მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
18 000 ევაკუირებული, "შავ სიაში" მყოფი ადამიანების კარდაკარ ძიება და ჯო ბაიდენის მოწოდება - ბოლო ცნობები ავღანეთიდან
10:34 / 20-08-2021
ქაბულის აეროპორტიდან ამ დრომდე 18 000-ზე მეტი ადამიანია ევაკუირებული, - Reuters-ის ინფორმაციით, სააგენტოს ამის შესახებ ნატო-ს ოფიციალურმა წარმომადგენელმა განუცხადა.
წყარომ, რომელმაც ვინაობის გამხელა არ ისურვა, ასევე აღნიშნა, რომ აეროპორტთან გამგზავრების მსურველი ხალხის ნაკადი არ წყდება.
შეგახსენებთ, „თალიბანმა“ კვირას ავღანეთის დედაქალაქი ქაბული აიღო, რის შემდეგაც ათასობით ავღანელი ქვეყნის დატოვებას ცდილობს. ამასთან, ქვეყნები ავღანეთიდან საკუთარი საელჩოს თანამშრომლების, მოქალაქეებისა და იმ ავღანელების ევაკუაციას განაგრძობენ, რომლებიც უცხო ქვეყნების ძალებთან ერთად წლების განმავლობაში მუშაობდნენ და დახმარებას უწევდნენ.
"თალიბები კარდაკარ ეძებენ იმ ავღანელებს, რომლებიც ნატო-ს ძალებისთვის, ან წინა მთავრობისთვის მუშაობდნენ და მათი ოჯახების წევრებს ემუქრებიან", - BBC-ის ინფორმაციით, ამის შესახებ აღნიშნულია ნორვეგიის გლობალური ანალიზის ცენტრის დოკუმენტში, რომელიც გაეროს სადაზვერვო ინფორმაციას აწვდის.
„თალიბანის სამიზნე ამჟამად უამრავი პირია და ეს საფრთხე ნათელია. თალიბები იმუქრებიან, რომ თუკი ისინი არ ჩაბარდებიან, დააპატიმრებენ, გაასამართლებენ, დაკითხავენ და დასჯიან მათი ოჯახების წევრებს,“ - განაცხადა ნორვეგიის გლობალური ანალიზის ცენტრის ხელმძღვანელმა ქრისტიან ნელემანმა.
მისი თქმით, „თალიბანის“ „შავ სიაში“ მყოფი ნებისმიერი ადამიანი საფრთხეშია და ქვეყანაში, შესაძლოა, მასობრივი სიკვდილით დასჯაც მოხდეს.
„თალიბანი“, რომელმაც ავღანეთში ძალაუფლება რამდენიმე დღის წინ ჩაიგდო ხელში, ცდილობს ავღანელები და საერთაშორისო საზოგადოება დაარწმუნოს, რომ იმ ადამიანების წინააღმდეგ, რომლებიც წინა მთავრობაში მუშაობდნენ, შურისძიება არ განხორციელდება.
„თალიბანმა“ უნდა გადაწყვიტოს, სურს თუ არა, რომ საერთაშორისო საზოგადოებამ აღიაროს, - ამის შესახებ აშშ-ის პრეზიდენტმა ჯო ბაიდენმა ABC-ისთან ინტერვიუში განაცხადა.
ამასთან, ბაიდენს არ სჯერა, რომ დაჯგუფებამ მისი ფუნდამენტური შეხედულებები შეიცვალა.
„ვფიქრობ, ისინი რაღაც ტიპის ეგზისტენციალურ კრიზისს განიცდიან იმის შესახებ, სურთ თუ არა საერთაშორისო საზოგადოებამ აღიაროს ლეგიტიმურ მთავრობად. არ ვარ დარწმუნებული, რომ ეს უნდათ“, - განაცხადა ბაიდენმა და აღნიშნა, რომ ჯგუფი უფრო მეტად მისი რწმენის ერთგულია.
ბაიდენის თქმით, „თალიბანმა“ ასევე უნდა იზრუნოს ავღანელი ხალხის საჭიროებებზე, მათ შორის, ექნებათ თუ არა მათ საკვები, შემოსავალი, როგორ მართავენ ეკონომიკას.
რაც შეეხება ავღანელ ქალთა უფლებების საკითხს, ბაიდენმა აღნიშნა, რომ ამის უზრუნველყოფისთვის ეკონომიკურ და დიპლომატიურ ზეწოლას გამოიყენებს და არა - სამხედრო ძალას.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქაბულში 6 მილიონი ადამიანი თოფიანი ადამიანი ცხოვრობს, აიღო არა ფლავი-შეუშვეს, უფრო სწორად ტანსაცმელი გადაიცვეს , თოფი აიღეს და ქუჩაში გამოვიდნენ !
სურათზე, ბავშვები შევამჩნიე. რა გაუმართლათ.