავლობაში, იმის, რაც შექმნილია სიყვარულითა და ხარისხით. ეს გავლენას ახდენს ჩემს თავდაჯერებულობაზე და რაღაც შინაგან სინათლეს ვგრძნობ, ეს ისევე მოქმედებს, როგორც კარგი სიმღერა.
მომეწონა კომბინიზონის შექმნის იდეა. ანუკიმ გამომიგზავნა ნახატები და თვითონ აირჩია სამოსისთვის შავი ხავერდი პატარა შავი ბრილიანტებით, რომელიც სცენის შუქს აირეკლავდა", - წერს მომღერალი.
ქეთი მელუა აღნიშნავს, რომ ის უმეტესად ისეთ სამოსს იცვამს, რომელშიც შიშველი მკლავი არ ჩანს - "მე არ ვარ დაბადებული ჯენიფერ ენისტონის მსგავსი მკლავებით, მაგრამ ანუკის გემოვნების წყალობით, სამოსი თანამედროვე და სრულყოფილი გამოვიდა“, - აღნიშნავს ქეთი მელუა.
ამასთან, როგორც Amebi.ge-ს ბრენდ Anouki-ს საზოგადოებასთან ურთიერთობის მენეჯერმა ბექა გვიშიანმა უთხრა, ქეთი მელუა მათ რამდენიმე თვის წინ დაუკავშირდა და თანამშრომლობის სურვილი გამოთქვა:
"ქეთი მელუა და მისი პროდიუსერები რამდენიმე თვის წინ დაგვიკავშირდნენ, გვითხრეს, რომ ქეთის ძალიან მოსწონს ანუკის კოლექციები და თავად გამოთქვა თანამშრომლობის სურვილი. ჩვენ, რა თქმა უნდა, დიდი სიამოვნებით დავთანხმდით და ქეთისთვის სპეციალურად შეიკერა სამოსი", - ამბობს ბექა გვიშიანი.
ინფორმაციისთვის, ბონში გამართული საღამო ლუდვიგ ვან ბეთჰოვენის 250 წლის იუბილეს მიეძღვნა. ევროპული კულტურის პრიზის მფლობელები ხდებიან ხელოვანი ადამიანები, რომლებსაც განსაკუთრებული, გამორჩეული მიღწევები აქვთ და გამოირჩევიან თავიანთი საქველმოქმედო, ხალხისთვის გაწეული საქმიანობით.
ღონისძიება ყოველ წელს ევროპის სხვადასხვა ქალაქში იმართება.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მიყვარს და პატივს ვცემ ორივეს როგორც დიზაინერს ასევე მომღერალს, მაგრამ არ ც კაბით ავღფრთოვანდი და არც ამ შავი ფეხსაცმლით, რომელიც სრულიად ამოვარდნილია კონტექსტიდან....
კაით ახლა, არცერთი კაბა არ ვარგა. სხვა საქმეა რო მელუას მოსწონს, ეს მისი საქმეა.