მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პროკურორი არ გამორიცხავს, რომ "ისლამური სახელმწიფოს" წევრობის ბრალდებით დაკავებულები ტერორისტული აქტის განხორციელებას საქართველოში გეგმავდნენ
12:22 / 26-08-2021
გეგმავდნენ თუ არა „ისლამური სახელმწიფოს“ წევრობისთვის ბრალდებულები საქართველოს ტერიტორიაზე აფეთქებას, ვერც დავადასტურებ და ვერც უარვყოფ, იქიდან გამომდინარე, რომ მიმდინარეობს გამოძიება. ამ ეტაპზე, ვერაფერს გამოვრიცხავთ, - ამის შესახებ ჟურნალისტებს „ისლამური სახელმწიფოს“ წევრობისთვის ბრალდებულების საქმის პროკურორმა გიორგი ხაჩიძემ განუცხადა.
მისივე თქმით, მათ თბილისის საქალაქო სასამართლოს, ხუთივე ბრალდებულის მიმართ აღკვეთის ღონისძიების სახით პატიმრობის გამოყენების თაობაზე მიმართეს.
„ჩვენს მიერ წარმოდგენილი იქნა მტკიცებულებები, რაც ადასტურებს ამ ბრალდებებს. ეს არის ვიდეო, აუდიო და ფოტომტკიცებულება. მტკიცებულებების ნაწილი გამოქვეყნდა სახელმწიფო უსაფრთხოების სამსახურის მიერ, თუმცა, არის სხვა მტკიცებულებებიც. ამასთანავე, მიმდინარეობს გამოძიება და ინტენსიურ რეჟიმში მტკიცებულებების მოპოვება. ეს მოპოვებული მტკიცებულებები ბრალდების წაყენების სტანდარტით საკმარისია დასაბუთებული ვარაუდისთვის, რომ ბრალდებულებმა ჩაიდინეს ის დანაშაული, რაც ჩვენ მათ ბრალად წავუყენეთ.
კონკრეტულად თუ სად გეგმავდნენ აფეთქებას, ამასთან დაკავშირებით მიმდინარეობს საგამოძიებო მოქმედებები და დაკონკრეტებისგან გამოძიების ინტერესებიდან გამომდინარე, თავს შევიკავებ. რაც შეეხება სოციალური ქსელიდან ამოღებულ მტკიცებულებას, ეს არის ფარული საგამოძიებო მოქმედების შედეგად მიღებული მტკიცებულება. ამ მტკიცებულებაში ჩაწერილია ფიცის მიღების ტექსტი ელექტრონულად და ეს საჯარო არ იყო“, - განაცხადა საქმის პროკურორმა.
ცნობისთვის, თბილისის საქალაქო სასამართლოში, ტერორისტული ორგანიზაცია „ისლამური სახელმწიფოს“ წევრობის ბრალდებით პანკისში დაკავებული 5 პირის სასამართლო პროცესი ამ წუთებში იწყება. სასამართლო მათთვის აღკვეთის ღონისძიების შეფარდებაზე იმსჯელებს.
ტერორისტული ორგანიზაციის წევრობის ფაქტზე დაკავებულ ხუთივე პირს: უ.ც.-ს, მ.მ.-ს, რ.ქ.-ს, ჰ.ბ.-ს და რ.მ.-ს ბრალდება გუშინ წარედგინა.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
... გამოვიდეს ახლა მაჩალიკაშვილი და გააკეთოს კომენტარი!!! ბევრ ,,ბლატაობს" ყოველთვის და საინტერესოა რას იტყვის!!!
პოლიტიკის გულისთვის მოეშვით ცეცხლთან თამაშს, თქვე კი არა და ამერიკა გამობუნძულდა კუდამოძუებული.