"რამდენიმე მეგობარს ერთად დაგვემართა კოვიდი... ოთხივე ორ-ორჯერ ვიყავით აცრილები და ძალიან მსუბუქად გადავიტანეთ" - რას წერს ვასილ მაღლაფერიძე?
"საზოგადოებრივი მაუწყებლის" ყოფილი დირექტორი ვასილ მაღლაფერიძე წერს, რომ კორონავირუსი მატივად დაამარცხა და ამის მიზეზი ვაქცინაციაა.
სოციალურ ქსელში გამოქვეყნებული პოსტით ის საზოგადოებას აცრისკენ მოუწოდებს.
"დავძლიე კოვიდი, ვერც გავიგე ისე. რამდენიმე მეგობარს ერთად დაგვემართა და უმსუბუქესად გადავიტანეთ, ვითომც არც ყოფილა.
ოთხივე ორ-ორჯერ ვიყავით აცრილები. სხვას რომ აცრა დავაძალო, ამის არც უფლება მაქვს და არც საშუალება, მაგრამ შედეგი სახეზეა და დაბეჯითებით გირჩევთ აცრას" - ამბობს მაღლაფერიძე.
ცნობისთვის, ვასილ მაღლაფერიძემ, რომელიც რამდენიმე თვის წინ "ქართული ოცნების" პოლიტსაბჭოს წევრი და პარტიის თავმჯდომარე იყო, პარტიული თანამდებობა ჯანმრთელობის პრობლემების გამო დატოვა. როგორც ის ამბობდა, მას სასწრაფო ოპერაცია დასჭირდა.