"სახლშიც ვსტუმრობდი როცა ძალიან მიჭირდა... უზომოდ მიყვარდა" - რას წერს ნატო დუმბაძე კორონავირუსით გარდაცვლილ არქიმანდრიტზე
რამდენიმე დღის წინ კორონავირუსით არქიმანდრიტი იოაკიმე ასათიანი გარდაიცვალა. ის მკურნალობას პირველ საუნივერსიტეტო კლინიკაში გადიოდა. როგორც კლინიკაში ამბობდნენ, მას ძალიან მძიმე ფორმის კორონავირუსული ინფექცია ჰქონდა.
მისივე თქმით, არქიმანდრიტი 93 წლის იყო. მის შესახებ ემოციურ პოსტს აქვეყნებს პროდიუსერი ნატო დუმბაძე.
"30 წლის წინ პირველად მამა იოაკიმეს ჩავაბარე აღსარება ჯერ კიდევ სვეტიცხოველში და იმ დღიდან მისი სულიერი შვილი გავხდი! ჯვარიც მამაომ დაგვწერა !მკაცრი და მომთხოვნი იყო, ამავე დროს უთბილესი და უსაყვარლესი! შემდეგ კარის ეკლესიაში ,წმინდა მარინეს ტაძარში ,შემდეგ სამებაში !წლების შემდეგ ელიას მთაზე წავიდა მონასტერის ასაშენებლად , ეს ფოტოც იქ გადავიღეთ !
სულ მარტო დაიწყო აგურს აგურზე აგროვებდა ნელ ნელა დავიწყებ და ავაშენებო !იქაც ხშირად ვაკითხავდი! შემდეგ მითხრა ასე აღსარებაზე სულ აქ ხომ არ ივლიო და რომელიმე ტაძარში სადაც თავს კარგად იგრძნობ კურთხევას გაძლევ იქ იარეო, მივედი იოანე ხვთისმეტველის ტაძარში თუმცა სახლში მაინც ვსტუმრობდი როცა ძალიან მიჭირდა !უზომოდ მიყვარდა , ბევრი რამე მასწავლა და ბევრ რამეს მაზიარა! დღეს ის ცათა სასუფეველს ეწვია !ნათელში იყავი მამა იოაკიმე !ვუსამძიმრებ ოჯახს და სრულიად საქართველოს!ასე მგონია დავობლდი დროებით" - წერს დუმბაძე.