მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოს ტექნიკური უნივერსიტეტის რექტორი დავით გურგენიძე კურსდამთავრებულებს ულოცავს
13:18 / 02-08-2021
საქართველოს ტექნიკური უნივერსიტეტის რექტორი, პროფესორი დავით გურგენიძე უნივერსიტეტის ბაკალავრიატის, მაგისტრატურისა და დოქტორანტურის 2021 წლის კურსდამთავრებულებს მიმართავს და სწავლის დასრულებას ულოცავს. ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.
„ძვირფასო კურსდამთავრებულებო, საქართველოს ტექნიკური უნივერსიტეტის, პროფესორ-მასწავლებლებისა და ადმინისტრაციის სახელით, გილოცავთ უნივერსიტეტში სწავლის დასრულებას.
თქვენ მიიღეთ განათლება სამხრეთ კავკასიის ერთ-ერთ უძველეს უმაღლეს საინჟინრო-ტექნოლოგიურ სკოლაში, რომელმაც საუკუნოვანი ისტორიის მანძილზე არაერთი გამოჩენილი მეცნიერი, ინჟინერ-ტექნოლოგი და მკვლევარი აღზარდა. თქვენ მათი სახელოვანი გზის გამგრძელებლები ხართ და დარწმუნებული ვართ, რომ ჩვენი მომავალი თაობები ასევე იამაყებენ თქვენი წარმატებით.
სამწუხაროა, რომ კოვიდპანდემიის გამო უჩვეულო ვითარებაში მოგვიწია სასწავლო პროცესის წარმართვა - თქვენ ბოლომდე ვერ განიცადეთ სტუდენტური წლების სილაღე, ჩვენ კი დაგვაკლდა თქვენთან პირადი ურთიერთობის სითბო. მიუხედავად ამისა, ერთად შევძელით დაგვეძლია ყველა სირთულე და თქვენი მომავალი მიღწევებისთვის მყარი საფუძვლის შექმნა.
ბედნიერებას გისურვებთ პირად ცხოვრებაში და იმედი გვაქვს, რომ იქნებით წარმატებული, როგორც პროფესიულ, ასევე, სახელმწიფო თუ საზოგადოებრივ საქმიანობაში, საქართველოს ტექნიკურ უნივერსიტეტში მიღებულ ცოდნასა და გამოცდილებას კი ჩვენი სამშობლოს აღმშენებლობას მოახმართ.
არ გემშვიდობებით. გვჯერა, რომ გაგრძელდება თქვენი მჭიდრო კავშირი მშობლიურ უნივერსიტეტთან. მრავალი თქვენგანი აქტიურ მონაწილეობას მიიღებს უნივერსიტეტის შემდგომ განვითარებაში და ღირსეულად გააგრძელებს უფროსი თაობების შექმნილ ტრადიციებს. გვჯერა, ერთობლივი ძალისხმევით შევძლებთ ახალი გამოწვების გამკლავებას და ჩვენი ქვეყნისთვის მნიშვნელოვანი მრავალი პროექტის განხორციელებას“, - აღნიშნულია საქართველოს ტექნიკური უნივერსიტეტის რექტორის მიმართვაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
