"ვითიბი ბანკის" Visa Debit ბარათით თანხის განაღდება ნებისმიერი ბანკის ბანკომატიდან უფასოა
"ვითიბი ბანკი" ბაზარზე სამ კონკურენტულ სიახლეს ამკვიდრებს: Visa Debit ბარათით ნებისმიერი ბანკის ბანკომატიდან თანხის განაღდება უფასოა, მისი მეშვეობით თვითდასაქმებულებს საკრედიტო პროდუქტებზე წვდომა კიდევ უფრო უმარტივდებათ და ნებისმიერი ტრანზაქციის შემთხვევაში გადახდილი თანხის 0.25% უკან გიბრუნდებათ.
როგორც "ვითიბი ბანკის" საბარათე ბიზნესის მიმართულების უფროსი, ანრი გოქსაძე განმარტავს, სადებეტო პროდუქტების ოპტიმიზაციის შედეგად, Visa Debit ბარათის მფლობელებს ქართულ ბაზარზე საუკეთესო პირობებს სთავაზობენ.
„Visa Debit ბარათის მფლობელთათვის საქართველოში არსებული ნებისმიერი ბანკის ბანკომატიდან თანხის განაღდებისას ჩვენი მომხმარებელი არ იხდის საკომისიოს, რაც ჩვენს პროდუქტს კიდევ უფრო კომფორტულს და მოქნილს ხდის. დღეს, ბაზარზე სხვა მსგავსი პროდუქტი არ გვხვდება. გვსურდა, მაქსიმალურად გაგვეთვალისწინებინა მომხმარებლის ინტერესები და სიახლეები ისე დაგვენერგა. თუ აქამდე ის ცდილობდა, ხელფასის ჩარიცხვის დღეს დიდი მოცულობის თანხა გაენაღდებინა, რათა შემდეგ ბანკომატის მოძიება არ გასჭირვებოდა, დღეს შეუძლია, ნებისმიერ დროს და ნებისმიერ ადგილზე იმდენი თანხა გაანაღდოს, რამდენიც კონკრეტულ მომენტში სჭირდება, დანარჩენი კი დაცულ ბარათზე შეინახოს და თავი უფრო მშვიდად იგრძნოს“, - განგვიმარტა "ვითიბი ბანკის" საბარათე ბიზნესის მიმართულების უფროსმა.
მისივე თქმით, Visa Debit ბარათი კარგად არის დაცული და აქვს როგორც 3D უსაფრთხოების სერვისი ინტერნეტში თანხის განაღდებისთვის, ასევე კონტაქტური და უკონტაქტო ჩიპი; მისი დამატება შესაძლებელია Apple Pay-ის ელექტრონულ საფულეში, ინტერნეტ და მობაილ ბანკში, თუმცა გამორჩეულია იმით, რომ მფლობელს ათავისუფლებს ზედმეტი ხარჯებისგან და უქმნის მეტ კომფორტს.
„დღეს, საქართველოში უამრავი თვითდასაქმებულია, მაგალითად, ძიძა, ტაქსის მძღოლი თუ ხელოსანი, რომელთაც შეზღუდული აქვთ საკრედიტო პროდუქტებზე წვდომა, რადგან შემოსავლების დადასტურება უჭირთ. ჩვენ მათ ეს პრობლემა Visa Debit ბარათის მეშვეობით მოვუხსენით. უფრო კონკრეტულად, მათ შეუძლიათ, ყოველთვიურად მიღებული ანაზღაურება ბარათზე შეიტანონ და როცა დასჭირდებათ, გადაიხადონ ნებისმიერ ობიექტზე, გაანაღდონ და სურვილისამებრ გამოიყენონ, ბანკი მათ მიერ გაკეთებულ შენატანს სტაბილურ შემოსავლად აღიქვამს. აღნიშნულს კი საკრედიტო პროდუქტების განხილვისას გაითვალისწინებს“, - განგვიმარტა ანრი გოქსაძემ.
მისივე თქმით, "ვითიბი ბანკის" სიახლე ბევრ თვითდასაქმებულს გაუხსნის გზას ახალი შესაძლებლობებისკენ, რაც ქვეყნისთვისაც მნიშვნელოვანი იქნება. მესამე და მნიშვნელოვანი კომპონენტი კი რეალური ქეშბექი ანუ გადახდილი თანხის 0.25%-ის ავტომატურად დაბრუნების შესაძლებლობაა, რომელიც ტრანზაქციის ნებისმიერ ობიექტში განხორციელების შემთხვევაში მოქმედებს.
„ჩვენ არ გვაქვს არც ქულების დაგროვების სისტემა და არც რაიმე შეზღუდვა, რომ აღნიშნული ქულები მხოლოდ პარტნიორ ობიექტებში უნდა დახარჯო. ამის ნაცვლად, მომხმარებელს ვთავაზობთ ქეშბექს ნებისმიერ ტრანზაქციაზე, რის შედეგადაც უკან დაბრუნებული თანხა მას საბონუსე ანგარიშზე დაერიცხება. თანხას კი სურვილისამებრ გამოიყენებს,“ - განმარტა ანრი გოქსაძემ.
"ვითიბი ბანკის" წარმომადგენლის განმარტებით, აღნიშნული სიახლეები სულ რამდენიმე თვის წინ შევიდა ძალაში, თუმცა პროდუქტის მომხმარებლის ინტერესი უკვე საკმაოდ მაღალია.
„ჩვენ ახალი კლიენტებისთვის სპეციალური შეთავაზებაც გვაქვს: იმ შემთხვევაში, თუ ბარათს ჩვენს ვებგვერდზე, www.vtb.ge-ზე შეუკვეთავენ, არც Visa Debit ბარათის ერთჯერადი ღირებულება და არც მიტანის საფასური არ ჩამოეჭრებათ“, - აღნიშნა მან.
აგრეთვე, ბარათის შეკვეთა შესაძლებელია "ვითიბი ბანკის" ნებისმიერ ფილიალში ან დისტანციურად, www.videobank.ge-ის საშუალებით.
R