"პაციენტების თქმით, თავი დამანებეთო უთქვამს და გადამხტარა" - რას ყვება კლინიკის ხელმძღვანელი კოვიდპაციენტის შესახებ, რომელიც მეოთხე სართულიდან გადახტა
ქუთაისში, ჩხობაძის სახელობის კლინიკის მეოთხე სართულიდან კორონავირუსით ინფიცირებული პაციენტი გადახტა. უბედურ შემთხვევასთან დაკავშირებით რადიო "თავისუფლებათან" კლინიკის ხელმძღვანელი გოგიტა ბაბუნაშვილი საუბრობს. ბაბუნაშვილის თქმით, მისი შეჩერება სხვა პაციენტებმა ვერ შეძლეს და მამაკაცი ფანჯრიდან გადახტა.
"მამაკაცი კლინიკაში ორი დღის შეყვანილი იყო და მისი მდგომარეობა საშუალო სიმძიმედ ფასდებოდა. მიზეზი უცნობია რატომ გადახტა. როგორც სხვა პაციენტები ამბობენ, თავი დამანებეთო უთქვამს და გადამხტარა'', - ამბობს გოგიტა ბაბუნაშვილი.
მომხდართან ფაქტზე შსს-მ გამოძიება სისხლის სამართლის კოდექსის 115 მუხლით დაიწყო, რაც თვითმკვლელობამდე მიყვანას გულისხმობს. 70 წლამდე მამაკაცმა გადავარდნის შედეგად მრავლობითი დაზიანება მიიღო და ექიმებმა მისი გადარჩენა ვერ შეძლეს.