მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ორი მეგობარი სახელმწიფოს ლიდერი" ქსნის ერისთავების სასახლეში - ბჟანიას ვიზიტი ცხინვალში, აგვისტოს ომის მე-13 წლისთავზე და აფხაზების გამოხმაურებები
09:39 / 10-08-2021
ოკუპირებული აფხაზეთის ე.წ. პრეზიდენტი, ასლან ბჟანია ცხინვალის რეგიონში გამართულ "2008 წლის აგვისტოს ომის მე-13 წლისთავისადმი მიძღვნილ ღონისძიებებზე" იმყოფებოდა. ანატოლი ბიბილოვმა სტუმარი ცხინვალის გარდა, ახალგორშიც ჩაიყვანა, სადაც ქსნის ერისთავების სასახლე დაათვალიერებინა.
"ორი მეგობარი სახელმწიფოს ლიდერმა აფხაზური დელეგაციის წევრებთან ერთად, არმაზის წმინდა გიორგის ეკლესია და ისტორიულ- მხარეთმცოდნეობის სახელმწიფო მუზეუმი მოინახულეს. სტუმრებს ქსნის ერისთავების ცხოვრებაზე სასახლის კომპლექსში ექსკურსია ჩაუტარეს და სასახლის მშენებლობაზე უამბეს", - წერს ცხინვალის ე.წ. პრეზიდენტის პრესსამსახური.
ცხინვალის მედიის ცნობით, "ბჟანია მუზეუმის სილამაზით აღფრთოვანებული დარჩა და შთაბეჭდილების ქვეშ იყო. მან შთაბეჭდილებების წიგნში ჩანაწერი გააკეთა და მუზეუმს სწრაფად აღდგენა უსურვა", - წერს ოსური მედია.
სამხრეთ ოსეთი და აფხაზეთი დამოუკიდებელ სახელმწიფოებად რუსეთის ფედერაციამ სწორედ 2008 წლის აგვისტოს საომარი მოქმედებების შემდეგ აღიარა. აგვისტოს ომის წლისთავისადმი მიძღვნილ ღონიძიებებზე დე ფაქტო ლიდერებმა განცხადებები გააკეთეს 2008 წელს რუსეთის მხრიდან სამშვიდობო ძალისხმევასა და მის დადებით როლზე.
როგორც "რადიო თავისუფლება" წერდა, ქსნის ერისთავების სასახლე და მუზეუმი "ცხინვალის კულტურის სამინისტროს დაქვემდებარებაში იქნება". ე.წ. კულტურის მინისტრ ჟანა ზასეევას განცხადებით, "მუზეუმი განსაკუთრებულ ფასეულობას წარმოადგენს, რადგან იქ ინახება ოსების ისტორიის შუა საუკუნეების მასალები, რომლებიც დამატებით შესწავლას საჭიროებს".
ისტორიკოს ვლადიმერ ღუნაშვილის ცნობით, რომელიც მუზეუმის ყოფილი დირექტორია, სასახლე საქართველოს კულტურული მემკვიდრეობაა.
"ჩემი ისტორიულ-იდეოლოგიურად განსხვავებული პოზიცია მიუღებელი იყო დე ფაქტო ხელისუფლებისთვის და ეს ბოლო წლების რეპრესიებშიც გამოიხატა, - ამბობს ქართველი ისტორიკოსი "რადიო თავისუფლებასთან" საუბარში. - იქ ოსური და ალანური არაფერია. ოსები საქართველოში და ქსნის ხეობაში ჩამოვიდნენ 1737-38 წლებში და ამას ოსი მეცნიერი ვასო აბაევი წერს. აბაევზე დიდი მეცნიერი მათ არ ჰყავთ. ამ პოზიციის გამო, მუზეუმის თანამშრომლებზე და ჩემზე ზეწოლა განუწყვეტლივ მიმდინარეობს. დიდი წნეხის ქვეშ ვართ".
ოკუპირებულ ცხინვალსა და აფხაზეთში ბჟანია-ბიბლოვის შეხვედრას განსხვავებულად შეხვდნენ - ოსები მიიჩნევენ, რომ აფხაზეთთან უფრო მეტი აქტიური კავშირები უნდა ჰქონდეთ: "ეს ურთიერთობა ორივესთვის სასარგებლოა. ამიტომ, მხოლოდ დღესასწაულებზე კი არა, სხვა მხრივაც საჭიროა კონტაქტები, ეს იქნება ერთობლივი ბიზნესი, ეკონომიკური თუ სამხედრო პროექტები და სხვა".
ამ მხრივ ცოტა სკეპტიკურად არიან განწყობილი აფხაზები, ისინი მიიჩნევენ, რომ ოსებს თავიანთი არჩევანი გაკეთებული აქვთ: "თავად რუსეთს არ უნდა, თორემ მზად არიან მას დღესვე შეუერთდნენ. შესაბამისად, ისინი საერთო იდეის გარშემო ვერ გაერთიანდებიან".
"ვინც არ იცის, ქსნის საერისთავო ლენინგორში იმყოფება, ეს რაიონი კი 2008 წლის შემდეგ მიიერთა ცხინვალის ხელისუფლებამ და ოსებით აქტიურად დასახლებული არასდროს ყოფილა. დაახლოებით ისეთი ვითარებაა, როგორც გალია აფხაზეთისთვის. სამართლიანობისთვის უნდა აღინიშნოს, რომ იქ აფხაზურ კვალს თითქმის ვერ ვაწყდებით", - წერს თამარა წიშბა.
"ბჟანია, რაც დროს გადის, უფრო გვაახლოვებს რუსეთთან. რამდენიმე დღის წინ ბჟანია მოსკოვში ელექტროენერგიის სფეროში არსებული მწვავე პრობლემების საკითხის გამო იმყოფებოდა. ამის შესახებ ტელეარხი Незыгарь იტყობინება, რომლის ცნობითაც, აფხაზეთში სრული ენერგეტიკული კატასტროფა ხდება. ტელეარხის ცნობით, ადგილობრივები იმ მიზერულ ფასსაც ვერ იხდიან, რაც დენის ტარიფად განსაზღვრესო.
ბჟანია აქცენტს აკეთებს კრიპტოვალუტაზე, რომლის ალაგმვას თურმე ვერ ახერხებენ, ენერგოინფრასტრუქტურის აღდგენას კი 21 მილიარდი რუბლი სჭირდება, ამის რესურსი კი არ გვაქვსო. ერთი სიტყვით, ამბობს, რომ უფრო ხელსაყრელი იქნება, თუ აფხაზეთის ენერგეტიკა რუსეთის კონტროლქვეშ გადავაო. დიახ, ჩვენი პრეზიდენტი, რომელიც ცხინვალში დამოუკიდებლობით იწონებდა თავს, რუსეთში გვექაჩება. არაფერს ვიტყვი იმაზე, თუ რა ხდება ცხინვალში, ჩვენ მათთან შედარებით, გაბრწყინებული ევროპული ქვეყანა ვართ", - წერს კიდევ ერთი ინტერნეტმომხმარებელი ამრაზ ვოუბა.
მკითხველის კომენტარები /
44 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უპატრონო ეკლესიას ეშმაკები დაეპატრონენო. რა არმანსკაია რის ოსეტინსკაია 864 წელს სად ბებიაჩემთან იყვნენ?? ვაი ბედკრულო საქართველო!!!! 2008-მდე მაინც იყო ახალგორი საქართველოს იურისდიქციაში. ესეც ჩააბარეს. არ დაილია საქრთველოში ყორღანაშვილები.
კარგია არა ქართველების კულტურული მემკვიდრეობის მითვისება და საკუთრად წარმოჩენა?