მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მელბურნელი მასწავლებელი თბილისში, სეირნობის დროს მოკლეს... კეთილი, უანგარო ადამიანი იყო" - რას წერს ავსტრალიური მედია შანაი ბრუკის გარდაცვალებაზე
13:25 / 03-08-2021
ავსტრალიურ მასმედიაში საკმაოდ ფართოდ შუქდება საქართველოში ავსტრალიის მოქალაქის, მელბურნელი ქალის, შანაი ბრუკის გარდაცვალების ამბავი.
გაზეთი "სიდნეი მორნინგ ჰერალდი“ (Sydney Morning Herald) აქვეყნებს პუბლიკაციას სათაურით, "საქართველოს ხელისუფლება მელბურნელი ქალის მკვლელობაში ეჭვმიტანილს ეძებს“, რომელშიც შანაი ბრუკის (იგივე შანაი ედვარდსის) ტრაგიკული სიკვდილის გარემოებებია გადმოცემული.
ავტორი, აღნიშნავს რა თბილისში, მთაწმინდის პარკში მომხდარი მკვლელობის ფაქტს, იმოწმებს საქართველოს შინაგან საქმეთა მინისტრის, ვახტანგ გომელაურის განცხადებას, რომლის თანახმად, "სამინისტრო და პოლიციის თანამშრომლები ყველაფერს აკეთებენ მკვლელის გამოსავლენად, უკვე გვაქვს ზოგიერთი ინფორმაცია სავარაუდო დამნაშავის შესახებ“.
პუბლიკაციაში ასევე ციტირებულია შანაი ბრუკის - მეგობრების გამონათქვამები:
"არაჩვეულებრივი სათნო ქალი იყო, მხიარული... ყოველთვის მზად იყო სამოგზაუროდ, თავგადასავლებისათვის“, - წერს ერთი.
"არ მჯერა, რომ ისეთ სამყაროში ვცხოვრობთ, სადაც მსგავსი რამ შეიძლება უდანაშაულო ადამიანის მიმართ მოხდეს. შანაი ერთ-ერთი უანგარო, კეთილი და მეგობრული ადამიანი იყო, ვისაც კი მე შევხვედრივარ“, - წერს მეორე.
თბილისში უკვე ჩავიდა წარმომადგენელი თურქეთში არსებული ავსტრალიის საელჩოდან. მას კავშირი აქვს საქართველოს ხელისუფლებასთან, ოჯახს კი საკონსულო დახმარებას უწევს. "ავსტრალიის მთავრობა ღრმა მწუხარებასა და თანაგრძნობას გამოხატავს ავსტრალიელი ქალის ოჯახის მიმართ. სიკვდილის გარემოებებს საქართველოს ხელისუფლება იძიებს“, - ციტირებულია სტატიაში ავსტრალიის საელჩოს წარმომადგენლის ნათქვამი (წყარო).
ამავე თემაზე მასალები გამოქვეყნდა მელბურნის გაზეთ The Herald Sun-ში სათაურით "მელბურნელი მასწავლებელი, შანაი ბრუკი საქართველოში ჯერ გააუპატიურეს, შემდეგ კი მოკლეს“, გაზეთ The Australian-ში - "ინგლისური ენის მელბურნელ მასწავლებელ ქალს გასეირნების დროს თავს დაესხნენ და მოკლეს“; ბრიტანულ The Guardian-ში - "საქართველოში, თბილისში ავსტრალიელი ქალი გასეირნების დროს მოკლეს."
ავტორი: სიმონ კილაძე
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თბილისში სეინობისთვის კი არა, ტყეში ღამე ხეტიალის დროს.
რამდენი ჩვენი მოქალაქე მოკლეს უცხოეთში მართლა მხეცებმა